ഇന്ത്യയിൽ ഏറ്റവും ആകർഷത്വമുള്ള 50 പുരുഷന്മാരുടെ പട്ടികയിൽ ഇടംനേടി ദുൽഖറും പൃഥ്വിരാജും നിവിൻ പോളിയും

മലയാള സിനിമയിലെ യുവതാരങ്ങളിൽ ഏറെ ശ്രദ്ധേയനായ നടനാണ് ദുൽഖർ സൽമാൻ.ഹൃദ്യമായ പുഞ്ചിരികൊണ്ടും അഭിനയശേഷി കൊണ്ടും ദക്ഷിണേന്ത്യ മുഴുവൻ തിളങ്ങുകയാണ് ഈ താരം.ടൈംസ് ഓഫ് ഇന്ത്യ നടത്തിയ സർവേയിൽ ഏറ്റവും ആകർഷണീയതയുള്ള ഇന്ത്യൻ പുരുഷന്മാരുടെ ഇടയിൽ ആറാം സ്ഥാനമാണ് ദുൽഖറിന്.

ബോളിവുഡ് താരം ഷാഹിദ് കപൂറാണ് പട്ടികയിൽ ഒന്നാം സ്ഥാനം കരസ്ഥമാക്കിയിരിക്കുന്നത്. 50 പേരുകളടങ്ങിയ പട്ടികയിൽ ദുൽഖർ ആറാം സ്ഥാനമാണ് സ്വന്തമാക്കിയിരിക്കുന്നത്.ഇന്ത്യൻ ക്രിക്കറ്റ് ടീം ക്യാപ്റ്റൻ വിരാട് കോഹ്‌ലിയാണ് ദുൽഖറിന് തൊട്ടുമുന്നിൽ നിൽക്കുന്നത്.നാലാം സ്ഥാനത്ത് വിക്കി കൗശലാണ്. രൺവീർ സിങ്ങ്,വിജയ് ദേവരക്കൊണ്ട എന്നിവരാണ് യഥാക്രമം രണ്ടും മൂന്നും സ്ഥാനം സ്വന്തമാക്കിയിരിക്കുന്നത്.

പൃഥ്വിരാജിന് ഇരുപത്തിമൂന്നാം സ്ഥാനവും നിവിൻ പോളിക്ക് നാൽപതാം സ്ഥാനവുമാണ്.ശിവകാർത്തികേയൻ,റാണ ദഗുബാട്ടി,യാഷ്,റാം ചരൺ,രൺബീർ കപൂർ,വരുൺ ധവാൻ,കാർത്തിക് ആര്യൻ,ആദിത്യ റോയ് കപൂർ കെഎൽ രാഹുൽ തുടങ്ങിയവരും പട്ടികയിൽ ഇടംനേടിയിട്ടുണ്ട്.

കൂടുതലും യുവതാരങ്ങളായിരുന്നു പട്ടികയില്‍ ഇടം നേടിയിരിക്കുന്നത്.അത് മാത്രമല്ല എല്ലാ കാലത്തും ആകര്‍ഷകത്വമുള്ള നടന്മാരുടെ പട്ടികയും പുറത്ത് വിട്ടിരുന്നു.അതില്‍ സൂപ്പര്‍താരങ്ങളായ സല്‍മാന്‍ ഖാന്‍,ഷാരൂഖ് ഖാന്‍.അക്ഷയ് കുമാര്‍,ആമീര്‍ ഖാന്‍,മഹേഷ് ബാബു എന്നിവര്‍ നേരത്തെ തന്നെ സ്ഥാനം നേടിയിരുന്നു.ഈ വര്‍ഷം നടന്‍ ഹൃത്വിക് റോഷനും ഈ ലിസറ്റിലാണ് സ്ഥാനം പിടിച്ചത്.