കൃത്യം ആസൂത്രണം ചെയ്തത് പ്രതികള്‍ എല്ലാരും ചേര്‍ന്ന്, ബുദ്ധികേന്ദ്രം അനിതാകുമാരി

കൊല്ലം. പ്രതികള്‍ എല്ലാവരും ചേര്‍ന്നാണ് തട്ടിക്കൊണ്ടുപോകല്‍ ആസൂത്രണം ചെയ്തതെന്ന് എഡിജിപി എംആര്‍ അജിത് കുമാര്‍. ബുദ്ധികേന്ദ്രം പത്മകുമാറിന്റെ ഭാര്യയാണെന്നാണ് സംശയിക്കുന്നതെന്നും അദ്ദേഹം പറഞ്ഞു. പ്രതികള്‍ക്ക് ക്രിമിനല്‍ പശ്ചാത്തലമില്ല. പ്രതികളെ ചോദ്യം ചെയ്തത് ലഭിച്ച ശാസ്ത്രീയ തെളിവുകളുടെ അടിസ്ഥാനത്തിലാണെന്നും അദ്ദേഹം പറഞ്ഞു.

കേസില്‍ ഓട്ടോ ഡ്രൈവര്‍ പ്രതിയല്ല. പാരപ്പള്ളിയില്‍ വന്നതിന് ശേഷം പ്രതികള്‍ ഓട്ടോയില്‍ കയറിയെന്ന് മാത്രമെയുള്ളു. പ്രതികള്‍ക്ക് മൊബൈല്‍ ഉപയോഗിക്കാന്‍ പാടില്ലെന്ന് അറിയാമായിരുന്നു. പ്രതികളുടെ വീടിന് താഴെ ഒരു കടയുണ്ട് അവിടെ കടയുടമയുടെ മൊബൈല്‍ നമ്പര്‍ എഴുതിവെച്ചിട്ടുണ്ട്.

കുട്ടി സുരക്ഷിതയാണെന്നും ഇന്ന നമ്പറില്‍ കോണ്ടാക്ട് ചെയ്യണമെന്നും അവര്‍ കടലാസില്‍ എഴുതി. ഇത് അനിതാകുമാരി പയ്യനു കൊടുത്തു. എന്നാല്‍ അവിടെയുണ്ടായ പിടിവലിയില്‍ കുറിപ്പ് താഴെ വീണുവെന്നും എഡിജിപി പറഞ്ഞു.