അറ്റാക്ക് വന്ന് ജീവനുവേണ്ടി അഖിൽ പിടഞ്ഞത് 5.5 മണിക്കൂർ, ചികിൽസ കിട്ടിയില്ല, എസ്.കെ ആശുപത്രി ക്കെതിരെ ബന്ധുക്കളുടെ ​ഗുരുതര ആരോപണം

തിരുവനന്തപുരം എസ് കെ ആശുപത്രിയിൽ S K HOSPITALS THIRUVANANTHAPURAM നെഞ്ച് വേദനയുമായെത്തിയ യുവാക്കൾക്ക് ജീവൻ നഷ്ടമായതായി ബന്ധുക്കളുടെ പരാതി. അറ്റാക്ക് വന്ന് ജീവനുവേണ്ടി അഖിൽ പിടഞ്ഞത് 5.5 മണിക്കൂറാണെന്ന് ബന്ധുക്കൾ കർമ ന്യൂസിനോട് പറഞ്ഞു. അറ്റാക്ക് വന്ന പേഷ്യന്റിനെ ആശുപത്രിയിൽ അഡ്മിറ്റാക്കിയ ശേഷം ആൻജിയോ​ഗ്രാം കംപ്ലെയിന്റാണെന്ന കാരണം പറഞ്ഞ് ചികിത്സ വൈകിപ്പെച്ചെന്നും ബന്ധുക്കൾ ആരോപിക്കുന്നു. മണിക്കൂറുകൾ ചികിത്സ വൈകിപ്പിച്ച ശേഷം ഒടുവിൽ മൃതദേഹം വെറ്റിലേറ്ററിൽ ഇട്ടു. പിന്നാലെ ആൻജിയോ​ഗ്രം ചെയ്തെന്നാണ് ആശുപത്രി പറയുന്നതെങ്കിലും അതിന്റെ തെളിവ് കൈമാറാൻ അധികൃതർ തയാറാകുന്നില്ലെന്നും ബന്ധുക്കൾ പറയുന്നു.

പൊലിസിൽ കംപ്ലെയിന്റ് ചെയ്തു. ഒരു പേഴ്സന്റേജ് മാത്രമാണ് അഖിൽ ജീവിതത്തിലേക്ക് വരാൻ സാധ്യതയുള്ളുവെന്നാണ് പറയുന്നത്. അതിനർത്ഥം മരണപ്പെട്ടുവെന്നല്ലേയെന്നും കുടുംബം ചോദിക്കുന്നു. എ​ഗ്മോ ചെയ്യാനായി മറ്റൊരു ആശുപത്രിയിലേക്ക് മാറ്റാൻ പറഞ്ഞു. ഇത്രയും ​ഗുരുതരമായ ആവസ്ഥയിൽ കഴിയുന്ന ഒരു രോ​ഗിയെ എങ്ങനെ മറ്റൊരു ആശുപത്രിയിലേക്ക് മാറ്റും എന്നാണ് ബന്ധുക്കളുടെ ചോദ്യം.

പല മീഡിയക്കാരെ വിളിച്ചെങ്കിലും എത്തിയവരെ അധികൃതർ ഇറക്കിവിട്ടു. മീഡിയക്കാരെ വിളിക്കും എന്ന് പറഞ്ഞപ്പോൾ ധാർഷ്ട്യപരമായ നിലപാടാണ് ആശുപത്രി അധൃകതൃതരുടെ ഭാ​ഗത്ത് നിന്നുണ്ടായതെന്നും കുടുംബം കർമ ന്യൂസിനോട് പറഞ്ഞു.ജനം ടി.വി വാർത്ത ഇട്ട ശേഷം ആശുപത്രിക്കാർ സ്വാധീനിച്ച് വാർത്ത നീക്കം ചെയ്തു എന്നും ബന്ധുക്കൾ പറഞ്ഞു.എല്ലാ മീഡിയക്കാരും ഇവരുടെ കൈപ്പിടിയിൽ ആണെന്നതിന്റെ തെളിവാണിതെന്നും കുടുംബം പറയുന്നു. അഖിലിന് കുഞ്ഞുണ്ടായിട്ട് വെറും 30 ദിവസം മാത്രമേ ആയിട്ടുള്ളു. അവരുടെ ഭാര്യയെ എന്ത് പറഞ്ഞ് ആശ്വസിപ്പിക്കുമെന്നും കുടംബം കണ്ണീരോടെ ചോദിക്കുന്നു

വീഡിയോ കാണാം