കവരത്തി: അഡ്മിനിസ്‌ട്രേറ്റര്‍ പ്രഫുല്‍ പട്ടേലിന്റെ വാട്‌സ്‌ആപ്പിലേക്ക് സന്ദേശം അയച്ച സംഭവത്തില്‍ മൂന്ന് കുട്ടികള്‍ ഉള്‍പ്പെടെ നാല് പേര്‍ കസ്റ്റഡിയില്‍. അഗതി ദ്വീപില്‍ നിന്ന് മൂന്ന് കുട്ടികളെയും ബിത്രയില്‍ നിന്ന് ഒരാളെയുമാണ് കവരത്തി പോലീസ് പിടികൂടിയത്. ഇലക്‌ട്രിസിറ്റി ജീവനക്കാരനായ ഷെഫീഖ് ആണ് ബിത്രയില്‍ നിന്ന് പിടിയിലായത്. ഹായ് എന്നായിരുന്നു ഇവരുടെ സന്ദേശം. അഡമിനിസ്‌ട്രേറ്റര്‍ക്കെതിരെ ലക്ഷദ്വീപിലും പുറത്തും പ്രതിഷേധം ശക്തമായിരിക്കെയാണ് പുതിയ സംഭവം. ഇതോടെ പ്രതിഷേധം കൂടുതല്‍ ശക്തമാകുമെന്നാണ് സൂചന.
ഈ മാസം 30ന് പ്രഫുല്‍ പട്ടേല്‍ ലക്ഷദ്വീപിലെത്തുമെന്നാണ് വിവരം. വന്‍ പ്രതിഷേധത്തിനുള്ള സാധ്യത പോലീസ് മുന്‍കൂട്ടിക്കാണുന്നു. ദ്വീപിലെ സമാധാനം തകര്‍ത്ത അഡ്മിനിസ്‌ട്രേറ്ററെ തിരിച്ചുവിളിക്കണമെന്ന് ആവശ്യപ്പെട്ട് കേരളത്തില്‍ നിന്നുള്ള എംപിമാരും രാഷ്ട്രീയ നേതാക്കളും പ്രധാനമന്ത്രിക്കും രാഷ്ട്രപതിക്കും കത്ത് നല്‍കിയിട്ടുണ്ട്. എന്നാല്‍ പ്രഫുല്‍ പട്ടേലിനെതിരായ പ്രതിഷേധത്തെ കേന്ദ്ര സര്‍ക്കാര്‍ തള്ളി. രാഷ്ട്രീയ ലക്ഷ്യത്തോടെയുള്ള നീക്കമാണിതെല്ലാം എന്നാണ് കേന്ദ്രത്തിന്റെ പ്രതികരണം.
മുന്‍ അഡ്മിനിസ്‌ട്രേറ്റര്‍ മരിച്ചതിനെ തുടര്‍ന്ന് കഴിഞ്ഞ ഡിസംബറിലാണ് പ്രഫുല്‍ പട്ടേല്‍ പുതിയ അഡ്മിനിസ്‌ട്രേറ്ററായി ലക്ഷദ്വീപിലെത്തിയത്. പിന്നീട് അദ്ദേഹം സ്വീകരിച്ച നടപടികളാണ് പ്രതിഷേധത്തിന് കാരണം. മാംസ നിരോധനം, മദ്യ വിതരണത്തിന് അനുമതി, അനധികൃതമെന്ന് ആരോപിച്ച്‌ മല്‍സ്യത്തൊഴിലാളികളുടെ ഷെഡുകള്‍ പൊളിച്ചു, കേസുകള്‍ രജിസ്റ്റര്‍ ചെയ്യാത്ത ദ്വീപില്‍ ഗുണ്ടാ നിയമം നടപ്പാക്കുകയും അറസ്റ്റ് രേഖപ്പെടുത്തുകയും ചെയ്തു…. ഇങ്ങനെ പോകുന്ന പ്രഫുല്‍ പട്ടേലിനെതിരായ ആരോപണങ്ങള്‍. 99 ശതമാനം മുസ്ലിങ്ങള്‍ താമസിക്കുന്ന ലക്ഷദ്വീപിനെ മറ്റൊരു കശ്മീര്‍ ആക്കുകയാണ് ബിജെപിയുടെ ലക്ഷ്യമെന്ന് സിപിഎം-കോണ്‍ഗ്രസ് നേതാക്കള്‍ കുറ്റപ്പെടുത്തുന്നു. അതേസമയം, ലക്ഷദ്വീപിലെ ബിജെപി നേതാക്കളും പ്രഫുല്‍ പട്ടേലിനെതിരെ രംഗത്തുവന്നിട്ടുണ്ട്.
കോൺഗ്രസ് നേതാവ് രാഹുൽ ഗാന്ധി വയനാട് മണ്ഡലമാണോ റായ്ബറേലിയാണോ നിലനിർത്തുക എന്നതിൽ തീരുമാനം ഉടനുണ്ടാകും. വയനാട് ഒഴിയുകയും റായ്ബറേലി നിലനിർത്തുകയും…
ത്യാഗത്തിന്‍റെയും സമര്‍പ്പണത്തിന്‍റെയും സ്മരണയില്‍ ഇസ്‍ലാംമത വിശ്വാസികള്‍ക്ക് ഇന്ന് ബലിപെരുന്നാള്‍. ബലികര്‍മമുള്‍പ്പെടെയുള്ള ചടങ്ങുകള്‍ക്കൊപ്പം കുടുംബ സന്ദര്‍ശനവും സൗഹൃദം പുതുക്കലുമായി വിശ്വാസികള്‍ ആഘോഷ…
ബിഗ് ബോസ് മലയാളം സീസണ്‍ 6 ടൈറ്റില്‍ വിജയിയായി ജിന്‍റോ. 50 ലക്ഷം രൂപയാണ് ജിന്‍റോയ്ക്ക് ലഭിക്കുന്നത്. അർജുനാണ് രണ്ടാം…
കോട്ടയം: ചാരിറ്റിയുടെ മറവിൽ വീട്ടമ്മമാരെ കബളിപ്പിച്ച് ഒരു കോടി രൂപയോളം തട്ടിയെടുത്ത കേസിൽ രണ്ടു സ്ത്രീകൾ അറസ്റ്റിൽ. ഏറ്റുമാനൂർ പേരൂർ…
പത്തനംതിട്ട: കുവൈത്തിലെ തീപിടിത്തത്തില്‍ മരിച്ച നാലു മലയാളികള്‍ക്ക് കൂടി നാടിന്‍റെ യാത്രാമൊഴി. കോട്ടയം, പത്തനംതിട്ട സ്വദേശികളുടെ മൃതദേഹങ്ങള്‍ പൊതുദര്‍ശനത്തിനുശേഷം സംസ്കരിച്ചു.…
കൊല്ലം ചാത്തന്നൂരിൽ ദേശീയപാതയിൽ നിർത്തിയിട്ട കാറിന് തീ പിടിച്ച് ഡ്രൈവർ മരിച്ചു. ചാത്തന്നൂർ കാരംകോട് കുരിശിൻ മൂടിന് സമീപമാണ് കാർ…