ഒമാനില്‍ ബലിപെരുന്നാളിനു സമ്പൂര്‍ണ ലോക്ഡൗണ്‍; ആഘോഷങ്ങള്‍ വിലക്കി

കേരളത്തിൽ ബലിപെരുന്നാളിനു തുറന്നിടൽ നടത്തുമ്പോൾ ഇസ്ളാമിക രാജ്യമായ ഒമാനിൽ സമ്പൂർണ്ണ ലോക്ക് ഡൗൺ. പുറത്ത് ആരും ഇറങ്ങരുത് എന്നും ശിക്ഷയും പിഴയും ഉണ്ടാകും എന്നും ഉത്തരവിറങ്ങി. ഒമാനില്‍ ബലിപെരുന്നാള്‍ ദിനത്തിലെ ആള്‍ക്കൂട്ടമൊഴിവാക്കാനാണ്‌ ലോക്ക് ഡൗൺ. കേരളത്തേ അപേക്ഷിച്ച് ഒമാനിൽ കോവിഡ് വളരെ കുറവാണ്‌. എന്നിട്ടും കടുത്ത് നിയന്ത്രണങ്ങളിലാണ്‌.

കോവിഡ് നിയന്ത്രണങ്ങളുടെ ഭാഗമായുള്ള ലോക്ഡൗണ്‍ നാളെ മുതല്‍ പ്രാബല്യത്തില്‍ വരും. പെരുന്നാളിന് പൊതു സ്ഥലങ്ങളില്‍ അനാവശ്യമായി കറങ്ങുന്നതടക്കം വിലക്കിയിട്ടുണ്ട്.വൈകുന്നേരം 5 മുതല്‍ പുലര്‍ച്ചെ 4 വരെ വ്യാപാര സ്ഥാപനങ്ങള്‍ അടച്ചിടും. ഒമാനില്‍ ജൂലൈ 31 വരെയാണ് സായാഹ്ന ലോക്ഡൗണ്‍ പ്രാബല്യത്തില്‍ വരുന്നത്. ഇതില്‍ ബലിപെരുന്നാള്‍ ദിവസങ്ങളായ ജൂലൈ 20,21,22 തീയതികളിലും സമ്പൂര്‍ണ അടച്ചിടലുണ്ടാകും.

ബലിപെരുന്നാള്‍ പ്രാര്‍ത്ഥനകള്‍ക്കും പരമ്പരാഗത പെരുന്നാള്‍ ചന്തകള്‍ക്കും സുപ്രീം കമ്മിറ്റി വിലക്കേര്‍പ്പെടുത്തി. യാതൊരു തരത്തിലുള്ള ഒത്തുചേരലുകളും പാടില്ലെന്ന് സുപ്രീം കമ്മിറ്റി അറിയിച്ചു. എന്നാല്‍ വിമാന യാത്രക്കാര്‍ക്ക് നിയന്ത്രണം ബാധകമല്ല