സാവോപോളോ. ബ്രസീല് ഫുട്ബോളിലൂടെ ലോക ഫുട്ബോൾ ഇതിഹാസമായിമാറിയ പെലെയെ വീണ്ടും ആശുപത്രിയില് പ്രവേശിപ്പിച്ചു. ക്യാന്സറിന് ചികിത്സയില് കഴിയുന്ന പെലെയെ ഹൃദയസംബന്ധമായ പ്രശ്നങ്ങളും അലട്ടുന്നുവെന്നാണ് റിപ്പോര്ട്ടുകൾ. ശരീരത്തില് നീര്വീക്കം അനുഭവപ്പെട്ടതിനെത്തുടര്ന്നാണ് പെലെയെ അടിയന്തരമായി സാവോപോളോയിലെ ആല്ബര്ട്ട് ഐന്സ്റ്റീന് ആശുപത്രിയിലേക്ക് മാറ്റിയത്. വന്കുടലിലെ ക്യാന്സറിന് ചികിത്സ തേടുന്ന 82കാരനായ പെലെ ദീര്ഘനാളായി ചികിത്സ തേടി വരുകയാണ്.
2021 സെപ്റ്റംബറില് വന്കുടലിലെ മുഴ നീക്കം ചെയ്തതിനെത്തുടര്ന്ന് പെലെ ദീര്ഘകാലം ആശുപത്രിയില് തുടര്ന്നിരുന്നു. തുടർന്ന് കീമോതെറാപ്പിക്കും വിധേയനായി. തനിയെ ഭക്ഷണം കഴിക്കാന് പോലും ബുദ്ധിമുട്ടിവരുന്ന പെലെക്ക് ഹൃദയസംബന്ധമായ അസുഖങ്ങളും ഉണ്ട്. ആരോഗ്യസ്ഥിതി സംബന്ധിച്ച് ഒരുപാട് അഭ്യൂഹങ്ങള് പ്രചരിക്കുന്നുണ്ടെന്നും പെലെയെ പതിവ് ചികിത്സകള്ക്കായാണ് ഇപ്പോള് ആശുപത്രിയില് പ്രവേശിപ്പിച്ചിരിക്കുന്നതെന്നു അദ്ദേഹത്തിന്റെ മകളായ കെയ്ലി നാസിമെന്റോ ഇന്സ്റ്റഗ്രാമിലൂടെ അറിയിച്ചിട്ടുണ്ട്. അയിടന്തര സാഹചര്യങ്ങളും ആശങ്കപ്പെടേണ്ട കാര്യങ്ങളോ ഇപ്പോഴില്ലെന്നും കെയ്ലി പറഞ്ഞു. പുതുവര്ഷത്തില് പിതാവിനൊപ്പം ഉണ്ടാകുമെന്നും അദ്ദേഹത്തിനൊപ്പമുള്ള പുതിയ ചിത്രങ്ങള് അപ്പോള് പോസ്റ്റ് ചെയ്യാമെന്നും കെയ്ലി വ്യക്തമാക്കിയിട്ടുണ്ട്.
കീമോ തെറാപ്പിയോട് പെലെയുടെ ശരീരത്തിലെ അവയവങ്ങള് അനുകൂലമായാണ് പ്രതികരിച്ചതെന്ന് ആശുപത്രിയിലെ ഡോക്ടര്മാർ കഴിഞ്ഞ ആഴ്ച വ്യക്തമാക്കിയിരുന്നു. ശാരീരികമായും മാനസികമായും പ്രയാസം അനുഭവപ്പെട്ടതിനെത്തുടര്ന്ന് പെലെയുടെ പത്നി മാര്ഷ്യ അവോക്കിയാണ് ഇതിഹാസ താരത്തെ അടിയന്തിരമായി ആശുപത്രിയിലെത്തിക്കുന്നത്. തനിയെ നടക്കാനാവാത്ത അവസ്ഥയിൽ നാണക്കേട് മൂലം പെലെ വീട്ടില് നിന്ന് പുറത്തിറങ്ങാറില്ലെന്ന് 2020 ഫെബ്രുവരിയില്പെലെയുടെ മകന് എഡീഞ്ഞോ പറഞ്ഞിരുന്നു. ബ്രസീലിനായി ഏറ്റവും കൂടുതല് ഗോള് നേടിയ താരമാായ പെലെ അവരുടെ മൂന്ന് ലോകകപ്പ് വിജയങ്ങളിലും നിര്ണായക സംഭാവന നല്കിയിരുന്നു. 92 മത്സരങ്ങളില് 77 ഗോളാണ് ബ്രസീല് കുപ്പായത്തില് പെലെ നേടികൊടുത്തത്.
മലപ്പുറം : ദിവ്യാംഗനായ യുവാവിന് ക്രൂരമർദ്ദനമേറ്റതായി പരാതി. എടക്കര സ്വദേശി ജിബിനാണ്(24) ക്രൂരമർദ്ദനമേറ്റത്. ഇലക്ട്രിക് സ്കൂട്ടർ ചാർജ് ചെയ്യാൻ ഒരു…
തൃശൂര്: തൃശൂരില് മതിലിടിഞ്ഞ് വീണ് ഏഴു വയസുകാരി മരിച്ചു. തൊട്ടിപ്പറമ്പില് കാര്ത്തികേയന് -ലക്ഷ്മി ദമ്പതികളുടെ മകള് ദേവീഭദ്രയാണ് മരിച്ചത്. ദേവിഭദ്രയുടെ…
തിരുവനന്തപുരം: കേരള ക്രിക്കറ്റ് അസോസിയേഷന് പരിശീലകന് മനുവിനെതിരെ കൂടുതൽ ആരോപണങ്ങൾ. അസോസിയേഷന് ആസ്ഥാനത്തും ക്രിക്കറ്റ് കളിക്കാരായ പെണ്കുട്ടികളെ ലൈംഗികമായി പീഡിപ്പിച്ചെന്നു…
തിരുവനന്തപുരം : തലസ്ഥാനത്ത് തുമ്പ നെഹ്റു ജംഗ്ഷനിൽ ബോംബെറിഞ്ഞ് നാലംഗസംഘം ഭീകാരാന്തരീക്ഷം സൃഷ്ടിച്ചു. രണ്ടു ബൈക്കുകളിലെത്തിയ നാലംഗസംഘം നാടൻ ബോംബെറിയുകയായിരുന്നു.…
ഫഹദ് ഫാസില് നായകനായ 'അയാള് ഞാനല്ല' എന്ന ചിത്രത്തിലൂടെയാണ് ദിവ്യ പിള്ള അഭിനയ രംഗത്തേക്ക് എത്തുന്നത്. പിന്നീട് ജീത്തു ജോസഫ്…
മലയാറ്റൂർ : വനിത ബീറ്റ് ഫോറസ്റ്റ് ഓഫിസറോട് അപമര്യാദയായി പെരുമാറി. കാലടി കുരിശുമുടി ഫോറസ്റ്റ് സ്റ്റേഷനിലെ സെക്ഷൻ ഫോറസ്റ്റ് ഓഫീസർ…