ആറു വയസ്സുകാരിയെ കൊലപ്പെടുത്തിയ കേസില്‍ പ്രതിയായ പിതാവിനെ മാനസിക ആരോഗ്യ കേന്ദ്രത്തിലേക്ക് മാറ്റുന്നു

ആലപ്പുഴ. ആറുവയസുകാരിയെ പിതാവ് കൊലപ്പെടുത്തിയ കേസില്‍ പ്രതിയായ ശ്രീമേഹഷിനെ തിരുവനന്തപുരം മാനസിക ആരോഗ്യ കേന്ദ്രത്തിലേക്ക് മാറ്റും. രാത്രിയില്‍ തന്നെ തിരുവനന്തപുരത്തേക്ക് കൊണ്ടുപോകും. ജയിലില്‍ എത്തിച്ചപ്പോള്‍ ആത്മഹത്യയ്ക്ക് ശ്രമിച്ച ശ്രീമഹേഷിനെ ആശുപത്രിയില്‍ സെല്ലിലാണ് പ്രവേശിപ്പിച്ചിരിക്കുന്നത്. ഈ മാസം ഏഴിനാണ് കുട്ടിയെ മഹേഷ് കൊലപ്പെടുത്തിയത്.

സംഭവം നടക്കുമ്പോള്‍ കുട്ടിയും മഹേഷും മാത്രമാണ് വീട്ടില്‍ ഉണ്ടായിരുന്നത്. കുട്ടിയുടെ ബഹളം കേട്ട് ഓടിയെത്തിയ മഹേഷിന്റെ മാതാവിനെയും പ്രതി ആക്രമിച്ചു. തുടര്‍ന്ന് സംഭവം അറിഞ്ഞെത്തിയ നാട്ടുകാരയും പ്രതി ഭീഷണിപ്പെടുത്തി. തുടര്‍ന്ന് പോലീസ് എത്തി പ്രതിയെ ബലപ്രയോഗത്തിലൂടെ കീഴടക്കുകയായിരുന്നു.