ഡോ ബി ആർ ഷെട്ടി കർമ ന്യൂസിൽ, 1000 കോടിയുടെ അവിറ്റസ് ആശുപത്രി പണിതത് എന്റെ പണം കൊണ്ട്

ഡോ ബി ആർ ഷെട്ടി കർമ ന്യൂസിൽ. പ്രവാസി ബിസിനസുകാരനും വ്യവസായ പ്രമുഖനുമായ ബി ആർ ഷെട്ടി തന്റെ ജീവിതത്തിൽ സംഭവിച്ച കാര്യങ്ങൾ കർമ ന്യൂസിന് നൽകിയ പ്രത്യേക അഭിമുഖത്തിൽ തുറന്നുപറഞ്ഞു. ഒരു വർഷത്തിനിടെ ഡോ ബി ആർ ഷെട്ടി ആദ്യമായി പ്രതികരിക്കുന്നതും തന്റെ സാമ്രാജ്യം തകർന്നതിന്റെ വിവരങ്ങളും ആദ്യമായാണ് കർമ ന്യൂസിലൂടെ പുറം ലോകത്തോട് പറയുന്നത്. ഞാൻ സ്വന്തമെന്നുപോലെ വിശ്വസിച്ച പാലക്കാട് നെന്മാറ സഹോദരങ്ങളായ പ്രശാന്ത് മാങ്ങാട്ടും പ്രമോദ് മാങ്ങാട്ടുമാണ് തന്നെ ചതിച്ചത്.

എനിക്ക് മാങ്ങാട് സഹോദരന്മാരുമായി ഒരു ബന്ധവുമില്ലെന്ന് ബി ആർ ഷെട്ടി കർമ ന്യൂസിനോട് പറ‍്ഞു. നിയോ ഫർമയുടെ ഡെപ്യൂട്ടി സി ഓ ഓ ആയ സുരേഷ് നന്ദിരാജ്, ഇവരുടെ കൂടെയുണ്ട്. ഇവർ മൂവരും ചേർന്നാണ് എല്ലാം ചെയ്തത്. രാജ്യത്തെ ചരിത്രത്തിലെ ഏറ്റവും വലിയ സാമ്പത്തിക തട്ടിപ്പു ആണ് ഇവർ നടത്തിയത്. ഇത് ചെയ്തത് ഇന്ത്യക്കാർ ആണ് എന്നത് നമ്മളെ നാണിപ്പിക്കുന്ന വിഷയം ആണ്.

പ്രമോദും പ്രശാന്തും കൂടി പാലക്കാട് 1000 കോടിമുടക്കി അവിറ്റസ് ആശുപത്രി ഉണ്ടാക്കിയത് എൻറെ പണം കൊണ്ടാണ്. ആശുപത്രി ഇപ്പോൾ യുകെ കോടതി ​ഗൾഫിലെ ബാങ്കുകൾക്കുവേണ്ടി കണ്ടുകെട്ടിയിരിക്കുകയാണ്. ആശുപത്രി നിർമാണത്തിനും, മെഡിക്കൽ സാമഗ്രികൾ വാങ്ങാനും എന്റെ പണമാണ് ഉപയോഗിച്ചിരിക്കുന്നത്. അതിന്റെ ഉദ്ഘടനത്തിനു പിണറായി വിജയനോടൊപ്പം ഞാനും സംബന്ധിച്ചിരുന്നു. എന്റെ പണം ആയിരുന്നു എന്ന് എനിക്ക് അറിയില്ലായിരുന്നു. അവർ നല്ല കളി കളിച്ചെന്നും കർമ ന്യൂസിന് നൽകിയ അഭിമുഖത്തിൽ പറഞ്ഞു

അഭിമുഖത്തിന്റെ പൂർണ്ണരൂപം