വേദന ഇല്ലാതെ വന്നപ്പോൾ ആവേശവും അഹങ്കാരവും കൂടി- എലിസബത്ത് ഉദയൻ

അടുത്തിടെയാണ് ഗുരുതരമായ കരൾ രോഗത്തെത്തുടർന്ന് ബാലയെ എറണാകുളത്തെ അമൃത ഹോസ്പിറ്റലിൽ അഡ്മിറ്റ് ചെയ്തത്. ആദ്യം താരം ഗുരുതരാവസ്ഥയിലായിരുന്നു. എന്നാൽ പിന്നീട് കരൾമാറ്റ ശസ്ത്രക്രിയയിലൂടെ ആരോ​ഗ്യം വീണ്ടെടുത്തിരുന്നു. തിരികെ വീട്ടിലെത്തിയ താരം സോഷ്യൽ മീഡിയയിൽ സജീവമാണ്.

ഭാര്യ എലിസബത്ത് ഉദയനും സോഷ്യൽ മീഡിയയിൽ ആക്ടീവാണ്. ബാലയുമായുള്ള വിവാഹത്തിന് ശേഷം എലിസബത്ത് തന്റെ യൂട്യൂബിൽ എന്ത് പങ്കുവച്ചാലും അത് വാർത്തയാണ്. പ്രത്യേകിച്ചും ഇപ്പോൾ കരൾ സംബന്ധമായ അസുഖങ്ങൾക്ക് കഴിഞ്ഞ് ബാല തിരിച്ചെത്തിയതിന് ശേഷം എലിസബത്ത് എന്ത് പങ്കുവച്ചാലും അത് വാർത്തയാണ്. ഇപ്പോളിതാ സ്വന്തം ആരോ​ഗ്യത്തെക്കുറിച്ചാണ് എലിസബത്ത് സംസാരിക്കുന്നത്

കുറച്ച് ദിവസത്തേക്ക് നടത്തമോ ബാഡ്മിന്റണോ ഒന്നും ഉണ്ടാവില്ല. ഞാൻ റെസ്റ്റിലാണ്. രണ്ട് ദിവസം മുൻപ് കാലിനൊരു പരിക്ക് പറ്റി. ഹോസ്പിറ്റലിലേക്ക് പോയിട്ടില്ല. അടുത്ത ദിവസം പോവുന്നുണ്ട്. ഇനി കുറച്ച് ദിവസം റെസ്റ്റിലായിരിക്കും. കുഴപ്പമുണ്ടോ എന്നറിയാൻ സ്‌കാനിംഗ് വേണ്ടി വരും. സ്‌റ്റെപ്പ് കയറുമ്പോഴും ഇറങ്ങുമ്പൊഴുമെല്ലാം വേദനയുണ്ട്. എത്ര ദിവസം റെസ്റ്റ് വേണമെന്ന് അറിയില്ല. ഇനി നടത്തം പറ്റാത്തത് കൊണ്ട് ഡയറ്റ് കൃത്യമായി പിടിക്കണമെന്നാണ് വിചാരിക്കുന്നത്.

പറ്റുന്ന കാര്യങ്ങളെല്ലാം ചെയ്യും. വീഡിയോയിലൂടെ ഞാൻ എല്ലാം നിങ്ങളോട് പറയും. വാക്കിംഗ് വീഡിയോസ് കുറവായിരിക്കും. ലിഗമെന്റ് പ്രശനം വന്നതിന് ശേഷം അങ്ങനെയധികം റിസ്‌ക്കുള്ള കാര്യങ്ങളൊക്കെ നിർത്തിയിരുന്നു. വേദന ഇല്ലാതെ വന്നപ്പോൾ ആവേശവും അഹങ്കാരവും കൂടി. റിസ്‌ക്ക് ടേക്കിംഗ് ഷോട്ട് ഒക്കെ എടുത്തപ്പോഴാണ് കാലിന് പരിക്ക് പറ്റിയത്. ഇത്തവണയും അങ്ങനെയെന്തോ സംഭവിച്ചിട്ടുണ്ടെന്നുമായിരുന്നു എലിസബത്ത് പറഞ്ഞത്.