വ്യാജ വള കമ്പിനി എസ് പി സിക്ക് ലൈസൻസ് ഇല്ല, എസ്പിസിക്ക് പ്രവർത്തന വില്പന ലൈസൻസും നിഷേധിച്ചു, Spc.ltd Idukki

എസ്. പി സി Spc.ltd Idukki എന്ന ജൈവ വളം കമ്പനിയുമായി ബന്ധപ്പെട്ട് കർമ്മ ന്യൂസ് പുറത്ത് കൊണ്ടുവന്ന 300 കോടിയുടെ തട്ടിപ്പുമായി ബന്ധപ്പെട്ട് കൂടുതൽ വിവരങ്ങൾ. എസ്. പി സി എന്ന ജൈവ വളം വിതരണം ചെയ്ത കമ്പിനിക്ക് പ്രവർത്തന ലൈസൻസും ഉല്പാദന ലൈസൻസും വില്പന ലൈസൻസും ഒന്നും നല്കിയിട്ടില്ലെന്ന് രാജാക്കാട് പഞ്ചായത്ത് പ്രസിഡന്റ് എം എസ് സതി കർമ്മ ന്യൂസിനോട് പറഞ്ഞു. ഇത്തരത്തിൽ ലൈസൻസ് ഇല്ലാതെ സ്ഥാപനം പ്രവർത്തിച്ചാൽ കർശന നടപടി എടുക്കും എന്നും കർഷകർക്ക് ഒപ്പം നില്ക്കും എന്നും എം എം മണിയുടെ മകൾ കൂടിയായ രാജാക്കാട് പഞ്ചായത്ത് പ്രസിഡന്റ് പറഞ്ഞു.കേരളത്തിൽ മുഴുവൻ വളം വിതരണം ചെയ്യുന്ന   എസ് പി സിയുടെ ഹെഡ് ഓഫീസും വളം വില്പന ആസ്ഥാനവും ഇടുക്കി രാജാക്കാടാണ്‌. സ്ഥാപനത്തിനു പ്രവർത്തിക്കാനും വില്പന നടത്താനും അനുമതി നല്കിയില്ലെന്നും അനുമതി നിഷേധിക്കുകയാണ്‌ ചെയ്തിരിക്കുന്നത് എന്നും രാജാക്കാട് പഞ്ചായത്ത് പ്രസിഡന്റ് പറഞ്ഞു.

കർഷകരുടെ പേരിൽ ഇതേ എസ് പി സി കമ്പിനി Spc.ltd Idukki ബാങ്കിൽ നിന്നും ലോൺ എടുത്ത് കമ്പിനി അക്കൗണ്ടിലേക്ക് വൻ തോതിൽ മാറ്റിയിരുന്നു. ബാങ്കും എസ് പി സി കമ്പിനിയും ചേർന്ന് കർഷകരുടെ പേരുകളിൽ ലോൺ എടുത്ത് പണം കർഷകർക്ക് നല്കാതെ വൻ തിരിമറിയും ചതിയും നടത്തുകയായിരുന്നു. കർഷകരേ ബാങ്കിൽ എത്തിച്ച് സംബ്സിഡി വളം തരാമെന്ന് പറഞ്ഞ് രേഖകളിൽ തെറ്റിദ്ധരിപ്പിച്ച് ഒപ്പിടുവിച്ചാണ്‌ നൂറു കണക്കിനു കോടിയുടെ തട്ടിപ്പ് നടന്നത്. ഇപ്പോൾ ഇത്തരത്തിൽ എടുത്ത ലോണുകളിൽ ആയിര കണക്കിനു കർഷകർ ജപ്തി നടപടിയിലാണ്‌.. കർമ്മ ന്യൂസ് പുറത്ത് വിട്ട വാർത്ത വ്യാജമെന്ന് ചൂണ്ടിക്കാട്ടി ഇതിനിടെ എസ് പി സി സി.ഇ ഒ രംഗത്ത് വന്നിരുന്നു. ഇതിനു കൂടി മറുപടിയാണ്‌ ഇപ്പോൾ പഞ്ചായത്ത് പ്രസിഡന്റിന്റെ മറുപടി.

കേരളമാകെ എസ് പി സിക്ക് ആളുകളേ ഫ്രാഞ്ചൈസികളേ ചേർത്തിട്ടുണ്ട്. പലയിടത്തും കേസുകൾ വരുമ്പോൾ ഫ്രാഞ്ചൈസികൾ ആയിട്ടുള്ളവരുടെ തലയിലേക്ക് കേസുകൾ ഇടുകയാണ്‌ കമ്പിനി ചെയ്യുന്നത്. മോഹന വാദ്ഗാനങ്ങൾ നല്കിയും വൻ തുക ലാഭം തരാമെന്നും മോഹിപ്പിച്ചുമാണ്‌ എസ് പി സി എന്ന കമ്പിനി ഫ്രാഞ്ചൈസികളേ സംസ്ഥാന വ്യാപകമായി ചേർക്കുന്നത്. വ്യാജമായും ലൈസൻസ് ഇല്ലാതെയും പ്രവർത്തിക്കുന്ന എസ് പി സി യെ കർഷകരും ഫ്രാഞ്ചൈസികൾ എടുത്ത് ചതിക്കപ്പെട്ടവരും തിരിച്ചറിയുക..ഇത് വീണ്ടും തട്ടിപ്പിനിരയാകാതിരിക്കാൻ മുന്നറിയിപ്പാണ്‌