അരിക്കൊമ്പന്‍ മടങ്ങിവരുമോ എന്നത് പറയുവാന്‍ സാധിക്കില്ലെന്ന് ഡോ അരുണ്‍

കോഴിക്കോട്. അരിക്കൊമ്പന്‍ മടങ്ങി വരുമോ എന്നത് പുതിയ സാഹചര്യവുമായി ആന ഇണങ്ങുന്നിനെ ആശ്രയിച്ചിരിക്കുമെന്ന് ഡോ അരുണ്‍ സഖറിയ. 100 കൂടുതല്‍ കിലോമീറ്റര്‍ താണ്ടി ആനകള്‍ മടങ്ങിവന്ന ചരിത്രമുണ്ട്. അരിക്കൊമ്പന്‍ ഇപ്പോള്‍ കഴിയുന്നത് വെള്ളവും ഭക്ഷണവും ധാരാണം ഉള്ള പ്രദേശത്താണ്. ആനകള്‍ അവരുടെ പഴയ സ്ഥലത്തേക്ക് തിരിച്ചെത്തിയ സംഭവങ്ങള്‍ ഉണ്ടായിട്ടുണ്ട്. അരിക്കൊമ്പന്റെ കാര്യത്തില്‍ നമുക്ക് ഉറപ്പ് പറയുവാന്‍ സാധിക്കില്ലെന്ന് അദ്ദേഹം പറഞ്ഞു.

അരിക്കൊമ്പനെ വിട്ടിരിക്കുന്ന പ്രദേശത്ത് ധാരാളം മറ്റ് ആനകളും ഉണ്ട്. ഈ സാഹചര്യത്തോട് ആന എങ്ങനെ ഇണങ്ങുമെന്ന് പറയുവാന്‍ സാധിക്കില്ല. കര്‍ണാടകയില്‍ ആന 100 മുതല്‍ 120 കിലോമീറ്റര്‍ ദൂരം താണ്ടി തിരികെ എത്തിയിട്ടുണ്ട്. ചെറിയ പരിക്ക് ഉണ്ടെങ്കിലും അരിക്കൊമ്പന്‍ ആരോഗ്യവാനാണ്. അരിക്കൊമ്പന് മുറിവുകള്‍ ഉണങ്ങുന്നതിനുള്ള മരുന്ന് കൊടുത്താണ് കാട്ടിലേക്ക് വിട്ടത്.

നിലവില്‍ കേരള തമിഴ്‌നാട് അതിര്‍ത്തിയോട് ചേര്‍ന്നാണ് അരിക്കൊമ്പന്‍ സഞ്ചരിക്കുന്നത്. നിലവില്‍ അരിക്കൊമ്പന്റെ സിഗ്നലുകള്‍ ലഭിക്കുന്നുണ്ട്. അരിക്കൊമ്പനെ പെരിയാര്‍ ടൈഗര്‍ റിസര്‍വ് വനമേഖലയില്‍ തുറന്നുവിട്ട ശേഷം ഓരോ മണിക്കൂര്‍ ഇടവിട്ട് സാറ്റലൈറ്റ് കോളറില്‍ നിന്നു സിഗ്‌നല്‍ കിട്ടിക്കൊണ്ടിരുന്നതാണ്. എന്നാല്‍ ഇന്നലെ പുലര്‍ച്ചെ നാലിനു ശേഷമാണ് സിഗ്‌നല്‍ നഷ്ടപ്പെട്ടത്. വനംവകുപ്പ് വാച്ചര്‍മാരെ നിരീക്ഷണത്തിന് നിയോഗിച്ചിട്ടുണ്ടെങ്കിലും അരിക്കൊമ്പന്‍ എവിടെയെന്ന് അവര്‍ക്കും കണ്ടെത്താന്‍ കഴിഞ്ഞിരുന്നില്ല.