ഹൻസികയുടെ വരനെക്കുറിച്ചുള്ള ചില വിവരങ്ങൾ ഇങ്ങനെ

തെന്നിന്ത്യൻ സിനിമകളിലെ മിന്നും താരമാണ് ഹൻസിക. നടി തെലുങ്ക്, തമിഴ് സിനിമകളിലാണ് ശ്രദ്ധ കേന്ദ്രീകരിച്ചിട്ടുള്ളത്. ഉത്തരേന്ത്യയിൽ നിന്നും തെന്നിന്ത്യൻ സിനിമകളിലേക്ക് താരം ചേക്കേറുകയായിരുന്നു.ബോളിവുഡ് കരിയറിന് ശ്രമിച്ചെങ്കിലും ഇവിടെ വലിയ വിജയം ലഭിച്ചില്ല. ബാലതാരമായാണ് ഹൻസിക ആദ്യം പ്രേക്ഷകർക്ക് മുന്നിലെത്തുന്നത്. ഹിന്ദി ടെലിവിഷൻ ചാനലുകളിലൂടെയായിരുന്നു അരങ്ങേറ്റം. ഷക ലക ബൂം ബൂം എന്ന കിഡ്സ് ഷോയിൽ ഹൻസിക അവതരിപ്പിച്ച കരുണ എന്ന കഥാപാത്രം ഏറെ ശ്രദ്ധനേടിയിരുന്നു.

ആപ് കാ സുറൂർ എന്ന ചിത്രത്തിലാണ് ഹൻസിക ആദ്യമായി നായിക ആവുന്നത്. 2007 ലാണ് ഈ ചിത്രം പുറത്തിറങ്ങിയത്. തുടർന്ന് തെന്നിന്ത്യൻ‌ സിനിമകളിലേക്ക് ഹൻസിക ചുവടുവെച്ചു.തമിഴിലും തെലുങ്കിലും താരം നിറഞ്ഞു നിന്നെങ്കിലും അഭിനയ പ്രധാന്യമുള്ള വേഷങ്ങളൊന്നും തന്നെ ലഭിച്ചിരുന്നില്ല എന്നതാണ് വാസ്തവം. തുടർന്ന് കുറേക്കാലം നടി അഭിനയത്തിൽ നിന്ന് മാറി നിന്നിരുന്നു. അധികം വൈകാതെ തന്നെ
നടി വീണ്ടും സിനിമകളിലേക്ക് തിരിച്ചെത്തുകയും ചെയ്തു. 31 കാരിയായ ഹൻസിക വിവാഹം കഴിക്കാൻ പോവുകയാണെന്നാണ് നടിയെക്കുറിച്ച് ഏറ്റവും ഒടുവിലായി പുറത്തു വന്നിരിക്കുന്ന വിവരം.

ജയ്പൂരിൽ വെച്ച് നടക്കുന്ന വിവാഹത്തെക്കുറിച്ചുള്ള കൂടുതൽ വിവരങ്ങൾ പുറത്തു വിട്ടിരുന്നില്ല. എന്നാൽ ഹൻസികയുടെ വരനെക്കുറിച്ചുള്ള ചില വിവരങ്ങളാണ് ഇപ്പോൾ പുറത്തു വന്നിട്ടുണ്ട്. ഇന്ത്യാ ​ഗ്ലിറ്റ്സിന്റെ റിപ്പോർട്ട് പ്രകാരം സൊഹൈൽ കത്തൂര്യയാണ് ഹൻസികയുടെ വരൻ. ഇരുവരും ഒരുമിച്ച് ബിസിന്സ് ചെയ്യുന്നവരാണ്. 2020 ലാണ് ഇരുവരും ഒരുമിച്ച് ബിസിനസ് ചെയ്തത്. ഈ പരിചയം വിവാഹബന്ധത്തിലേക്ക് ഇരുവരെയും എത്തിക്കുകയായിരുന്നു.

താരം സിനിമയിൽ നിന്ന് മാറി നിന്ന സമയത്താണ് പ്രണയം ഉടലെടുത്തതെന്നാണ് വിവരം. ജയ്പൂരിൽ വെച്ച് ഡിസംബർ രണ്ട് മുതൽ നാലാം തിയതി വരെയാണ് വിവാഹ ആഘോഷമെന്നാണ് വിവരം. ഇതിന്റെ ഒരുക്കങ്ങൾ നടന്ന് വരികയാണ്. നവംബറിൽ ഹൻസിക വിവാഹക്കാര്യം ഔദ്യോ​ഗികമായി അറിയിച്ചേക്കും.
മാപ്പിളെെ എങ്കെയും കാതൽ, വേലായുധം, ഒരു കൽ ഒരു കണ്ണാടി, സിങ്കം തുടങ്ങിയ സിനിമകളിലൂടെയാണ് ഹൻസിക കൂടുതൽ ജനപ്രീതി നേടിയത്. തെന്നിന്ത്യയിൽ ഹൻസികയോടൊപ്പം നിറഞ്ഞു നിന്ന നായിക നടിമാരെല്ലാം വിവാഹ ജീവിതത്തിലേക്ക് കടന്നിരിക്കുകയാണ്. കാജൽ അ​ഗർവാൾ വിവാഹം കഴിഞ്ഞ് കുഞ്ഞിന് ജൻമം നൽകി, നയൻതാരയുടെ വിവാഹം ഇക്കഴിഞ്ഞ ജൂൺ മാസത്തിലാണ് നടന്നത്. ഇപ്പോഴിതാ ഹൻസികയുടെ വിവാഹ വിശേഷങ്ങൾക്കായി കാത്തിരിക്കുകയാണ് ആരാധകർ