ഒപ്പം ജീവിച്ചയാളിനെ മാറ്റി മറ്റൊരാളെ പ്രതിഷ്ഠിക്കാൻ ഇത്ര എളുപ്പമാണെന്ന് ഞാൻ അറിഞ്ഞില്ല, ഇമ്മാന്റെ മുൻഭാര്യ

സംഗീത സംവിധായകൻ ഡി ഇമ്മൻ കഴിഞ്ഞ ദിവസമാണ് രാണ്ടാമതും വിവാഹിതനായത്. പുനഃവിവാഹിത്തിന് ആശംസകൾ അറിയിച്ചുകൊണ്ടുള്ള മുൻഭാര്യ മോണികയുടെ കുറിപ്പാണ് ഇപ്പോൾ സോഷ്യൽ മീഡിയയിൽ ഇപ്പോൾ ശ്രദ്ധ നേടുന്നത്. പന്ത്രണ്ട് വർഷങ്ങൾ ഒപ്പം ജീവിച്ച ആളിനെ മാറ്റി പകരം മറ്റൊരാളെ പ്രതിഷ്ഠിക്കാൻ ഇത്ര എളുപ്പമാണെന്ന് അറിഞ്ഞില്ല എന്നും ഇന്ന് ആത്മാർഥമായും അതിൽ ഖേദിക്കുന്നു എന്നും മോണിക കുറിച്ചു.

കുറിപ്പിങ്ങനെ, പന്ത്രണ്ട് വർഷങ്ങൾ ഒപ്പം ജീവിച്ച ആളിനെ മാറ്റി പകരം മറ്റൊരാളെ പ്രതിഷ്ഠിക്കാൻ ഇത്ര എളുപ്പമാണെന്ന് ഞാൻ അറിഞ്ഞില്ല. നിങ്ങൾക്ക് വേണ്ടി ജീവിതം പാഴാക്കിയ ഞാൻ വിഡ്ഢിയാണ്. ഇന്ന് ഞാൻ ആത്മാർഥമായും അതിൽ ഖേദിക്കുന്നു. രണ്ട് വർഷമായി നിങ്ങൾ എന്നെയോ കുട്ടികളെയോ തിരിഞ്ഞു നോക്കിയിട്ടില്ല. കുട്ടികൾക്കും നിങ്ങൾ പകരക്കാരെ കണ്ടെത്തിയതിൽ ആശ്ചര്യം തോന്നുന്നു. ഞാൻ എന്റെ കുട്ടികളെ നിങ്ങളുടെ അച്ഛനിൽ നിന്ന് മറ്റും സംരക്ഷിക്കും. ആവശ്യമാണെങ്കിൽ പുതിയ കുഞ്ഞിനെയും ഞാൻ സംരക്ഷിക്കും. വിവാഹമംഗളാശംസകൾ.

നിരവധിപ്പേരാണ് കുറിപ്പിന് കമന്റുമായെത്തുന്നത്.

അന്തരിച്ച കലാസംവിധായകൻ ഉബാൽഡിന്റെ മകൾ അമേലിയാണ് വധു. വിവാഹത്തിന് ശേഷം ഇമ്മൻ സമൂഹ മാധയമങ്ങളിൽ കുറിപ്പ് പങ്കുവച്ചിരുന്നു. അമാലിയിലേക്കെത്താൻ സഹായിച്ചതിന് എല്ലാ കുടുംബാംഗങ്ങളോടും അഭ്യുദയകാംക്ഷികളോടും നന്ദി പറയുന്നു എന്നും അമാലിയുടെ മകൾ നേത്ര ഇനിമുതൽ എന്റെ മൂന്നാമത്തെ മകളായിരിക്കുമെന്നും എന്നുമാണ് ഇമ്മാൻ കുറിച്ചത്.