തോറ്റവർക്ക് അൽഫാം, ഫുൾ എ പ്ലസ് കിട്ടയവർക്ക് 80 രൂപ കോമ്പോ, അമ്പരപ്പിക്കുന്ന ഓഫർ

തോറ്റ വിദ്യാർത്ഥികൾക്ക് സമ്മാനവുമായി മലപ്പുറത്തെ മരുപ്പച്ച കിച്ചൺ. ജയിക്കുന്നവരെ ആശംസകൾകൊണ്ടും സമ്മാനങ്ങൾക്കൊണ്ടും മൂടുന്നവർക്കിടയിൽ വിത്യസ്തമാവുകയാണ് ഈ കിച്ചൺ. സമീഹമാധ്യമങ്ങളിൽ ഈ കിച്ചൺ കയ്യടി നേടുകയാണ്.. ഇനി ഓഫർ എന്താണന്നല്ലേ..

പ്ലസ് ടു പരീക്ഷയിൽ‌ ഫുൾ എ പ്ലസ് കിട്ടിയവർക്ക് മന്തി റൈസും അൽഫാമും 80 രൂപയ്ക്കും എല്ലാവിഷയങ്ങൾക്ക് പാസായവർക്ക് ചിക്കൻ ബിരിയാണി 49 രൂപയ്ക്കും നൽകും. ഇതിനു പുറമെ, മുഴുവൻ വിഷയത്തിൽ തോറ്റവർക്ക് ഫുൾ അൽഫാം ഫ്രീയായാണ് മരുപ്പച്ച നൽകുന്നത്.

ജൂലൈ 16 വ്യാഴാഴ്ചയാണ് ഓഫർ പ്രഖ്യാപിച്ചത്. റിസൽട്ട അറിഞ്ഞ ദിവസത്തേക്ക് മാത്രമായിരുന്നു ഓഫറെങ്കിലും സമൂഹമാധ്യമങ്ങളിൽ പോസ്റ്റർ ഇപ്പോഴും വൈറലാണ്. ഓഫർ ലഭിക്കാൻ റിസൽട്ട് കാണിക്കണമെന്ന നിബന്ധന മാത്രമാണ് മരുപ്പച്ച കിച്ചൺ മുൻപോട്ട് വെച്ചത്. കൊവിഡ് വ്യാപനവും ലോക്ക്ഡൗണും കച്ചവടത്തെ സാരമായി ബാധിച്ചതുകൊണ്ടാണ് ഇത്തരം വേറിട്ട ഓഫറുകളുമായി എത്തിയതെന്ന് മരുപ്പച്ച കിച്ചൻ ഉടമ അഷ്ബിൽ പറയുന്നു.

മികച്ച പ്രതികരണമാണ് വിദ്യാർഥികളിൽ നിന്നുണ്ടായത്. തോറ്റ വിദ്യാർത്ഥികളും എത്തിയിരുന്നതായും അഷ്ബിൽ പറയുന്നു. തോറ്റ വിദ്യാർത്ഥികളെ സാധാരണ ഗതിയിൽ ആരും ശ്രദ്ധിക്കാറില്ല അതിനാലാണ് അവർക്ക് സൗജന്യം നൽകിയതെന്നും മരുപ്പച്ച കിച്ചൺ പറയുന്നത്