പൊട്ടതെറ്റ് ഇംഗീഷ് പോസ്റ്റ് പോലും ചിന്തയുടെ സ്വന്തമല്ല, അതും കോപ്പി അടിച്ചത്

തിരുവനന്തപുരം . ഇംഗ്ലിഷില്‍ പിഎച്ച്ഡി നേടിയത് കോപ്പിയടിച്ചാണെന്ന ആരോപണം ശക്തമായിരിക്കെ യുവജന കമ്മീഷന്‍ അധ്യക്ഷ ചിന്ത ജെറോം ‘ഓസ്‌കര്‍ ഫേസ്ബുക്ക് പോസ്റ്റ്’ പോലും കോപ്പി അടിച്ചതാണെന്ന വിവരം പുറത്ത്. ഓസ്‌കര്‍ ഫേസ്ബുക്ക് പോസ്റ്റ് ചിന്ത ത്രിപുര മാധ്യമപ്രവര്‍ത്തകന്റെ പോസ്റ്റ് അതേപടി കോപ്പിയടിച്ചതാണെന്നാണ് പുറത്ത് വന്നിരിക്കുന്ന വിവരം.

ഏറെ ട്രോളുകള്‍ക്ക് കാരണമായ ഓസ്‌കര്‍ അവാര്‍ഡുമായി ബന്ധപ്പെട്ട പോസ്റ്റ് സത്യത്തിൽ ചിന്തയുടേതല്ല. ആശയപരമായ തെറ്റായിരുന്ന ആ പോസ്റ്റ് പോലും ചിന്ത കോപ്പിയടിച്ചതാണെന്ന് തെളിയുകയാണ്. ത്രിപുരയുടെ മാധ്യമപ്രവര്‍ത്തനായ സുജിത് ത്രിപുര എന്നയാളുടെ പോസ്റ്റ് ചിന്ത അതേപടി കോപ്പിയടിക്കുകയായിരുന്നു. ഇയാള്‍ മാര്‍ച്ച് 13ന് പോസ്റ്റ് ചെയ്തതാണ് ഈ പോസ്റ്റ്.

ഇത് ചിന്ത മാര്‍ച്ച് 14ന് കോപ്പിയടിച്ച് അവസാനത്തെ വാക്കായ congratulations മാറ്റി respect എന്നാക്കി മാറ്റി പോസ്റ്റ് ചെയ്തു. ഈ പോസ്റ്റിന്റെ മലയാള തര്‍ജ്ജിമ ഇങ്ങനെയായിരുന്നു: ‘ആര്‍ആര്‍ആര്‍ സിനിമയ്ക്ക് അന്താരാഷ്ട്ര പ്രശസ്തി നേടിക്കൊടുത്ത ചന്ദ്ര ബോസ് എന്ന ഒരു ഗാനരചയിതാവ്, സംഗീതം നല്‍കിയ എം എം കീരവാണിക്ക് ഓസ്‌കാര്‍ അവാര്‍ഡ് സമ്മാനിക്കുന്നത് തെലുങ്ക് സിനിമാ സാഹിത്യ മേഖലയ്ക്ക് ഒരു അന്താരാഷ്ട്ര അംഗീകാരമാണ്. ആദരവ്’

ചിന്താ ജെറോമിന്റെ ഇംഗ്ലീഷ് പിഎച്ച്ഡിയെക്കുറിച്ച് വിവാദം നിലനില്‍ക്കെയാണ് ഇംഗ്ലീഷ് വാക്യഘടനയിലും വിരാമചിഹ്നങ്ങള്‍ (കുത്ത്, കോമ മുതലായവ) ഇടുന്നതിലും പരമാബദ്ധങ്ങള്‍ വരുത്തിക്കൊണ്ട് ചിന്താ ജെറോം ഇംഗ്ലീഷില്‍ ആര്‍ആര്‍ആറിലെ ഗാനത്തിന് പിന്നില്‍ പ്രവര്‍ത്തിച്ചവരെ അഭിനന്ദിച്ച് പോസ്റ്റിടുകയായിരുന്നു. ഇതോടെ ട്രോളുകളുടെ ബഹളം ഉണ്ടായി. പലരും ചിന്തയുടെ ഈ പോസ്റ്റ് സമൂഹമാധ്യമങ്ങളില്‍ പങ്കുവെച്ചതോടെ ചിന്തയെ കഠിനമായി വിമര്‍ശിക്കുന്ന ട്രോളുകളാണ് തുടർന്ന് പുറത്ത് വന്നത്.

ഗത്യന്തരമില്ലാതെ ചിന്താ ഈ പോസ്റ്റ് പിന്‍വലിച്ചു കൊണ്ട് ഓടി. എന്നാല്‍, ആശയപ്പിശകുള്ള ഒരു ഇംഗ്ലിഷ് പോസ്റ്റ് പോലും എഴുതാന്‍ അറിയാതെ മറ്റൊരാളുടെ തെറ്റുള്ള പോസ്റ്റ് കോപ്പിയടിക്കേണ്ട അത്ര ഗതികെട്ട അവസ്ഥയിലാണോ ഇംഗ്ലിഷ് പിഎച്ച്ഡിയുള്ള ചിന്ത ജെറോമെന്ന് സോഷ്യല്‍മീഡിയിയല്‍ ചോദ്യങ്ങൾ ഉയരുമ്പോൾ, ഇത്തരം ഒരു കോപ്പി അടി PHD യെയാണ് സംസ്ഥാന യുവജന ക്ഷേമ അധ്യക്ഷയായി വെച്ച് ഒരു ലക്ഷം വീതം ശമ്പളം കൊടുത്ത് വരുന്നതെന്നാണ് അതിലേറെ കഷ്ടം.