മക്കളെ ഉപേക്ഷിച്ച് പ്രവാസിയുടെ ഭാര്യ ഓട്ടോ ഡ്രൈവര്‍ക്ക് ഒപ്പം പോയി, കിട്ടിയത് മുട്ടന്‍ പണി

കാഞ്ഞങ്ങാട്: മക്കളെ ഉപേക്ഷിച്ച് ഒളിച്ചോടിയ കമിതാക്കളെ കോടതി റിമാന്റ് ചെയ്തു. പള്ളിക്കര സിഎച്ച് നഗറില്‍ താമസിക്കുന്ന പടന്നക്കാട് അനന്തംപള്ളിയിലെ ജാസ്മിന്റെ മകള്‍ സൈനബ ബേക്കല്‍ പള്ളിക്കരയിലെ ഓട്ടോറിക്ഷ ഡ്രൈവര്‍ ഷെഫീക്ക് എന്നിവരെയാണ് ഹോസ്ദുര്‍ഗ് കോടതി റിമാന്റ് ചെയ്തിരിക്കുന്നത്.

ഇരുവരും കഴിഞ്ഞ മാസം 31നാണ് ഒളിച്ചോടിയത്. സൈനബയ്ക്ക് മൂന്ന് ഷെഫീക്കിന് രണ്ട് കുട്ടികളുമുണ്ട്. ഗള്‍ഫിലുള്ള ഭര്‍ത്താവിനെയും മൂന്ന് കുട്ടികളെയും ഉപേക്ഷിച്ച് സൈനബയും ഭാര്യയെയും കുട്ടികളെയും ഉപേക്ഷിച്ച് ഷെഫീക്കും ഒളിച്ചോടുകയായിരുന്നു. സൈനബയുടെ ഭര്‍തൃ സഹോദരനും ഷെഫീക്കിന്റെ പിതാവും പരാതിയുമോയി പോലീസിനെ സമീപിക്കുകയും, പോലീസ് കേസെടുത്ത് അന്വേഷണം നടത്തുകയുമായിരുന്നു. അന്വേഷണത്തില്‍ ഒടുവില്‍ ഇരുവരെയും എറണാകുളത്ത് നിന്നും ബേക്കല്‍ എസ്ഔ സി രാമചന്ദ്രനും സംഘവും പിടികൂടി.

ഒളിച്ചോടിയതിനുശേഷം പടന്നക്കാട് അനന്തംപള്ളയിലെ വീട്ടിലെത്തി സൈനബ നാലുവയസുള്ള മകനെ എടുത്തുകൊണ്ടു പോയിരുന്നു. ഇതുസംബന്ധിച്ച് കൊച്ചുമകനെ കാണാനില്ലെന്ന സൈനബയുടെ മാതാവ് ജാസ്മിന്റെ പരാതിയില്‍ ഹോസ്ദുര്‍ഗ് പൊലീസും കേസെടുത്തിരുന്നു. സൈനബയേയും ഷഫീക്കിനേയും പൊലീസ് അറസ്റ്റുചെയ്യുമ്പോള്‍ കൂടെ നാലുവയസുള്ള കുഞ്ഞും കൂടെയുണ്ടായിരുന്നു. സൈനബയേയും ഷഫീക്കിനേയും റിമാന്റ് ചെയ്തപ്പോള്‍ കുഞ്ഞിനെ കോടതി സൈനബയുടെ ഭര്‍തൃസഹോദരന്റെ സംരക്ഷണയില്‍ വിട്ടു.