പോപ്പുലർ ഫ്രണ്ട് ഭീകരരുടെ ഓരോ ചുവടുകളും ഹിന്ദുക്കൾക്കെതിരെയായിരുന്നു

ബംഗളൂരു. രാജ്യത്ത് തീവ്രവാദം വ്യാപിപ്പിക്കാൻ പോപ്പുലർ ഫ്രണ്ട് രഹസ്യനീക്കങ്ങൾ നടത്തിയതിന്റെ നടത്തിയതിന്റെ കൂടുതൽ വിവരങ്ങൾ പുറത്ത് വന്നു. കഴിഞ്ഞ ദിവസം ബംഗളൂരുവിൽ നിന്ന് പിടിയിലായ പോപ്പുലർ ഫ്രണ്ട് ഭീകരരിൽ നിന്നാണ് നിർണ്ണായക വിവരങ്ങൾ വന്നിരിക്കുന്നത്.

ഹിന്ദുത്വത്തെക്കുറിച്ച് നിരന്തരം ചർച്ച ചെയ്യുകയും പഠിക്കുകയും ചെയ്തുവന്ന ഭീകരർ ഹിന്ദുക്കൾക്കെതിരെയായിരുന്നു ഓരോ ചുവടുകളും വെച്ചിരുന്നത്. എന്തിനും ഏതിനും മുസ്ലീങ്ങളെ മാത്രം പ്രോത്സാഹിപ്പിക്കാനും ബിസിനസ് – തൊഴിൽ ഉൾപ്പടെയുള്ള കാര്യങ്ങളിൽ പരസ്പരം പിന്തുണയ്‌ക്കാനും ഭീകരർ നിരന്തരം ആവശ്യപ്പെട്ടു.

ആഴ്ചകളിലോ മാസങ്ങൾ കൂടുമ്പോഴോ ആണ് ഭീകരർ യോഗങ്ങൾ വിളിച്ചുകൂട്ടി വന്നിരുന്നത്. വളരെ രഹസ്യമായിട്ടായിരുന്നു ഒത്തുകൂടലുകൾ നടന്നിരുന്നത്. മറ്റ് പരിപാടികളുടെ പേരുപറഞ്ഞോ മറ്റെന്തെങ്കിലും രീതിയിലോ ആവും യോഗങ്ങൾ നടത്തുക. സ്വകാര്യവാഹനം ഉപയോഗിക്കാതെ ബസ് പോലുളള മാർഗങ്ങൾ ഉപയോഗിച്ച് മാത്രം യോഗങ്ങൾക്കെത്തണമെന്നാണ് അംഗങ്ങൾക്ക് നിർദ്ദേശം നൽകിയിരുന്നത്. എന്‍ഐഎയുടെ റിപ്പോര്‍ട്ടില്‍ പറയുന്നു.

സ്ഥിരമായി ഉപയോഗിക്കുന്ന മൊബൈൽ ഫോണുകൾ യോഗം നടക്കുന്നതിന്റെ പരിസരത്തേക്ക് കൊണ്ട് വന്നിരുന്നില്ല. യോഗം നടക്കുന്ന ലൊക്കേഷൻ അവസാന സമയമാണ് അയച്ചു കൊടുത്തിരുന്നത്. സ്ഥലത്തിന്റെ വിവരങ്ങൾ അറിഞ്ഞ ഉടനെ അവയുടെ തെളിവുകൾ ഫോണുകളിൽ നിന്ന് ഡിലീറ്റ് ചെയ്യും. ഇത്തരത്തിൽ യാതൊരു വിധേനയും തങ്ങളെ സംബന്ധിച്ച വിവരങ്ങൾ മറ്റുള്ളവരറിയാതിരിക്കാൻ വളരെ കലുതലോടെയാണ് പോപ്പുലർ ഫ്രണ്ട് ഭീകരർ പ്രവർത്തിച്ചു വന്നിരുന്നത്.