പറ്റുന്നതെല്ലാം ചെയ്തു കൊ‌ടുത്തു, ഒടുവില്‍ വട്ടപൂജ്യമായി മാറി, ചര്‍ച്ചയായി എലിസബത്തിന്‍റെ കുറിപ്പ്

നടൻ ബാലയുടെ ഭാര്യ എലിസബത്ത് ഉദയൻ ഫേസ്ബുക്കില്‍ പങ്കുവച്ച കുറിപ്പാണ് ഇപ്പോള്‍ സോഷ്യല്‍ മീഡിയായില്‍ ചര്‍ച്ചയാകുന്നത്. സാധ്യമായതെല്ലാം ചെയ്തുകൊടുത്തിട്ടും ഒടുവില്‍ വട്ടപൂജ്യമായി മാറിയെന്നാണ് എലിസബത്ത് കുറിച്ചത്. ഇതോടെ എന്താണ് സംഭവിച്ചതെന്ന ചോദ്യവുമായാണ് നിരവധിപേര്‍ എത്തുന്നത്.

എലിസബത്ത് ഇപ്പോള്‍ തന്‍റെ ഒപ്പമില്ലെന്നും എല്ലാം തന്‍റെ വിധിയാണെന്നും ബാല ഒരു അഭിമുഖത്തില്‍ അടുത്തി‌ടെ പറഞ്ഞിരുന്നു. പിന്നാലെയാണ് തനിക്ക് തെറ്റുപറ്റിയെന്ന് തോന്നിപ്പിക്കുന്ന വിധത്തില്‍ കുറിപ്പുമായി എലിസബത്ത് എത്തിയത്. നമ്മുടെ ജീവിതത്തില്‍ നമ്മള്‍ സാധ്യമായതെല്ലാം ചെയ്തുകൊടുത്തിട്ടുള്ള ഒരാള്‍ ഉണ്ടാകും. എന്നിട്ടും അവര്‍ നമ്മെ, നമ്മള്‍ വെറും വട്ട പൂജ്യമാണെന്ന് തോന്നിപ്പിക്കും. എലിസബത്ത് ഫെയ്സ്ബുക്കില്‍ കുറിച്ചു.

കുറിപ്പിന് താഴെ കമന്‍റുമായി നിരവധി പേരാണ് എത്തുന്നത്. ബാലയുമായി എന്തിനാണ് പിരിഞ്ഞതെന്നും എല്ലാം സഹിക്കാൻ ദൈവം എലിസബത്തിനു ശക്തിയുണ്ടാകട്ടയെന്നും ആളുകള്‍ കമന്‍റ് ചെയ്യുന്നുണ്ട്.