ശരീരവണ്ണത്തെ കുറിച്ച് കളിയാക്കല്‍, നോബിക്ക് കിടിലന്‍ മറുപടിയുമായി ഡിംപല്‍

ആരാധകരെ ആവേശത്തിലാക്കി ബിഗ്‌ബോസ് മലയാളം സീസണ്‍ മൂന്ന് ആരംഭിച്ചിരിക്കുകയാണ്. മത്സരാര്‍ത്ഥികളില്‍ പ്രേക്ഷകര്‍ക്ക് അത്ര സുപരിചിതര്‍ അല്ലാത്തവരുമുണ്ട്. ഇതില്‍ ഒരാളാണ് സൈക്കോളജിസ്റ്റും ഫാഷന്‍ സ്റ്റൈലിസ്റ്റുമായ ഡിംപല്‍ ഭാല്‍. എന്നാല്‍ ഷോയുടെ ആദ്യ ദിനങ്ങളില്‍ തിളങ്ങി നില്‍ക്കുന്നത് ഡിംപലാണ്. വസ്ത്രധാരണതത്തിലും സ്വന്തം വ്യക്തിത്വത്തിലും തന്റെ നിലപാട് ഡിംപല്‍ വ്യക്തമാക്കി കഴിഞ്ഞു. പുതിയ എപ്പിസോഡില്‍ ബോഡി ഷെയ്മിങ്ങിനെ കുറിച്ചാണ് ഡിംപല്‍ സംസാരിച്ചത്.

മത്സരാര്‍ത്ഥികളായ നോബി, മണിക്കുകട്ടന്‍, അഡോണി, റംസാന്‍ എന്നിവര്‍ക്ക് ഒപ്പം സംസാരിക്കുന്നതിനിടെയാണ് ശരീരത്തെ കുറിച്ച് കളിയാക്കുന്നവരെ മൈന്‍ഡ് ആക്കേണ്ടെന്ന് ഡിംപല്‍ പറഞ്ഞത്. നോബിയാണ് ചര്‍ച്ചയ്ക്ക് തുടക്കമിട്ടത്. നല്ല വണ്ണം ഉള്ളത് കൊണ്ട് എല്ലാവരും എന്നെ കളിയാക്കുമെന്ന് നോബി പറയുകയായിരുന്നു. അവരുടെ ചിന്തകള്‍ എത്ര ചെറുതാണെന്ന് വിചാരിച്ചാല്‍ മതി. ഇതിലൊക്കെയാണ് കുടുങ്ങി കിടക്കുന്നത്. വളര് വളര് എന്ന് വേണം തിരിച്ച് പറയാനെന്ന് നമ്മള്‍ അങ്ങോട്ട് പറയണമെന്ന് നോബിയോട് ഡിംപല്‍ പറഞ്ഞു.

ഇതിനിടെ ചെറുതായിരുന്നപ്പോഴും ഇതുപോലെ ആയിരുന്നോ, കൂട്ടുകാര്‍ ഒക്കെ തടിയാ എന്ന് വിളിച്ച് കളിയാക്കാറുണ്ടോയിരുന്നോ? എന്നും ഡിംപല്‍ നോബിയോട് ചോദിക്കുന്നുണ്ട്. എന്നാല്‍ അങ്ങനെയായിരുന്നില്ല എന്നായിരുന്നു നോബിയുടെ മറുപടി.

ഇതിനിടെ ജിമ്മില്‍ പോയിരുന്ന കാലത്ത് കേള്‍ക്കേണ്ടി വന്ന കളിയാക്കലുകളെ കുറിച്ച് മണിക്കുട്ടനും തുറന്ന് സംസാരിച്ചിരുന്നു. നമ്മളൊക്കെ ജിമ്മില്‍ പോയപ്പോള്‍ എല്ലാവരും കളിയാക്കുമായിരുന്നു. ഇപ്പോള്‍ പോവാത്ത ആള്‍ക്കാരില്ല. കാറിനകത്ത് പോലും ഡംപല്‍സ് കൊണ്ട് നടക്കുകയാണ് എല്ലാവരുമെന്നും മണിക്കുട്ടന്‍ പറഞ്ഞു.