മുഖ്യമന്ത്രി പദം പങ്കിട്ടെടുക്കാൻ ആരുടേയും പൂർവീക സ്വത്തല്ല- ഡി കെ ശിവകുമാർ

കർണാടക മുഖ്യമന്ത്രി സ്ഥാനത്തെച്ചൊല്ലി സിദ്ധരാമയ്യയുമായുള്ള കടുത്ത മത്സരത്തിൽ പിന്നോട്ടില്ലെന്ന് കോൺഗ്രസ് നേതാവ് ഡികെ ശിവകുമാർ . എന്നാൽ പാർട്ടി എനിക്ക് അമ്മയേ പോലെയാണ്‌ എന്നും അമ്മ എല്ലാം നല്കും എന്നും ഡി കെ ശിവകുമാർ.എന്റെ നിലപാട് ഇതാണ്‌ എങ്കിലും എന്നാൽ പാർട്ടിയുടെ തീരുമാനം എന്തുതന്നെയായാലും അനുസരിക്കും.പിന്നിൽ കുത്താനോ ബ്ലാക്ക്‌മെയിൽ ചെയ്യാനോ ശ്രമിക്കില്ലെന്നും അദ്ദേഹം പറഞ്ഞു.

സിദ്ധാരാമയ്യ കൂടുതൽ സാധ്യത നേടിയപ്പോൾ ആയിരുന്നു ഡി.കെയുടെ പ്രതികരണം ദില്ലിയിൽ നിന്നും വന്നത്.കോൺഗ്രസ് നേതൃത്വവുമായി കൂടിക്കാഴ്ച നടത്തി. “നമുക്ക് കാത്തിരുന്ന് കാണാം. എനിക്കറിയില്ല,” അദ്ദേഹം മാധ്യമപ്രവർത്തകരോട് ജാഗ്രതയോടെ പറഞ്ഞു, വയറിനു സുഖമില്ലെന്ന് പറഞ്ഞ് ആദ്യം ദില്ലി യാത്ര വേണ്ടെന്ന് വയ്ച്ച ഡി കെ ശിവകുമാർ പിന്നീട് ദില്ലിക്ക് പറക്കുകയായിരുന്നു.പാർട്ടിയാണ് എന്റെ ദൈവം… ഞങ്ങൾ ഈ പാർട്ടി കെട്ടിപ്പടുത്തു, ഞാൻ അതിന്റെ ഭാഗമാണ്, ഇതിൽ ഞാൻ ഒറ്റയ്ക്കല്ല എന്നും അദ്ദേഹം പറഞ്ഞു. മുഖ്യമന്ത്രി സ്ഥാനം പകുതി കാലാവധിയായി പങ്കിട്ട് എടുക്കുമോ എന്ന് ചോദിച്ചപ്പോൾ മുഖ്യമന്ത്രി പദം അങ്ങിനെ പങ്കിട്ടെടുക്കാൻ ആരുടേയും പൂർവീക സ്വത്തല്ല എന്നും ഡി കെ ശിവകുമാർ പറഞ്ഞു.

കര്‍ണാടകയില്‍ സത്യപ്രതിജ്ഞ ഈമാസം പതിനെട്ടിന് ശേഷം നടക്കുമെന്നാണ് റിപ്പോർട്ട്. മുഖ്യമന്ത്രിയെ തീരുമാനിക്കാനുള്ള ഹൈക്കമാൻഡ് ചർച്ചകൾ ഇന്നും ഡൽഹിയിൽ തുടരും. വ്യാഴാഴ്ച സത്യപ്രതിജ്ഞ നടത്താനായിരുന്നു നേരത്തേയുള്ള തീരുമാനം. മുഖ്യമന്ത്രിയുടെ കാര്യത്തില്‍ സമവായത്തിലെത്തിയ ശേഷം തുടര്‍നടപടികള്‍ മതിയെന്ന തീരുമാനത്തിലാണ് ഹൈക്കമാന്‍ഡ്.എംഎൽഎമാർക്കിടയിൽ സിദ്ധരാമയ്യയ്ക്കാണു ഭൂരിപക്ഷമെന്നു മനസ്സിലാക്കിയതോടെയാണു ശിവകുമാർ ഇന്നലെ നിലപാടു കടുപ്പിച്ചതെന്നാണു സൂചന. ഇതിനിടെ, വൊക്കലിഗ സമുദായവും ലിംഗായത്തിലെ ഒരു വിഭാഗവും തനിക്കു പിന്തുണ പ്രഖ്യാപിച്ചത് ശിവകുമാറിന്റെ ആത്മവിശ്വാസം കൂട്ടി.ദില്ലിക്ക് പോകുന്നതിനു മുമ്പ് ഡി.കെ ഹോട്റ്റലിൽ അടച്ചിട്ട മുറിയിൽ എം എൽ എ മാരുമായി ചർച്ച നടത്തിയിരുന്നു