പെരുമ്പാമ്പുമായി കളിയും ചിരിയും, പാമ്പിനൊപ്പം കളിക്കുന്ന കുട്ടിയുടെ ദൃശ്യങ്ങള്‍ വൈറലാകുന്നു

ഒരു ദുരന്തം വിളിച്ചുവരുത്തുവാന്‍ ഒരു നിമിഷത്തെ ജാഗ്രത കുറവ് മതി. ഇത്തരത്തില്‍ അപകടം മനപൂര്‍വം വിളിച്ചുവരുത്തുന്ന സാഹസിക പ്രവര്‍ത്തികളുടെ നിരവധി വീഡിയോകളാണ് പുറത്ത് വരുന്നത്. കാലങ്ങള്‍ പഴക്കം ഉള്ളതാണെങ്കിലും സാഹസികമായ ഇത്തരം വീഡിയോകള്‍ പലപ്പോഴും സോഷ്യല്‍ മഡിയയില്‍ വലിയ ചര്‍ച്ചയാകാറുണ്ട്. ഇത്തരത്തില്‍ വൈറലായ ഒരു വീഡിയോയാണ് ഇപ്പോള്‍ ഒരു ട്രിറ്റര് അക്കൗണ്ടില്‍ നിന്നും പുറത്ത് വന്നിരിക്കുന്നത്.

പെരുമ്പാമ്പിനെ കളിപ്പിക്കുന്ന കുട്ടിയുടെ വിഡിയോയാണിത്. ഉത്തരവാദിത്തമില്ലാത്ത മാതാപിതാക്കള്‍ എന്ന അടിക്കുറിപ്പോടെയാണ് വീഡിയോ പങ്കുവെച്ചിരിക്കുന്നത്. ഇതിനോടകം 89000 പേര്‍ വിഡിയോകണ്ട് കഴിഞ്ഞു. കുട്ടിക്കാലത്ത് പലപ്പോഴും പാമ്പിനെ കണ്ട് ഭയന്ന് ഓടിയവരായിരിക്കും നമ്മള്‍. പാമ്പിനെപറ്റിയുള്ള മുത്തശ്ശികഥകള്‍ കൂടെയാകുമ്പോള്‍ പിന്നെ പേടിക്കാതെ തരമില്ലതാനും. എന്നാല്‍ വ്യത്യസ്തരായവരും ഈ ലോകത്തുണ്ടെന്ന് നമുക്ക് ഈ ദൃശ്യങ്ങള്‍ കാണുമ്പോള്‍ മനസ്സിലാകും.

ഒരു കൊച്ചു കുട്ടി ഭീമാകാരനായ പെരുമ്പാമ്പിനൊപ്പം ഭയമില്ലാതെ കളിക്കുന്നതാണ് ദൃശ്യങ്ങളില്‍. കുട്ടി കൂറ്റന്‍ പെരുമ്പാമ്പിന്റെ തലപൊക്കുവാന്‍ ശ്രമിക്കുന്നത് വീഡിയോയില്‍ കാണാന്‍ സാധിക്കും. എന്നാല്‍ പലതവണ പാമ്പിന്റെ തല കുട്ടു ഉയര്‍ത്തുകയും വീണ്ടും താഴേക്കു പോകുന്നതും ദൃശ്യങ്ങളില്‍ കാണാന്‍ സാധിക്കും. ഇതിലെ രസകരമായ കാര്യം എന്തെന്നാല്‍ വളരെ ആസ്വദിച്ചാണ് കുട്ടി ഇതെല്ലാം ചെയ്യുന്നതെന്നതാണ്.