മഞ്ജുവുമായുള്ള വിവാഹം, ഡിവോഴ്സ്, കാവ്യയുമായുള്ള വിവാഹം, ജയിൽ വാസം, ദിലീപിന്റെ സംഭവബഹുലമായ ജീവിതം ഇങ്ങനെ

മലയാളികളുടെ പ്രിയതാരം ദിലീപിന്റെ അമ്പത്തിമൂന്നാം ജന്മദിനമായിരുന്നു കഴിഞ്ഞ ദീവസം. സംഭവ ബഹുലമാണ് ദിലീപിന്റെ വൃക്തി ജീവിതം. ആദ്യസിനിമയിലെ നായകനായ ദിലീപിനെ മഞ്ജു വാര്യർ വിവാഹം കഴിക്കുന്നു.16 വർഷത്തെ ദാമ്പത്യത്തിനുശേഷം ഇരുവരും വേർപിരിയുന്നു.ഏക മകൾ ദീലിപിനൊപ്പം പോകുന്നു.2016ൽ കാവ്യാ മാധവനുമായുള്ള വിവാഹം. പിന്നാലെ ജയിൽ വാസം. വിവാദങ്ങൾ നടനെ വിടാതെ പിന്തുടർന്നുകൊണ്ടേയിരുന്നു

ഒരു മിമിക്രി താരമായി തുടങ്ങി, സംവിധാന സഹായിയായി, ചെറിയ വേഷങ്ങളിൽ പ്രത്യക്ഷപ്പെട്ട്…മെല്ലെമെല്ലെ മലയാളികളുടെ പ്രിയതാരമായി മാറിയ ആളാണ് ദിലീപ്. ജനപ്രിയ നായകൻ എന്ന ടാഗ് ലൈൻ അദ്ദേഹത്തിന് ആരാധകർ സമ്മാനിച്ചതാണ്. എന്നാൽ നടിയുമായി ബന്ധപ്പെട്ട കേസിൽ അറസ്റ്റിലായതോടെ ദിലീപിന്റെ സൽപേരുകൾക്ക് മുകളിൽ കരിനിഴൽ വീണു.

നടനാവുക എന്ന സ്വപ്‌നവുമായി എത്തിയ ഗോപാലകൃഷ്ണന് ആദ്യം ചെയ്യേണ്ടി വന്നത് സംവിധാന സഹായിയുടെ റോൾ. കമലിന്റെ അസിസ്റ്റന്റ് ഡയറക്ടർ ആയി തുടക്കം കുറിച്ചു.ദിലീപിന്റെ സിനിമാ ജീവിതത്തിലെ ഏറ്റവും നിർണായകമായ സിനിമ മാനത്തെ കൊട്ടാരം ആയിരുന്നു. സുനിൽ സംവിധാനം ചെയ്ത ഈ സിനിമ ദിലീപിനെ നടൻ എന്ന രേഖപ്പെടുത്തി.

ഹാസ്യ താരത്തിൽ നിന്ന് ഒരു നായകനായുള്ള സ്ഥാനക്കയറ്റം നൽകിയത് സംവിധായകൻ സുന്ദർദാസ് ആയിരുന്നു. സല്ലാപം എന്ന ഒറ്റ ചിത്രത്തിലൂടെ ദിലീപിന്റെ ജീവിതം തന്നെ മാറിമറിയുന്ന കാഴ്ചയാണ് പിന്നീട് കണ്ടത്.സല്ലാപത്തിൽ ഒരുമിച്ചഭിനയിച്ച ദിലീപും മഞ്ജു വാര്യയരും പിന്നീടും പല ഹിറ്റ് സിനിമകളിലെ താര ജോഡികളായി. ഒടുവിൽ ഏവരേയും അത്ഭുതപ്പെടുത്തി ദിലീപ് മഞ്ജുവിനെ വിവാഹം കഴിച്ചു. മഞ്ജുവാര്യരെ വിവാഹമോചനം ചെയ്ത ശേഷമായിരുന്നു ഏറെ നാളത്തെ ഗോസിപ്പുകൾക്കൊടുവിൽ കാവ്യയെ വിവാഹം കഴിക്കുന്നത്

കഴിഞ്ഞ 2018 ഒക്ടോബറിലായിരുന്നു കാവ്യയ്ക്കും ദിലീപിനും ഒരു മകൾ ജനിച്ചത്. വിജയദശമി ദിനത്തിൽ ജനിച്ച മകൾക്ക് മഹാലക്ഷ്മി എന്നാണ് പേര് നൽകിയത്. മഹാലക്ഷ്മിയുടെ രണ്ടാം പിറന്നാൾ ദിവസങ്ങൾക്ക് മുമ്ബാണ് ദിലീപിന്റെ വീടായ പത്മസരോവരത്തിൽ ആഘോഷിച്ചത്.