മുപ്പതടി താഴ്ചയുള്ള കിണറ്റിൽ വീണ രണ്ടു വയസ്സുകാരനെ രക്ഷപെടുത്തി പിതാവ്

വീട്ടുമുറ്റത്ത് കളിക്കുന്നതിനിടെ 30 അടി താഴ്ചയുള്ള കിണറ്റിൽ വീണ കുഞ്ഞിന് പുനർജന്മം. കിണറ്റിൽ എന്തോ വീഴുന്ന ശബ്ദം കേട്ട് നോക്കിയപ്പോഴാണ് കുഞ്ഞിനെ കിണറ്റിൽ കണ്ടത്. കാവാലിമാക്കൽ തുണ്ടിയിൽ ഷിഹാബുദ്ദീനാണ് രണ്ടരവയസ്സുകാരൻ ഷെഹബാനെ സാഹസികമായി രക്ഷപെടുത്തിയത്. സഹോദരിയുടെ മകനുമായി മുറ്റത്ത് കളിക്കുന്നതിനിടെ കഴിഞ്ഞ ദിവസമാണ് സംഭവം നടന്നത്. മകനെ രക്ഷപെടുത്താനായതിന്റെ സന്തോഷത്തിലാണ് പിതാവ്.

മഴക്കാലമായതിനാൽ കിണറ്റിൽ ഷിഹാബുദ്ദീന്റെ കഴുത്തൊപ്പം വെള്ളമുണ്ടായിരുന്നു. കരയ്ക്കെത്തിച്ച ഷെഹബാനെ പൊൻകുന്നത്തെ സ്വകാര്യ ആശുപത്രിയിലെത്തിച്ച് പ്രഥമശുശ്രൂഷ നൽകി. സംഭവത്തെക്കുറിച്ച് പിതാവ് പറയുന്നതിങ്ങനെ, സഹോദരിയുടെ കുട്ടിയുമായി മുറ്റത്തു സൈക്കിളിൽ കളിക്കുകയായിരുന്നു. മാതാവ് സെലീന ഇവരോടൊപ്പമുണ്ടായിരുന്നു. ഇതിനിടെ ഷെഹബാൻ കിണറ്റിൽ വീണു. കിണറിന്റെ ആൾമറയ്ക്ക് രണ്ടരയടി പൊക്കമുണ്ട്. സൈക്കിൾ നിന്നോ മറ്റോ കുട്ടി തെറിച്ചുവീണതായി കരുതുന്നത്.

സെലീന അടുക്കളയിലേക്കു പോയ സമയത്ത് കിണറ്റിൽ എന്തോ വീഴുന്ന ശബ്ദം കേട്ടു. ഓടിയെത്തിയപ്പോൾ കുട്ടി കിണറ്റിനുള്ളിൽ മുങ്ങിത്താഴുന്നതാണു കണ്ടു. ഉടനെ കിണറ്റിലേക്കു ചാടി. കുഞ്ഞിനെ വാരിയെടുത്ത് കൈകളിൽ പൊക്കിപ്പിടിച്ചു ബഹളം കേട്ടു നാട്ടുകാർ ഓടിക്കൂടി കയർ കെട്ടി ഏണി കിണറ്റിലേക്ക് ഇറക്കിക്കൊടുത്ത് ഇരുവരെയും കരയ്ക്കു കയറ്റി.