എന്റെ അസുഖത്തെ ചില മാധ്യമങ്ങൾ ആഘോഷമാക്കി; ഒരു അവബോധം ഉണ്ടാക്കാനാണ് ചിത്രം പങ്കിട്ടത്- ഭാ​ഗ്യലക്ഷ്മി

നടിയും ഡബ്ബിംഗ് ആർട്ടിസ്റ്റുമായ ഭാഗ്യലക്ഷ്മി ആശുപത്രിയിലാണെന്ന് ചിത്രം സഹിതം പുറത്തുവിട്ടിരുന്നു. എച്ച്1 എൻ1 ബാധിച്ച് ചികിത്സയിലായിരുന്നു. ഇൻസ്റ്റഗ്രാം കുറിപ്പിലൂടെയാണ് അസുഖ വിവരം ഭാഗ്യലക്ഷ്മി അറിയിച്ചത്. ഇപ്പോഴിതാ തന്റെ അസുഖ വിവരം ആഘോഷമാക്കിയതിനെതിരെ രംഗത്തെത്തിയിരിക്കുകയാണ് ഭാഗ്യ ലക്ഷ്മി. തന്റെ അസുഖത്തെ ചില മാധ്യമങ്ങൾ ആഘോഷമാക്കി എന്ന് പറഞ്ഞാണ് ഭാഗ്യലക്ഷ്മി സംസാരിച്ചത്.

കേരളം മുഴുവൻ പനിച്ച്‌ വിറയ്ക്കുന്ന കാഴ്ചയല്ലേ ഇപ്പോൾ. എല്ലാവരും ഒന്ന് സൂക്ഷിച്ച്‌ ഇരിക്കട്ടെ എന്ന് കരുതിയാണ് ഞാൻ അങ്ങനൊരു പോസ്റ്റ് ഇട്ടത്.’അതിനെ ‘അയ്യോ ആർക്കും ഇങ്ങനൊരു മഹാരോഗം വരല്ലേ’ എന്ന് പറഞ്ഞ് ചിലർ വാർത്തയാക്കി. എനിക്കിപ്പോ അസുഖം ഒന്നുമില്ല. മാറി. കുളിച്ചു. ആളുകൾക്ക് ഒരു അവബോധം എന്ന് ഉണ്ടാക്കാൻ വേണ്ടി ഇട്ടത്” എന്നാണ് ഭാഗ്യലക്ഷ്മി പറഞ്ഞത്.

കഴിഞ്ഞ ദിവസം നടി രചന നാരായണൻകുട്ടി ഡെങ്കിപ്പനി ബാധിച്ച്‌ ആശുപത്രിയിൽ ചികിത്സ തേടിയിരുന്നു. ഗുരുതരമായിരുന്നു തന്റെ രോഗാവസ്ഥ എന്ന് രചന ആരാധകരെ ആശുപത്രി കിടക്കയിൽനിന്നുള്ള ചിത്രം പങ്കുവച്ച്‌ അറിയിച്ചിരുന്നു. രോഗം ഭേദമായതിനെ തുടർന്ന് ഇന്നലെ രചന മടങ്ങി. രോഗവിവരം അന്വേഷിച്ചവരോടും പ്രാർത്ഥിച്ചവരോടും രചന നന്ദി അറിയിച്ചു.