നാണയം വിഴുങ്ങി ശ്വാസത്തിനായി പിടഞ്ഞ കുരുന്നിന് രക്ഷകനായി ഹോമിയോ ഡോക്ടര്‍

ഈരാറ്റുപേട്ട: നാണയം കുട്ടികളുടെ അരികിലോ അവര്‍ക്ക് കൈ എത്തുന്നിടത്തോ ഒന്നും വയ്ക്കരുത്.കാരണം ചിലപ്പോള്‍ അത് കുട്ടികളുടെ ജീവന്‍ വരെ അപഹരിച്ചേക്കാം.അടുത്തിടെ കേരളത്തെ തന്നെ ഞെട്ടിച്ചതാണ് നാണയം വിഴുങ്ങി ആലുവയില്‍ മൂന്ന് വയസുകാരന്‍ മരിച്ചത്.കുട്ടികള്‍ എന്തെന്ന് അറിയാതെയാവും ഇതെടുത്ത് വിഴുങ്ങുന്നത് എന്നാല്‍ പിന്നീട് തൊണ്ടയില്‍ കുടുങ്ങി മരണവും സംഭവിക്കും.ആലുവയില്‍ നാണയം വിഴുങ്ങിയ കുട്ടി മരിക്കാനിടയായത് ആശുപത്രികളുടെ കെടുകാര്യസ്ഥതയാണെന്ന ആരോപണം നേരത്തെ തന്നെ ഉയര്‍ന്നതാണ്.ഇപ്പോള്‍ നാണയം തൊണ്ടയില്‍ കുടുങ്ങി ശ്വാസത്തിനായി പിടഞ്ഞ ഒരു വയസ്സുകാരിക്ക് രക്ഷകനായിരിക്കുകയാണ് ഹോമിയോ ഡോക്ടര്‍.

തിങ്കളാഴ്ച വൈകുന്നേരം കോട്ടയം കുരിക്കല്‍ നഗറിന് സമീപമാണ് സംഭവം.നാണയം വിഴുങ്ങിയ ഒരു വയസ്സുകാരി നിര്‍ത്തിയിട്ടിരുന്ന കാറിലാണ് ശ്വാസത്തിനായി പിടഞ്ഞത്.ഈ സമയം രക്ഷകനായത് അതുവഴി എത്തിയ ഹോമിയ ഡോക്ടറാണ്.ഡോ. സോജന്‍ വില്ലന്താനമാണ് ആ വഴി എത്തിയത്.വാഹനം പാര്‍ക്ക് ചെയ്ത ശേഷം തന്റെ ഹോമിയോ ക്ലിനിക്കിലേക്ക് നടന്ന് പോകുന്ന വഴിയാണ് ഡോക്ടര്‍ മറ്റൊരു കാറില്‍ ശ്വാസം കിട്ടാതെ വിഷമിക്കുന്ന കുട്ടിയെ കാണാനിടയായത്.തുടര്‍ന്ന് ഓടിയെത്തിയ ഡോക്ടര്‍ കുട്ടിയെ തലകീഴായി പിടിച്ച് പുറത്തു തട്ടി നാണയം പുറത്ത് എടുക്കുകയായിരുന്നു.