വയനാട്ടില്‍ നിന്നും യുവതിയെയും അഞ്ച് കുട്ടികളെയും കാണാനില്ലെന്ന് പരാതി

വയനാട്. യുവതിയെയും അഞ്ച് മക്കളെയും വയനാട് കമ്പളക്കാടു നിന്നും കാണാനില്ലെന്ന് പരാതി. കമ്പളക്കാട് കൂടോത്തുമ്മലില്‍ താമസിക്കുന്ന വിനിജയും കുട്ടികളെയുമാണ് കാണാതായത്. ഇവരെ സെപ്റ്റംബര്‍ 18 മുതല്‍ കാണാതായെന്നാണ് പരാതി.

യുവതി സെപ്റ്റംബര്‍ 18ന് മക്കളെയും കൂട്ടി സ്വന്തം വീട്ടിലേക്ക് പോയതായിരുന്നു. എന്നാല്‍ ഇവര്‍ സ്വന്തം വീട്ടില്‍ എത്തിയില്ല. തുടര്‍ന്ന് മൊബൈല്‍ ഫോണില്‍ ബന്ധപ്പെടാന്‍ ശ്രമിച്ചിട്ടും പ്രയോജനം ഉണ്ടായില്ല. തുടര്‍ന്ന് ബന്ധുക്കള്‍ പോലീസില്‍ പരാതി നല്‍കുകയായിരുന്നു.അതേസമയം കേസില്‍ ചില നിര്‍ണായക വിവരങ്ങള്‍ പോലീസിന് ലഭിച്ചു.

യുവതിയുടെ മൊബൈള്‍ ഫോണ്‍ ലോക്കേഷന്‍ കേന്ദ്രീകരിച്ച് നടത്തിയ അന്വേഷണത്തില്‍ യുവതിയുടെ അവസാന ലൊക്കേഷന്‍ കോഴിക്കോട് ജില്ലയിലെ ഫറോക്കിലാണെന്നാണ് തെളിഞ്ഞത്. തുടര്‍ന്ന് പോലീസ് യുവതിയുടെ ഭര്‍ത്താവിനെയും കൂട്ടി ഫറോക്കിലേക്ക് തിരിച്ചിട്ടുണ്ട്.