പ്രധാനമന്ത്രി പങ്കെടുക്കുന്ന യുവം പരിപാടിയെ പ്രതിരോധിക്കാൻ യുവജന റാലിയുമായി കോൺഗ്രസ്

തിരുവനന്തപുരം : പ്രധാനമന്ത്രിയുടെ യുവം പരിപാടിയെ എങ്ങനെ കടത്തിവെട്ടാമെന്ന ചിന്തയിലാണ് സിപിഎമ്മും കോൺഗ്രസും. കൊച്ചിയിൽ മേയ് മാസത്തിൽ രാഹുൽഗാന്ധിയെ പങ്കെടുപ്പിച്ച് കൂറ്റൻ യുവജനറാലി സംഘടിപ്പിക്കുമെന്ന് കെ.പി.സി.സി അറിയിച്ചു. യുവം പരിപാടിയെ മറികടക്കുക എന്നതാണ് ഇതിന്റെ ഒറ്റ ലക്ഷ്യം.

മെയ് 9,10 തിയ്യതികളില്‍ ചിന്തന്‍ശിബിരം 2 സംഘടിപ്പിക്കാനും തീരുമാനമായി. നിലവിലെ രാഷ്ട്രീയ പ്രശ്‌നങ്ങള്‍ ചിന്തന്‍ ശിബിരം ചര്‍ച്ച ചെയ്യും. എല്ലാതട്ടിലുമുള്ള ജനങ്ങളുമായി കോണ്‍ഗ്രസ് നേതാക്കള്‍ നേരിട്ട് സംസാരിക്കുമെന്നും കോണ്‍ഗ്രസ് പുതിയ ശൈലിയിലേക്ക് മാറുന്നുവെന്നും കെ സുധാകരന്‍ പറഞ്ഞു.

അതേസമയം വന്ദേഭാരത് സംസ്ഥാനത്തുണ്ടാക്കിയത് വലിയ ചലനമാണ് എന്നാൽ അതിനെക്കാൾ ഭയക്കേണ്ടത് പ്രധാനമന്ത്രിയുടെ കേരളസന്ദർശനത്തെയും യുവം പരിപാടിയുമാണെന്നാണ് സിപിഎം കാണക്കാക്കുന്നത്. കക്ഷി രാഷ്‌ട്രീയത്തിനും ജാതി മത വിവേചനത്തിനും അതീതമായി യുവാക്കളെ പങ്കെടുപ്പിക്കുന്ന പരിപാടി വലിയ ശ്രദ്ധ നേടുമെന്നും പരിപാടി വിജയിക്കുന്നതോടെ യുവാക്കൾക്കിടയിൽ ബിജെപിക്ക് വലിയ സ്വാധിനം നേടാൻ സാധിക്കുമെന്നതാണ്.