‘കാസ്റ്റിങ് കാൾ’ വഴി അശ്ലീല വിഡിയോ നിർമ്മാണം, സംവിധായകനും സഹ സംവിധായികയും അറസ്റ്റിലായി.

സേലം .സാമൂഹ്യ മാധ്യമങ്ങളിലൂടെ ‘കാസ്റ്റിങ് കാൾ’ പരസ്യങ്ങൾ നൽകി സിനിമ മോഹവുമായെത്തിയ യുവതികളുടെ അശ്ലീല വിഡിയോകള്‍ നിർമ്മിച്ച സംവിധായകനും സഹസംവിധായികയും സേലത്ത് അറസ്റ്റിലായി. ‘കാസ്റ്റിങ് കാൾ’ പരസ്യങ്ങൾ നൽകി സാമൂഹ്യ മാധ്യമങ്ങൾ വഴി വല വീശിപ്പിടിച്ച 300ല്‍ അധികം യുവതികളെ സംവിധായകനും സഹ സംവിധായികനും ചേർന്ന് ഭീക്ഷണിപ്പെടുത്തി നഗ്‌ന ചിത്രങ്ങൾ നിർമ്മിക്കുകയായിരുന്നു. സംഭവവുമായി ബന്ധപ്പെട്ടു സിനിമാ സംവിധായകന്‍ സേലം എടപ്പാടി സ്വദേശി വേല്‍സത്തിരന്‍, സഹസംവിധായിക വിരുദുനഗര്‍ രാജപാളയം സ്വദേശിനി ജയജ്യോതി എന്നിവരാണ് അറസ്റ്റിലായത്.

തമിഴ്നാട്ടിലെ സേലത്താണു 300ല്‍ അധികം യുവതികളുടെ അശ്ലീല ദൃശ്യങ്ങള്‍ പകര്‍ത്തിയ സംവിധായകന്‍ പിടിയിലായിരിക്കുന്നത്. സമൂഹമാധ്യമങ്ങളിലെ പരസ്യങ്ങള്‍ കണ്ടു വിളിക്കുന്ന യുവതികളെ പറഞ്ഞു വശീകരിച്ചു ക്യാമറകള്‍ക്കു മുന്നിലെത്തിക്കുകയായിരുന്നു ഇവർ. അറസ്റ്റിലായ സഹസംവിധായികയായ യുവതി കൊടും ക്രൂരതതക്ക് സംവിധായകന് എല്ലാ ഒത്താശകളും ചെയ്തു കൊടുക്കുകയായിരുന്നു. ചൂഷണത്തിനിരയായ മുഴുവന്‍ പേരെയും കണ്ടെത്താനായി പ്രത്യേക സംഘം രൂപീകരിച്ച് പോലീസ് അന്വേഷണം നടത്തി വരുകയാണ്.

സഹനടിമാരെ ആവശ്യമുണ്ടന്ന് സമൂഹമാധ്യമത്തിൽ പരസ്യം കണ്ടു ഇരുമ്പപാളയം സ്വദേശിയായ യുവതി സേലം ട്രാഫിക് സര്‍ക്കിളിലെ സ്റ്റുഡിയോയിലെത്തുന്നത്. പുതിയ സിനിമ തുടങ്ങുന്നതു വരെ ഓഫിസ് ജോലി നല്‍കാമെന്നു സംവിധായകന്‍ യുവതിക്ക് വാഗ്ദാനം നൽകുകയാണ് ഉണ്ടായത്. മൂന്നുമാസം ജോലി ചെയ്തെങ്കിലും കൂലി കിട്ടാത്തതിനെ തുടര്‍ന്നു കഴിഞ്ഞ ദിവസം ഇവരുടെ സ്റ്റുഡിയോ ഫ്ലോറിലെത്തിയപ്പോഴാണു അശ്ലീല ചിത്ര നിര്‍മാണമാണു നടക്കുന്നതെന്നു യുവതിക്ക് മനസിലാവുന്നത്.

ഇരുമ്പപാളയം സ്വദേശിയായ യുവതി തുടർന്ന് സൂറമംഗളം പൊലീസ് സ്റ്റേഷനിലെത്തി പരാതി നല്‍കി. പൊലീസ് നടത്തിയ റെയ്ഡില്‍ ഹാര്‍ഡ് ഡിസ്കുകളും ലാപ്ടോപ്പും സിനിമാ ചിത്രീകരണത്തിനുള്ള ക്യാമറയും പിടിച്ചെടുക്കുകയായിരുന്നു. ഈ ക്യാമറയിലും ഹാര്‍ഡ് ഡിസ്ക്കുകളിലുമായാണു 300ല്‍ അധികം സ്ത്രീകളുടെ അശ്ലീല വിഡിയോകളും ഫോട്ടോകളും ഉണ്ടായിരുന്നത്. പിന്നീടാണ് സംവിധായകൻ വേല്‍സത്തിരനും സഹ സംവിധായിക ജയജ്യോതിയും ചേർന്ന് നീല ചിത്ര നിർമ്മാണം നടത്തി വരുകയായിരുന്നു എന്ന് പോലീസ് സ്ഥിരീകരിക്കുന്നത്.

സിനിമയിൽ അവസരം തേടിയെത്തുന്ന യുവതികളെ സംവിധായകന്‍ സംസാരത്തിലൂടെ വശത്താക്കുകയും വേഷങ്ങള്‍ വാഗ്ദാനം നല്‍കി സ്റ്റുഡിയോയിലെത്തിച്ചു കുട്ടിയുടുപ്പ് ഇടീച്ചും കുളിമുറി രംഗങ്ങൾ പകർത്തുകയും ചെയ്യും. എതിര്‍ക്കുന്നവരെ ഭീഷണിപ്പെടുത്തി നിശബ്ദയാക്കുന്ന ജോലിയായിരുന്നു ജയജ്യോതിക്ക് നൽകിയിരുന്നത്. ചൂഷണത്തിന് ഇരയായവരെ കണ്ടെത്തി രഹസ്യമൊഴി കോടതി മുന്‍പാകെ രേഖപ്പെടുത്താന്‍ അന്വേഷണ സംഘം ശ്രമം നടത്തി വരുകയാണ്. സേലം എസ്പിയുടെ നേതൃത്വത്തില്‍ പ്രത്യേക അന്വേഷണ സംഘം രൂപീകരിച്ചാണ് അന്വേഷണം പുരോഗമിച്ചു വരുന്നത്.