ചാരിറ്റിയിലെ പുത്തൻ തട്ടിപ്പ്, രോ​ഗിയും ബന്ധുക്കളുമറിയാതെ രോ​ഗിയുടെ ചിത്രം ഉപയോ​ഗിച്ച് ബക്കറ്റ് പിരിവ്

കേരളത്തിലെ നഗരങ്ങളിലും കവലകളിലും പതിവു കാഴ്ച്ചയാണ്‌ ചികിൽസാ സഹായം ചോദിച്ച് ഒരു സംഘം ആളുകൾ നടത്തുന്ന ബക്കറ്റ് പിരിവ്. പറവൂർ കവലയിൽ നിന്നുള്ള ദൃശ്യമാണ് കർമ ന്യൂസ് പങ്കുവെക്കുന്നത്. ഇവർ 8 പേർ അടങ്ങിയ യുവാക്കളുടെ സംഘമാണ്‌. ആശുപത്രിയിൽ കിടക്കുന്ന ഒരാളുടെ ചിത്രവും മറ്റും വയ്ച്ച് ഇവർ പകൽ മുഴുവൻ പിരിവ് നടത്തുന്നു. ആശുപത്രിയിൽ കിടക്കുന്ന പാവപ്പെട്ട രോഗിയോ ബന്ധുക്കളോ ഇതൊന്നും അറിയുന്നില്ല. സ്ഥിരമായി ഇതേ രോഗിയേ വില്പനക്ക് വയ്ച്ച് കാശുണ്ടാക്കാൻ ഉപയോഗിക്കാവുന്ന രീതിയിൽ രോഗി കിടക്കുന്ന വിവിധ ദൃശ്യങ്ങൾ ഫ്ളക്സും ബോർഡും വാഹനത്തിൽ രോഗിയുടെ ചിത്രം വയ്ച്ചും ഒക്കെയാണ്‌ പിരിവ് അരങ്ങേറുന്നത്.

ബക്കറ്റിൽ വീഴുന്നതാവട്ടെ പതിനായിര കണക്കിനു രൂപ. ഒരു ബക്കറ്റല്ല…ഒരേ സമയം 8 പേരാണ്‌ ബകറ്റ് പിരിവ് നടത്തുക. ഇവർ ഇന്ന് ഇവിടെ എങ്കിൽ നാളെ കൊച്ചിയിൽ ആയിരിക്കും. 30 ദിവസവും ഇതാണ്‌ ജോലി. ചിലപ്പോൾ ഒരോ ദിവസവും മാറ്റി മാറ്റി ഉപയോഗിക്കാൻ പല രോഗികളുടേയും ഫ്ലക്സും കൈവശമുണ്ട്. ഇവർ ബ്രാഞ്ച് പ്രവർത്തകരാണ്‌. ഇവരുടെ മുതലാളി കൊച്ചിയിലാണ്‌. മുതലാളി വാഹനവും നല്കി നാടിന്റെ നാനാ ഭാഗത്തേക്ക് സംഘങ്ങളേ അയക്കുകയാണ്‌ ചെയ്യുന്നത്. വൈകിട്ടാവുമ്പോൾ കലക്ഷൻ മുതലാളിയേ ഏല്പ്പിക്കുന്നു