38 ഇനം മത്സ്യങ്ങൾകൊണ്ട് പിണറായി ചിത്രം, ശില്പം ഫ്രീസറിൽ വെച്ചില്ലെങ്കിൽ ചീഞ്ഞ് നാറുമെന്ന് സൈബർ ലോകം

38 തരം മത്സ്യങ്ങൾ കൊണ്ട് തീർത്ത മുഖ്യമന്ത്രി പിണറായിയുടെ ശിൽപ്പം ഫ്രീസറിൽ വയക്കണമെന്ന് സൈബർ ലോകം. 38 ഇനം കടൽ-കായൽ മത്സ്യങ്ങൾ കൂട്ടിയിണക്കി 16 അടി വലുപ്പത്തിൽ ആണ് കേരളത്തിലെ പ്രശസ്ത ശില്പിയായ ഡാവിഞ്ചി സുരേഷ് മുഖ്യമന്ത്രി പിണറായി വിജയന്റെ ചിത്രം നിർമ്മിച്ചത്.

പ്രളയ സമയത്ത് മത്സ്യത്തൊഴിലാളികളെ കേരളത്തിന്റെ സൈന്യമായി പ്രഖ്യാപിച്ച മുഖ്യമന്ത്രി നവകേരള സദസിന് കയ്പമംഗലം മണ്ഡലത്തിൽ എത്തുന്നതിന്റെ ആദരസൂചകമായിട്ടാണ് ഈ ചിത്രം നിർമിച്ചതെന്ന് ആണ് ഡാവിഞ്ചി സുരേഷ് വ്യക്തമാകുന്നത് .എന്നാൽ സമൂഹമാധ്യങ്ങളിൽ വമ്പൻ പൊങ്കാലയാണ് നിറയുന്നത്, കലാകാരനെ പ്രശംസിക്കുന്നതിനൊപ്പം ചിത്രത്തെ വിമർശിക്കുകയാണ് സോഷ്യൽമീഡിയ. ചില കമെന്റുകൾ ഇങ്ങനെയാണ് കലാകാരനെ അഭിനന്ദിക്കുന്നു അദ്ദേഹത്തിന് അറിയാം ഇതിലും നാറിയ വേറൊന്നില്ല എന്ന് ,അതുകൊണ്ടാവാം മീൻ തന്നെ തിരഞ്ഞെടുത്തത്,

ആ മൽസ്യങ്ങളുടെ പരമ്പരയെ കാത്തോളണേ, നിങ്ങള്ക്ക് വേറെ എത്രെയോ നല്ല വ്യക്തികളുടെ ചിത്രം ചെയ്യാമായിരുന്നു ഇതിപ്പോ എല്ലാവരും വെറുപ്പോടെ നോക്കുകയുള്ളു, ഒരു ചീഞ്ഞ നാറ്റം വരന്നു .. പിണറായി ശില്പം ഫ്രീസറിൽ വയക്കണം,തിരണ്ടികൊണ്ടാണ്‌ മൂക്ക്..തിരണ്ടികൊണ്ടാണ്‌ മൂക്ക്, വാളകൊണ്ട് മുടിയും, പിണറായി ശില്പ്പം എടുത്ത് ഫ്രീസറിൽ വയ്ച്ചില്ലേൽ ചീഞ്ഞു നാറിക്കോളുമെന്ന് സൈബർ ലോകം.എന്നൊക്കെ പോകുന്നു കമെന്റുകൾ

മുൻപും വൈവിധ്യമാർന്ന തരത്തിൽ നിരവധി തവണ ചിത്രങ്ങളും ശില്പങ്ങളും തീർത്ത പാരമ്പര്യമുണ്ട് സുരേഷിന്. തൃശൂർ കയ്പമംഗലത്തെ അഴീക്കോടാണ് സംസം എന്ന പേരുള്ള വള്ളത്തിൻറെ മുൻവശത്തായി 16 അടി വലുപ്പത്തിൽ പ്ലൈവുഡിൻറെ തട്ട് അടിച്ചു അതിനു മുകളിൽ ചിത്രം പൂർത്തിയാക്കിയത്. 300 കിലോയിലധികം മത്സ്യങ്ങളാണ് വേണ്ടിവന്നത്. ചെമ്മീൻ, മാന്തൾ, ക്ലാത്തി എന്നിവ ഉപയോഗിച്ചാണ് ചിത്രത്തിന്റെ പശ്ചാത്തലം ഒരുക്കിയത്. നീളമേറിയ വാളയാണ് തലമുടിയ്ക്കായി ഉപയോഗിച്ചിട്ടുള്ളത്. തെരണ്ടി, ചെമ്മീൻ, കക്ക എന്നിവയാണ് മുക്കിന്റെ രൂപത്തിനായി ഉപയോഗിച്ചത്. ചെമ്മീൻ, കക്ക, കടൽ ഞണ്ട്, കിളിമീൻ എന്നി മീനുകളാണ് നെറ്റി, മുഖം, ചുണ്ട് എന്നിവയ്ക്ക് നിറം നൽകിയത്. വാള, മുള്ളൻ, അയല, മത്തി എന്നിവ ഉപയോഗിച്ച് ഷർട്ട് ഒരുക്കിയ സുരേഷ് വലിയ ബ്രാലുകൾ ഉപയോഗിച്ചാണ് ബോർഡർ വരച്ചത്. എട്ടു മണിക്കൂർ സമയമെടുത്താണ് കലാസൃഷ്ടി പൂർത്തിയാക്കിയത്.