നീ ഇല്ലാതെയുള്ള എന്റെ ജീവിതത്തെ കുറിച്ച്‌ എനിക്ക് ചിന്തിക്കാൻ പോലും കഴിയില്ല, അമാലിന് ആശംസയുമായി ദുൽഖർ

മലയാളികളുടെ പ്രിയ നടനാണ് ദുൽഖർ സൽമാൻ. മമ്മൂട്ടിയുടെ മകൻ എന്നതിലുപരി അഭിനയമികവുകൊണ്ടാണ് ദുൽഖർ ആരാധകരുടെ മനസ്സിൽ സ്ഥാനം പിടിച്ചത്. സിനിമയിൽ മുഖം കാണിച്ചിട്ടില്ലെങ്കിലും ദുൽഖറിനൊപ്പമുള്ള ചിത്രങ്ങളിലൂടെയും വീഡിയോയിലൂടെയും ഭാര്യ അമാലും ആരാധകർക്ക് പ്രീയപ്പെട്ടതാണ്. 2011 ഡിസംബർ 21നാണ് ദുൽഖറും അമാലും വിവാഹിതരായത്. ഒരു ആർക്കിടെക്ട് കൂടിയാണ് അമാൽ. 2017 മെയ്‌ മാസം അഞ്ചാം തീയതിയാണ് മറിയം അമീറ ജനിക്കുന്നത്. മറിയം അമീറ സൽമാൻ എന്നാണ് കുട്ടി താരത്തിന് ഇരുവരും നൽകിയ പേര്. കുടുംബത്തിന് ഏറെ പ്രിയപ്പെട്ടവളാണ് മറിയം

അമാലിന്റെ ജന്മദിനമായ ഇന്ന് ദുൽഖർ സോഷ്യൽ മീഡിയയിൽ പങ്കുവെച്ച കുറിപ്പിങ്ങനെ, നീ ഇല്ലാതെയുള്ള എന്റെ ജീവിതത്തെ കുറിച്ച്‌ എനിക്ക് ചിന്തിക്കാൻ പോലും കഴിയില്ല. എന്റെ പങ്കാളി,
എന്റെ സ്വപ്‌നങ്ങളെല്ലാം യഥാർഥ്യമാക്കിയതിനും എന്റെ ഭാവിയിലെ പദ്ധതികൾക്ക് വേണ്ടി സഹായിക്കുകയും എന്റെ അരക്ഷിതാവസ്ഥയും ഭയവും പരിഹരിക്കുന്നതിനും നന്ദി. നീ എന്റെ മനസിന്റെ പേശിയാണ്. എന്റെ മനസിന്റെ അകവും നീയാണ്. ഇവിടെ ആഘോഷമാണ്. ജന്മദിനാശംസകൾ ബേബി… ഞാൻ നിന്നെ വളരെ കാലമായി സ്‌നേഹിക്കുന്നു… എന്നുമാണ് ദുൽഖർ എഴുതിയിരിക്കുന്നത്.

അതേസമയം സുഹൃത്തുക്കളും സഹപ്രവർത്തകരുമടക്കം നിരവധിയാളുകളാണ് അമാലിന് ജന്മദിന സന്ദേശങ്ങൾ അയച്ച്‌ നിരവധി പേരാണ് രംഗത്ത് വരുന്നത്.