ഒളിച്ചോടിയാണോ കല്യാണം കഴിച്ചതെന്ന് കാണുന്നവരെല്ലാം ചോദിക്കുമായിരുന്നു, മാതാപിതാക്കളെക്കുറിച്ച് ഡിംപിൾ റോസ്

മലയാളികളുടെ പ്രിയപ്പെട്ട മിനിസ്‌ക്രീൻ താരമാണ് ഡിംപിൾ റോസ്. ഇപ്പോൾ നടി അഭിനയ രംഗത്ത് സജീവമല്ല. സോഷ്യൽ മീഡിയയിലും യൂട്യൂബിലുമൊക്കെയായി സജീവമാണ് നടി. ഡിംപിൾ റോസ് പങ്കിടുന്ന വിശേഷങ്ങൾ എല്ലാം വളരെ പെട്ടെന്ന് തന്നെ വൈറലായി മാറാറുണ്ട്.
ആൻസൺ ഫ്രാൻസിസാണ് ഭർത്താവ്. ഇപ്പോഴിത തന്റെ മാതാപിതാക്കളുടെ മുപ്പത്തിയേഴാം വിവാഹ വാർഷികം ആഘോഷമാക്കിയതിന്റെ സന്തോഷം പങ്കുവെച്ച് എത്തിയിരിക്കുകയാണ് ഡിംപിൾ.

മാതാപിതാക്കൾ വിവാഹത്തെക്കുറിച്ച് പറയുന്നതിങ്ങനെ, ഞങ്ങൾ വളരെ ചെറുപ്പത്തിൽ വിവാഹിതരായവരാണ്. വിവാഹം ചെയ്യുമ്പോൾ എനിക്ക് പതിനെട്ട് വയസും ഡിംപിളിന്റെ പപ്പയ്ക്ക് 21 വയസുമായിരുന്നു പ്രായം. അന്ന് ഞങ്ങളെ കാണുന്നവരെല്ലാം ചോദിക്കുമായിരുന്നു ഒളിച്ചോടി വിവാഹം ചെയ്തതാണോയെന്ന്. പക്ഷെ സത്യം അതല്ല. വീട്ടുകാർ തീരുമാനിച്ച് ഉറപ്പിച്ച വിവാഹമായിരുന്നു. വിവാഹത്തിന് ശേഷം ഒരുപാട് സാഹസങ്ങൾ ചെയ്തിട്ടുണ്ട്. ഒരിക്കൽ ടുവീലറിൽ‌ എടുത്ത് വീട്ടിൽ പറയാതെ ഞങ്ങൾ രണ്ടുപേരും കൊയമ്പത്തൂർ പോയിരുന്നു. അന്നത്തെ ഒരു ആവേശത്തിൽ ചെയ്തതാണ്. അന്ന് അധികം വണ്ടികളൊന്നും റോഡിലില്ലാതിരുന്ന കാലഘട്ടമാണ്.

വിവാഹത്തിന് ഉടുത്ത സാരി മാറി ഒരു വെളുത്ത ​ഗൗൺ ധരിച്ച് മാലാഖയെപ്പോലെയാണ് അന്ന് ഡിംപിളിന്റെ അമ്മ വന്നത്. പെട്ടന്ന് എനിക്ക് ആളെ മനസിലായില്ല’ ഡിംപിളിന്റെ പപ്പ വിവാഹ​ ദിവസത്തെ ഓർമകൾ പൊടിതട്ടിയെടുത്ത് പറഞ്ഞു.

‘മമ്മിയും ഡാഡിയും വളരെ വിരളമായി വഴക്ക് കൂടുന്നവരാണ് ഇവർ ഒരു റൊമാന്റിക്ക് കപ്പിളാണ്. ഇവരുടെ ടോം ആന്റ് ജെറി കഥകൾ നിരവധിയുണ്ട്. ഇരുവരും ബിസിനസുമായി ബന്ധപ്പെട്ട് മാത്രമെ വഴക്ക് കൂടാറുള്ളു. മാത്രമല്ല മമ്മിയും ഡാഡിയും വഴക്ക് കൂടുമ്പോൾ‌ അതിൽ നമ്മൾ ഇടപെടാൻ പോയാൽ അവസാനം നമ്മൾ‌ പെട്ട് പോകും. അവർ അവസാനം ഒന്നിക്കുകയും നമ്മൾ‌ പുറത്താകുകയും ചെയ്യും