പ്രധാനമന്ത്രിയോട് DYFIയുടെ 100 ചോദ്യങ്ങള്‍: ‘ഞാൻ റെഡി, സ്ഥലവും സമയവും പറയൂ. നിങ്ങളുടെ വേദിയില്‍ എത്തി ഞാൻ ഉത്തരം നൽകാം’ – സന്ദീപ് വാചസ്പതി

ആലപ്പുഴ . പ്രധാനമന്ത്രിയോട് 100 ചോദ്യങ്ങള്‍ ചോദിക്കാനുള്ള ഡിവൈഎഫ്‌ഐ യുടെ ‘യംഗ് ഇന്ത്യ ആസ്‌ക് പിഎം’ എന്ന പരിപാടിയെ വെല്ലുവിളിച്ച് ബിജെപി നേതാവ് സന്ദീപ് വാചസ്പതി രംഗത്ത്. ഡിവൈഎഫ്ഐയുടെ 100 ചോദ്യങ്ങള്‍ക്കും നിങ്ങളുടെ വേദിയില്‍ എത്തി ഞാൻ ഉത്തരം നല്‍കാന്‍ തയ്യാര്‍ എന്നാണ് സന്ദീപ് വാചസ്പതി പറഞ്ഞിരിക്കുന്നത്. സ്ഥലവും സമയവും നിങ്ങള്‍ക്ക് നിശ്ചയിക്കാം. എന്നും ബിജെപി നേതാവ് സന്ദീപ് വാചസ്പതി ഫേസ്ബുക്ക് പോസ്റ്റില്‍ കുറിച്ചു.

സ്‌ക്രിപ്റ്റഡ് സംവാദമല്ല, മന്‍ കി ബാത്തുമല്ല. കൃത്യമായ ചോദ്യങ്ങള്‍. ഉത്തരമുണ്ടോ പ്രധാനമന്ത്രി? എന്നാണ് DYFIയുടെ വെല്ലുവിളി. കേരളം സന്ദര്‍ശിക്കുന്ന പ്രധാനമന്ത്രിയോട് കേരളത്തിന്റെ യുവത 100 ചോദ്യങ്ങള്‍ ഉറക്കെ ചോദിക്കുകയാണ്.

ചോദ്യങ്ങളുമായി 23,24 തീയതികളില്‍ കേരളത്തിലെ 14 ജില്ലകളിലുമായി ലക്ഷക്കണക്കിന് യുവാക്കള്‍ സംഗമിക്കുമത്രേ. ഇവയില്‍ ഏതെങ്കിലും ഒരു ചോദ്യത്തിന് എങ്കിലും പ്രധാനമന്ത്രി ഉത്തരം പറയണം എന്നാണ് ഡിവൈഎഫ്‌ഐയുടെ ആവശ്യപ്പെട്ടിരുന്നത്. ഇതിനാലാണ് ഞാൻ റെഡി, സ്ഥലവും സമയവും പറയൂ. നിങ്ങളുടെ വേദിയില്‍ എത്തി ഞാൻ ഉത്തരം നല്‍കാന്‍ തയ്യാര്‍ എന്ന് സന്ദീപ് വാചസ്പതി പറഞ്ഞിരിക്കുന്നത്.