തോമസ് ഐസക്കിനെ ചികിൽസിക്കാൻ ഡോക്ടർമാരുടെ സംഘം, മെഡിക്കൽ ബോർഡ് രൂപീകരിച്ചു

മന്ത്രി ഡോ തോമസ് ഐസക്കിന്റെ കോവിഡ് ചികിൽസക്കായി വൻ സന്നാഹങ്ങൾ രൂപീകരിച്ച് സർക്കാർ.67 കാരനാണ്‌ തോമസ് ഐസക്.മെഡിക്കൽ ബോർഡ് ഇതിനായി പ്രത്യേകം രൂപീകരിച്ചു.ഉന്നത ഡോക്ടർമാരടങ്ങുന്ന പ്രത്യേക സംഘം തന്നെ ഉണ്ടാക്കി. പതിനായിരക്കണക്കിനു കണക്കിന്‌ മലയാളികൾക്ക് കോവിഡ് ബാധിച്ചപ്പോൾ ഒന്നും ഉണ്ടാകാത്ത വൻ സന്നാഹം തന്നെയാണ്‌ മന്ത്രി ആയതിനാൽ തോമസ് ഐസക്കിനു ലഭിക്കുന്നത്.ഇതേ സമയത്ത് തന്നെ പല ആശുപത്രികളിലും സാധാരണക്കാരെ ചികിൽസിക്കാൻ ഡോക്ടർമാർ പോലും ആവശ്യത്തിനില്ലാത്ത സാഹചര്യവും ഉണ്ട്.

രോഗം സ്ഥിരീകരിച്ച സാഹചര്യത്തിൽ മന്ത്രിയെ തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചു.വിവിഐപികൾക്ക് വേണ്ടി തയ്യാറാക്കിയ മുറിയിൽ ഇദ്ദേഹത്തെ താമസിപ്പിക്കും.ഇദ്ദേഹത്തിന് എവിടെ നിന്നാണ് രോഗം ബാധിച്ചതെന്ന് വ്യക്തമല്ല.ഇത് പരിശോധിക്കും.പേഴ്സണൽ സ്റ്റാഫിലെ അംഗങ്ങളോട് നിരീക്ഷണത്തിൽ പോകാൻ ആവശ്യപ്പെടും.മന്ത്രിയെ പരിശോധിക്കാൻ വിദഗ്ദ്ധ ഡോക്ടർമാർ അടങ്ങിയ പ്രത്യേക മെഡിക്കൽ ബോർഡ് രൂപീകരിച്ചു.

മന്ത്രിയുടെ പഴ്സനൽ സ്റ്റാഫ് അടക്കമുള്ളവർ നിരീക്ഷണത്തിൽ പോകാൻ നിർദേശിച്ചു. ആന്റിജൻ പരിശോധനയിലാണ് മന്ത്രിക്ക് കോവിഡ് സ്ഥിരീകരിച്ചത്.ഉടൻ സ്രവ പരിശോധന നടത്തും.ആദ്യമായാണ് കേരളത്തിൽ ഒരു മന്ത്രിക്ക് കോവിഡ് സ്ഥിരീകരിക്കുന്നത്.

അതേസമയം,സംസ്ഥാനത്ത് ആദ്യമായി പ്രതിദിന കോവിഡ് ബാധിതരുടെ എണ്ണം മൂവായിരം കടന്നു.ഇതാദ്യമാണ്‌ 3000 എന്ന അക്കം കോവിഡ് രോഗികളുടെ എണ്ണം കടക്കുന്നത്.3082 പേർക്കാണ് ഇന്ന് രോഗം സ്ഥിരീകരിച്ചത്.2,844 പേർക്കും സമ്പർക്കത്തിലൂടെയാണ് രോഗബാധ.189 പേരുടെ രോഗ ഉറവിടം വ്യക്തമല്ല.ഇന്ന് 10 മരണം സ്ഥിരീകരിച്ചതോടെ സംസ്ഥാനത്ത് ആകെ കോവിഡ് മരണം 347 ആയി.

ഇന്നും കൂടുതൽ രോഗികൾ തലസ്ഥാനത്താണ്.582 പേർക്ക് രോഗം സ്ഥിരീകരിച്ചു. കൊല്ലത്ത് 328 പേർക്കും മലപ്പുറത്ത് 324 പേർക്കും രോഗബാധയുണ്ടായി.ആലപ്പുഴ, എറണാകുളം,കോഴിക്കോട്,കണ്ണൂർ,കാസർകോട് ജില്ലകളിൽ ഇരുന്നൂറിലധികമാണ് കേസുകൾ.കോട്ടയം,തൃശൂർ,പാലക്കാട് ജില്ലകളിൽ നൂറിലധികം പേർക്ക് കോവിഡ് സ്ഥിരീകരിച്ചു.2,196 പേർക്ക് ഇന്ന് കോവിഡ് ഭേദമായി.22,676 പേരാണ് ഇപ്പോൾ ചികിൽസയിൽ.കോവിഡ് രോഗ ബാധയിൽ രാജ്യത്ത് കേരളം ഇപ്പോൾ ആശങ്ക ഉണ്ടാക്കുന്ന സ്ഥാനത്തേക്ക് വരികയാണ്‌.