അവളുടെ കുറവുകളെ പ്രണയിച്ച രാജകുമാരനും രാജകുമാരിയും വിവാഹിതരായി

അവളുടെ കുറവുകളെ പ്രണയിച്ച രാജകുമാരൻ എന്ന തലക്കെട്ടിൽ വന്ന ഫൊട്ടോഷൂട്ട് കൺസപ്റ്റ് ഫോട്ടോകൾ വൈറലായിരുന്നു. ഡോ മനു ​ഗോപിനാഥും സൂസൺ തോമസുമായിരുന്നു മോഡലുകൾ. ഇതൊരു കല്യാണ ഷൂട്ടെന്ന് കരുതി കണ്ടവർ കണ്ടവർ ഷെയർ ചെയ്തു. വരനെ വാനോളം പുകഴ്ത്തി. എന്നാൽ ഇത് വെറുമൊരു ഫോട്ടോ ഷൂട്ടാണെന്ന് അറിഞ്ഞതോടെ പ്രതിഷേധം ഇരമ്പുകയും ചെയ്തിരുന്നു. കുറവുകളെ പ്രണയിച്ച രാജകുമാരൻ എന്ന തലക്കെട്ടിലാണ് ഫോട്ടോ വൈറലായത്.

ഇപ്പോളിതാ ഇവരുടെ പുതിയ ഫോട്ടോകളാണ് വൈറലാകുന്നത്. അങ്ങനെ അവസാനം അതും സംഭവിച്ചു…അവളുടെ ആഗ്രഹം ഞാൻ അങ്ങ് സാധിച്ചു കൊടുത്തു…അവളുടെ കുറവുകളെ പ്രണയിച്ച രാജകുമാരനും രാജകുമാരിയും വിവാഹിതരായി എന്ന കാപ്ഷനോടെയാണ് ഫോട്ടോകൾ പ്രചരിച്ചത്.

ഇവരുടെ കല്യാണം കഴിഞ്ഞോ അതോ ഇതും ഫോട്ടോഷൂട്ടാണോ എന്നൊക്കെയുള്ള സംശയങ്ങൾ ആരാധകർ ഉന്നയിക്കുന്നുണ്ട്. എന്താണെങ്കിലും ആശംസ കമന്റുകൾ കൊണ്ട് നിറഞ്ഞിരിക്കുകയാണ് ഈ ചിത്രങ്ങൾ.