മലവെള്ളപാച്ചിലിൽപ്പെട്ട് മലയാളി ജവാന് ദാരുണാന്ത്യം

ഛത്തീസ്ഗഡിൽ മലവെള്ള പാച്ചിലിൽ പെട്ട് മലയാളി ജവാന് ദാരുണാന്ത്യം. സിആർപിഎഫ് കമാൻഡോ സൂരജ് ആർ ആണ് മരിച്ചത്. കൊല്ലം സ്വദേശിയാണ് സൂരജ്. നക്സൽ ബാധിത മേഖലയിൽ ഓപ്പറേഷൻ പൂർത്തിയാക്കി മടങ്ങി വരും വഴിയാണ് അപകടം നടന്നത്.

ഛത്തീസ്ഗഡിൽ രാവിലെ 7.30ഓടെ തുമാൽ വാഗു നദിയുടെ കൈവഴിയായ വെന്താവാഗു നദിയിലാണ് അപകടം ഉണ്ടായത്. തിരച്ചിലിനൊടുവിൽ വെള്ളിയാഴ്ച വൈകീട്ട് മൂന്ന് മണിയോടെയാണ് സൂരജിന്റെ മൃതദേഹം കണ്ടെത്തിയത്. സുഖ്മാ – ബീജാപ്പൂർ ജില്ലകളുടെ അതിർത്തിയിലാണ് അപകടം ഉണ്ടായത്. അപകടത്തിൽ എകെ 47 തോക്കുകൾ അടക്കം ആയുധങ്ങളും നഷ്ടമായെന്നാണ് വിവരം. രക്ഷാപ്രവർത്തനത്തിന് ശ്രമിക്കുന്നതിനിടെ നാല് ജവാന്മാരും ഒഴുക്കിൽ പെട്ടു. ഇവർ നാല് പേരെയും രക്ഷിച്ചു. നാല് പേർക്കും പരിക്കേറ്റിട്ടുണ്ട്.