പാതി വഴിയിൽ മലയൂരി പോയത് ഭക്തരല്ല, വീണ്ടും അയ്യപ്പഭക്തരെ അപമാനിച്ച് ദേവസ്വം മന്ത്രി

തിരുവന്തപുരം : അയ്യപ്പഭക്തരെ അപമാനിച്ച് ദേവസ്വം മന്ത്രി കെ രാധാകൃഷ്ണൻ. ശബരിമലയിലെ തിക്കുംതിരക്കും കാരണം മലകയറി അയ്യനെ കാണാനാകാതെ പാതി വഴിയിൽ മലയൂരി തിരികെ മടങ്ങിയത് ഭക്തരല്ലെന്നാണ് ദേവസ്വം മന്ത്രി പറഞ്ഞിരിക്കുന്നത്.

നവകേരള സദസിന് ഊന്നൽ നൽകിയപ്പോൾ ശബരിമല തഴയപ്പെടുകയായിരുന്നു. ബോധപൂർവം ഉണ്ടാക്കിയെടുത്ത പ്രശ്‌നമാണ് ശബരിമലയിൽ ഉണ്ടായത്. ഇതുവരെ ഉണ്ടാകാത്ത സംഭവമാണ് ശബരിമലയിൽ ഇക്കുറി ഉണ്ടായത്. ശബരിമലയിൽ അടിസ്ഥാനസൗകര്യങ്ങൾ ഒരുക്കുന്നതിൽ സർക്കാരിന് വീഴ്ച പറ്റി.

20 മണിക്കൂറുകൾ വരെ ഭക്തർ കാത്തുനിന്ന് അയ്യപ്പനെ കാണേണ്ട അവസ്ഥ ഇതുവരെ ശബരിമലയിൽ ഉണ്ടായിട്ടില്ല. ശബരിമലയിലെ തിരക്കിൽ, എന്തിനാണ് ഇത്രയും അധികം ഭക്തർ ഒരുമിച്ച് എത്തിയത് എന്നായിരുന്നു ദേവസ്വം മന്ത്രിയുടെ ഭാഗത്ത് നിന്നുണ്ടായ മറുപടി. ഒരിക്കലും അങ്ങനെ ഒരു പദവിയിൽ ഇരിക്കുന്ന വ്യക്തി പറയേണ്ട വാക്കുകൾ ആയിരുന്നില്ല അദ്ദേഹത്തിന്റെ നാവിൽ നിന്ന് വന്നത്.