ഇന്ത്യയിൽ അട്ടിമറിക്ക് ജോർജ് സോറസിനു കേരളത്തിലും വേരുകൾ, 8 ഓൺലൈൻ പോർട്ടലുകൾ

ഇന്ത്യയിൽ അട്ടിമറി നടത്താൻ ആസൂത്രണം ചെയ്ത സംഘടനയിൽ 8 മലയാളം ഓൺലൈനുകളും. ഹത്രാസ് ഭീകരാക്രമണ ഗൂഢാലോചന കേസിലെ പ്രതി സിദ്ദിഖ് കാപ്പൻ ജോലി ചെയ്ത അഴിമുഖം, ഇടത്പക്ഷ നേതാവ് സെബാസ്റ്റ്യൻ പോളിന്റെ നിയന്ത്രണത്തിൽ ഉള്ള സൗത്ത് ലൈവ്, ഡൂൾ ന്യൂസ്,ദ് ക്യൂ, ട്രൂ കോപ്പി, മലബാർ ന്യൂസ്, അന്വേഷണം, ടൈംസ് കേരള ഓൺലൈൻ എന്നീ ഓൺലൈനുകളുടെ പേരുകൾ ജന്മഭൂമി പത്രം ആണ്‌ പുറത്ത് വിട്ടത്. രാജ്യാന്തര തലത്തിൽ സർക്കാരുകളെ അട്ടിമറിക്കുന്ന അമേരിക്കൻ ബില്യണർ ജോർജ് സോറസിന്റെ കേരളത്തിലെ വേരുകൾ എന്നാണ്‌ ജന്മഭൂമി ഈ 8 ഓൺലൈൻ മീഡിയകളേ വിശേഷിപ്പിച്ചത്

വിവാദത്തിലായ ഡിജിപബ് ന്യൂസ് ഇന്ത്യ ഫൗണ്ടേഷനിൽ 8 മലയാളം ഓൺലൈൻ ന്യൂസ് പോർട്ടലുകളും ഉണ്ട്. ഡിജിപബ് ന്യൂസ് ഇന്ത്യ ഫൗണ്ടേഷന്റെ നേതൃത്വം മലയാളി മാധ്യമ പ്രവർത്തകയായ ധന്യ രാജേന്ദ്രനാണ്‌. ധന്യ രാജേന്ദ്രനെതിരെ വിദേശ ഫണ്ട് സ്വീകരിച്ചു എന്ന പേരിൽ ഐ ബി അന്വേഷണം എന്ന പേരിൽ കഴിഞ്ഞ ദിവസം വാർത്തകൾ നിരവധി മാധ്യമങ്ങളിൽ വന്നിരുന്നു

ഇതിനു പിന്നാലെയാണ്‌ ഇന്ത്യാ ഭരണം തകർക്കാൻ ജോർജ് സോറോസിനു കേരളത്തിലും വേരുകൾ എന്ന റിപോർട്ട് വരുന്നത്. ഡിജി പബ്ബ് ഇന്ത്യയിലെ ഓട്ടോണംസ് മീഡിയ സംഘടനയാണ്‌. കേന്ദ്ര സർക്കാർ ഓൺലൈൻ മീഡിയകൾക്ക് ഓട്ടോണമസ് ബോഡിയും മറ്റും നിർദ്ദേശിച്ചപ്പോൾ പലയിടത്തും ഇത്തരം ഓട്ടോണമസ് ബോഡികൾ രൂപീകരിച്ചിരുന്നു.ഇത്തരത്തിൽ കേന്ദ്ര സർക്കാർ വാർത്താ വിനിമയ വകുപ്പ് മന്ത്രാലയത്തിൽ ഇത് രജിസ്റ്റർ ചെയ്തിട്ടും ഉണ്ട്. ഡിജിറ്റൽ മീഡിയ ഓർഗനൈസേഷനുകൾ രൂപീകരിച്ച ഒരു ഇന്ത്യൻ നോൺ പ്രോഫിറ്റ് ഓർഗനൈസേഷനാണ് ഡിജിപബ് ന്യൂസ് ഇന്ത്യ ഫൗണ്ടേഷൻ. ഇത്തരം സംഘടനയിൽ ഓൺലൈൻ മീഡിയകൾ സാധാരന ഗതിയിൽ അംഗം ആകാറുണ്ട്. 10000 രൂപ നല്കി അംഗത്വം എടുക്കുമ്പോൾ ഇത്തരം സംഘടനകൾകൊണ്ട് മാധ്യമ കൂട്ടായ്മ എന്നതിനപ്പുറം പലരും അവരുടെ ആശയത്തിൽ ഉള്ള മാധ്യമ സിൻഡീകേറ്റായും ഉപയോഗിക്കാറുണ്ട്. ഇത്തരം സംഘടനയിൽ ചേരുന്നതിനു വിലക്കുകൾ ഒന്നും നിലവിൽ ഇല്ല.

ഡി ജി പബ്ബിൽ 60ലധികം പോർട്ടലുകൾ ഉണ്ട്. എന്നാൽ ഇപ്പോൾ ഉയരുന്ന ആരോപണം ഡിജി പബ്ബിൽ ഉൾപ്പെട്ട ചിലർക്ക് അമേരിക്കൻ ബില്യണർ ജോർജ് സോറസിന്റെ ഫണ്ട് ലഭിച്ചു എന്ന രീതിയിലാണ്‌. ഇതിൽ മലയാളത്തിലെ 8 ഓൺലൈനുകളുടെ പേരും ഉൾപ്പെട്ടതോടെയാണ്‌ കേരളത്തിലും ഇത് ചർച്ചയാകുന്നത്.

ഈ 8 മലയാള ഓൺലൈൻ പോർട്ടലുകളും ഇടത് അനുഭാവ പോർട്ടലുകളാണ്‌. കടുത്ത ഹിന്ദു വിരുദ്ധതയും മോദി വിരുദ്ധതയും മുഖ മുദ്രയാക്കിയവർ. ഇവരുടെ വാർത്തകളിൽ പലതും സാദൃശ്യമുണ്ട്. നരേന്ദ്ര മോദിക്കെതിരായതും കേന്ദ്ര സർക്കാരിനെതിരായതും ഹിന്ദു മതത്തിനും ക്ഷേത്രങ്ങൾക്കും ഹിന്ദു സംഘടനകൾക്കും എതിരായതുമായ വിഷയങ്ങളിൽ ഒറ്റക്കെട്ടാണ്‌ ഇതിലെ ഓൺലൈൻ പോർട്ടലുകൾക്ക്.

ജന്മഭൂമി പത്രത്തിന്റെ റിപോർട്ട് ഇപ്രകാരമാണ്‌…സോറോസിന്റെ ഇന്ത്യയിലെ പ്രതിനിധി ധന്യ രാജേന്ദ്രന്റെ നേതൃത്വത്തിൽ രൂപീകരിച്ച ഡിജിപബ് ന്യൂസ് ഇന്ത്യ ഫൗണ്ടേഷനിൽ 8 മലയാളം ഓൺലൈൻ ന്യൂസ് പോർട്ടലുകളും.
അഴിമുഖം മീഡിയ, ഡൂൾ ന്യൂസ്, സൗത്ത് ലൈവ്, ദ് ക്യൂ, ട്രൂ കോപ്പി, മലബാർ ന്യൂസ്, അന്വേഷണം, ടൈംസ് കേരള ഓൺലൈൻ എന്നീ പോർട്ടലുകൾക്കാണ് ഡിജി പബിൽ അംഗത്വമുള്ളത്.

സംഘടനയിൽ സ്ഥാപകാംഗങ്ങളും സാധാ അംഗങ്ങളുമുണ്ട്. മലയാളം പോർട്ടലുകൾക്ക് സാധാ അംഗത്വമേയുള്ളു.സ്ഥാപകാംഗങ്ങളുടെ ഒൻപതംഗ ബോർഡിനാണ് സംഘടനയുടെ നിയന്ത്രണം.സ്ഥാപകാംഗങ്ങളുടെ ശുപാർശ ഇല്ലാതെ അംഗത്വം ലഭിക്കില്ലെന്നതിൽ ഫലത്തിൽ രഹസ്യ സംഘടന പോലെയാണ് പ്രവർത്തന രീതി.ന്യൂസ് മിനിട്ട് എഡിറ്റർ ധന്യ രാജേന്ദ്രൻ ചെയർപേഴ്സനും അഭിനന്ദൻ സെക്രി ( ന്യൂസ് ലൗൺട്രി ) ഋതു കപൂർ (ദ് ക്വിൻ്റ്) എന്നിവർ ജനറൽ സെക്രട്ടറിമാരുമായ ബോർഡാണ് ഡിജി പബ് നിയന്ത്രിക്കുന്നത്.

ഡിജി പബ് ‘ മൂല്യങ്ങളിൽ വിശ്വസിക്കുന്നവർക്കേ അംഗത്വമുള്ളു എന്ന വ്യവസ്ഥയുള്ളതിനാൽ വിമത ശബ്ദം ഉയരില്ലെന്ന് ഉറപ്പാക്കാം.
ചൈനീസ് ഫണ്ട് കേസിൽ ഉൾപ്പെട്ട ന്യൂസ് ക്ലിക്ക് പോലെ മോദി വിരുദ്ധത തെളിയിച്ച 11 ന്യൂസ് പോർട്ടലുകൾ മാത്രമേ സ്ഥാപകാംഗങ്ങളായുള്ളു.
ഓൾട്ട് ന്യൂസ്, ആർട്ടിക്കിൾ 14, ബൂം ലൈവ്, കോബ്രാ പോസ്റ്റ്, എച്ച് ഡബ്ല്യു ന്യൂസ്, ന്യൂസ് ക്ലിക്ക്, ന്യൂസ് ലൗൺട്രി, സ്ക്രോൾ, ദ് ന്യൂസ് മിനിട്ട്, ദ് ക്വിൻ്റ്, ദ് വയർ എന്നിവയാണ് സ്ഥാപക അംഗങ്ങൾ.

കേന്ദ്ര ഭരണത്തെ അട്ടിമറിക്കാനുള്ള രാഷ്‌ട്രീയ ടൂൾ കിറ്റുകൾ രാജ്യവ്യാപകമായി പ്രചരിപ്പിക്കുക എന്നതാണ് സംഘടനയുടെ ലക്ഷ്യം.സ്ഥാപക അംഗങ്ങൾ പ്രസിദ്ധീകരിക്കുന്ന മോദി വിരുദ്ധ ടൂൾ കിറ്റ് വാർത്തകൾ പ്രാദേശിക ഭാഷകളിലേക്ക് പരിഭാഷപ്പെടുത്തി പ്രചരിപ്പിക്കുകയാണ് അംഗങ്ങളുടെ ചുമതല. ഇതിനു ഹവാല രീതിയിൽ വിദേശത്തു നിന്നും രാജ്യത്തിനകത്തു നിന്നും പ്രതിഫലം ലഭ്യമാക്കാൻ ഗൂഡ സംവിധാനങ്ങളുണ്ട്.

കാര്യമായ പരസ്യ വരുമാനമില്ലാത്ത ഈ പോർട്ടലുകൾ മുഖ്യധാരാ മാധ്യമങ്ങളിൽ ജോലി ചെയ്യുന്നവർക്ക് മികച്ച ശമ്പളം നൽകി നിയമിക്കുന്നതിന്റെ സാമ്പത്തിക ഉറവിടങ്ങൾ ദുരൂഹമാണ്.രാജ്യത്ത് വിധ്വംസക പ്രവർത്തനങ്ങൾ നടത്തുന്ന വിഘടനവാദ സംഘടനകളെയും വ്യക്തികളെയും ന്യായീകരിക്കുകയും മഹത്വവൽകരിക്കുകയും ചെയ്യുന്ന വാർത്തകളാണ് ഡിജി പബ് ശ്യംഖലയിലൂടെ പ്രചരിപ്പിക്കുന്നത്.

പോപ്പുലർ ഫ്രണ്ട് ഉൾപ്പെടെയുള്ള നിരോധിത സംഘടനകളെ വെള്ളപൂശാനും ഇവർക്ക് മടിയില്ല. തീവ്ര ഇടതുപക്ഷ മാവോയിസ്റ്റ് നേതാക്കളും യു എ പി എ രാജ്യദ്രോഹ കേസ് പ്രതികളും ഡിജി പബ് മീഡിയക്ക് ആരാധ്യരാണ്.

രാജ്യവിരുദ്ധ വാർത്തകൾ പ്രചരിപ്പിക്കാൻ വിദേശത്തു നിന്നു പണം ഓൺലൈൻ ഉടമകൾക്ക് ലഭിക്കുന്നതിന്റെ ഹവാല മണി ട്രെയിൽ മാർഗത്തെ കുറിച്ച് കേന്ദ്ര അന്വേഷണ ഏജൻസികൾക്ക് കൃത്യമായ സൂചനകൾ ലഭിച്ചിട്ടുണ്ട്. ന്യൂസ് ക്ലിക്ക് കേസ് മാതൃകയിൽ പല ഓൺലൈൻ എഡിറ്റർമാരും അഴിക്കുള്ളിലാകുന്ന കാലം വിദൂരമല്ല. ഇത്തരത്തിലാണ്‌ ജന്മഭൂമി വാർത്ത

എന്നാൽ കേരളത്തിലെ ഈ 8 പോർട്ടലുകളും ഇന്ത്യാ ഭരണം അട്ടിമറിക്കാൻ ശ്രമം നടത്തി എന്നതിനും രാജ്യത്ത് അരാജകത്വം ഉണ്ടാക്കാൻ ശ്രമിച്ചു എന്നതിനും പ്രത്യക്ഷ തെളിവുകൾ ഇല്ല. മോദി സർക്കാരിനെ അട്ടിമറിക്കാൻ പണം ഒഴുക്കുന്ന അമേരിക്കൻ ബില്യണർ ജോർജ് സോറസിൽ നിന്നും പണം കൈപറ്റി എന്നതിനു രേഖകൾ ഇതുവരെ മലയാള ഓൺലൈനുകൾക്കെതിരെ വന്നിട്ടില്ല.

എന്നിരുന്നാലും ഇവരുടെ സാമ്പത്തിക അടിത്തറ ദുരൂഹമാണ്‌. ഓൺലൈൻ വരുമാനം എന്നത് ഇവയിൽ പലർക്കും ഇല്ല എന്നു തന്നെ പറയാം. പലർക്കും വീഡിയോ പ്ളാറ്റ് ഫോം ഇല്ല. ഉള്ളവർ അത് അപ്ഡേറ്റ് ചെയ്യുന്നില്ല. ആ വരുമാനവും ഇല്ല. കടലാസ് വെബ് സൈറ്റുകൾ നടത്തി എങ്ങിനെ ഇവർ പണം ഉണ്ടാക്കുന്നു എന്നും ചിലവുകൾ കണ്ടെത്തുന്നു എന്നതും ദുരൂഹമാണ്‌. ആളുകയറാത്ത കടലാസ് വെബ്സൈറ്റുകൾ..റീച്ചും വ്യൂവും ഇല്ലാത്ത വീഡിയോ പ്ളാറ്റ് ഫോമുകൾ..ഇത്തരത്തിൽ ഉള്ള ഇവരുടെ സാമ്പത്തിക അടിത്തറയേ പറ്റിയാണ്‌ ഇപ്പോൾ  വാർത്ത വന്നിരിക്കുന്നത്- Source :This news is not entirely from Karma News, but the Major part is taken from Janmabhoomi newspaper