പ്രസ് ക്ലബ് പ്രസിഡൻ്റിന് വധഭീഷണി, പിവി അൻവർ എംഎൽഎയ്ക്കെതിരെ തെളിവ് സഹിതം ഡിജിപിക്ക് പരാതി

തിരുവനന്തപുരം. മാധ്യമ സ്വാതന്ത്ര്യം ഹനിക്കുന്ന പോലീസ് നടപടികൾക്കെതിരെ തിരുവനന്തപുരം പ്രസ് ക്ലബ് പുറപ്പെടുവിച്ച വാർത്താകുറിപ്പിനെ തുടർന്ന് പിവി അൻവർ MLA യുടെ അനുചരന്മാരായ ഗുണ്ടാസംഘം തിരുവനന്തപുരം പ്രസ് ക്ലബ് പ്രസിഡന്റ് എം രാധാകൃഷ്ണനെ വധിക്കുമെന്ന് ഫോണിലൂടെയും സമൂഹമാധ്യമങ്ങളിലൂടെയും ഭീഷണിപ്പെടുത്തുകയാണെന്ന് കാണിച്ച് പ്രസ് ക്ലബ് സംസ്ഥാന പോലീസ് മേധാവിക്ക് പരാതി നൽകി.

കഴിഞ്ഞദിവസം മറുനാടൻ മലയാളിയിലെ പോലീസ് അതിക്രമങ്ങൾക്കെതിരെയും സ്ത്രീകൾ അടക്കമുള്ള മാധ്യമപ്രവർത്തകരുടെ വീടുകയറി അനധികൃതമായി പരിശോധന നടത്തുന്നതിനെതിരെയും തിരുവനന്തപുരം പ്രസ് ക്ലബ് പ്രതിഷേധക്കുറിപ്പ് ഇറക്കിയിരുന്നു. ആ കുറിപ്പിലെ ചില പരാമർശങ്ങൾ പിവി അൻവർ എംഎൽഎയ്ക്ക് എതിരെയാണെന്ന് മുൻവിധിയോടുകൂടിയാണ് എം എൽ എയുടെ അനുയായികൾ എന്നവകാശപ്പെടുന്ന ചിലർ തിരുവനന്തപുരം പ്രസ് ക്ലബ് പ്രസിഡന്റ് എം.രാധാകൃഷ്ണന്റെ നമ്പറിലേക്ക് നേരിട്ട് വിളിച്ചും സന്ദേശമയച്ചും സമൂഹമാധ്യമങ്ങളിലും നിരന്തരം ഭീഷണിപ്പെടുത്തുന്നത്. കൊന്നുകളയുമെന്നാണ് ഭീഷണി.

തെളിവുകൾ സഹിതമാണ് പരാതി നൽകിയതെന്നും അടിയന്തര ഇടപെടലും അന്വേഷണവും നടത്തി എം. രാധാകൃഷ്ണന്റെ ജീവന് സംരക്ഷണം ഉറപ്പാക്കണമെന്നും അൻവറിൻ്റെ പേരിൽ നിയമനടപടി സ്വീകരിക്കണമെന്നും പ്രസ് ക്ലബ് സെക്രട്ടറി കെ.എൻ.സാനുവും ട്രഷറർ എച്ച് ഹണിയും ആവശ്യപ്പെട്ടു.

അതേസമയം പ്രസ്സ് ക്ലബിന്റെ പ്രസ്സ് റിലീസ് പുറത്ത് വന്നതിന് ശേഷം പിഅൻവർ പരാതിയെ പരിഹസിച്ച് രം​ഗത്തെത്തി. ഫെയ്സ്ബുക്കിലൂടെയായിരുന്നു പരിഹാസം.

പിവി അൻവറിന്റെ ഫെയ്സ്ബുക്ക് പോസ്റ്റിന്റെ പൂർണരൂപം

പി.വി.അൻവറിനെതിരെ തിരുവനന്തപുരം പ്രസ്സ്‌ ക്ലബ്ബ്‌ പരാതി കൊടുത്തു. എല്ലാവരും ഇതൊരു അറിയിപ്പായി കണക്കാക്കണമെന്ന് അപേക്ഷിക്കുന്നു. പ്രസ്സ്‌ ക്ലബ്ബ്‌ വാട്ട്സാപ്പ്‌ ഗ്രൂപ്പിനിപ്പോ പൂട്ടൊന്നുമില്ല പ്രസിഡന്റേ.! മാപ്രകൾ പ്രസിദ്ധീകരിക്കും മുന്നേ
ഞാൻ പ്രസിദ്ധീകരിക്കുന്നു പോരേ.