വോട്ടർമാർക്ക് വിതരണം ചെയ്യുവാൻ എത്തിച്ച ജെഡിഎസ് എംഎൽഎയുടെ ചിത്രം പതിച്ച കുക്കറുകൾ പിടിച്ചെടുത്തു

ബെംഗളൂരു. കര്‍ണാടകയില്‍ തിരഞ്ഞെടുപ്പ് അടുത്തിരിക്കെ വോട്ടര്‍മാര്‍ക്ക് വിതരണം ചെയ്യുവാന്‍ എത്തിച്ച എംഎല്‍എയുടെ ചിത്രം പതിപ്പിച്ച കുക്കര്‍ പിടിച്ചെടുത്തു. ദസറഹളി നിയോജകമണ്ഡലത്തിലെ ജെഡിഎസ് എംഎല്‍എ ആര്‍ മഞ്ജുനാഥിന്റെ ചിത്രം പതിച്ച പ്രഷര്‍ കുക്കറാണ് പിടിച്ചെടുത്തത്. രാജഗോപാല്‍ നഗര്‍ പോലീസ് സ്‌റ്റേഷന്‍ പരിധിയിലാണ് കാര്‍ഗോ കമ്പനിയുടെ വാഹനത്തില്‍ നിന്നും കുക്കര്‍ പിടിച്ചെടുത്തത്.

പിടിച്ചെടുത്ത വസ്തുക്കള്‍ക്ക് ഏട്ട ലക്ഷം രൂപ മൂല്യം വരുമെന്നാണ് കണക്ക്. ഇത്തരത്തില്‍ നിരവധി സംഭവങ്ങളാണ് കര്‍ണാടകയില്‍ തിരഞ്ഞെടുപ്പ് അടുത്തതോടെ നടക്കുന്നത്. കഴിഞ്ഞ ആഴ്ച ആറ് ലക്ഷം രൂപ വിലവരുന്ന വീട്ടുപകരണങ്ങള്‍ കയറ്റിയ വാഹനം പിടികൂടിയിരുന്നു. ഇന്‍കം ടാക്‌സ് ഒരു വീട്ടില്‍ നടത്തിയ പരിശോധനയില്‍ വിലപിടിപ്പുള്ള ഗിഫ്ടുകള്‍ പിടിച്ചെടുത്തിരുന്നു.