തന്നെ മുഖ്യമന്ത്രിയാക്കുകയാണെങ്കില് ഉച്ചക്ക് ഒരു മണിക്കൂര് ഉച്ചയുറക്കത്തിനായി അനുവദിക്കുമെന്ന വാഗ്ദാനവുമായി ഗോവ ഫോര്വേഡ് പാര്ട്ടി നേതാവ് വിജയ് സര്ദേശായി. ഉച്ചക്ക് രണ്ടിനും നാലിനും ഇടയില് ഒരു മണിക്കൂര് സമയം അനുവദിക്കുമെന്നാണ് മുന് ഉപമുഖ്യമന്ത്രി കൂടിയായ സര്ദേശായിയുടെ വാഗ്ദാനം. ഭരണ പാര്ട്ടിയായ ബിജെപിയുടെ മുന് സഖ്യകക്ഷിയാണ് വിജയ് സര്ദേശായിയുടെ ഗോവ ഫോര്വേഡ് പാര്ട്ടി.
ഗോവക്കാരുടെ ഉച്ചയുറക്കം അലസതയായി കണക്കാക്കരുതെന്നാണ് സര്ദേശായിയുടെ അഭിപ്രായം. ഗോവക്കാര് സ്വസ്ഥതയും സമാധാനവും ആഗ്രഹിക്കുന്നവരാണ്. ചെയ്യുന്ന ജോലി സമയബന്ധിതമായി കൃത്യമായി ചെയ്യുന്നവരാണ് ഗോവക്കാര്. അത് ഗോവയുടെ സംസ്ക്കാരമാണ്. മറ്റുള്ളവരും ഇതേക്കുറിച്ചു പഠിക്കുകയും ബഹുമാനിക്കുകയും ചെയ്യണം. ഗോവക്കാരുടെ ശീലങ്ങളും സംസ്ക്കാരവും സംരക്ഷിക്കേണ്ടതിന്റെ ആവശ്യകത പ്രധാനമാണെന്നും സര്ദേശായി പറയുന്നു.
ഉച്ചയുറക്കം ഓര്മ്മശക്തി വര്ദ്ധിപ്പിക്കുകയും ജോലി മികവ് കൂട്ടുകയും ചെയ്യും. എന്നാല് വിവിധ ജോലിയില് ഇരിക്കുന്നവര്ക്കും, കടകള് നടത്തുന്നവര്ക്കും ഇതിന് സമയം ലഭിക്കാറില്ല. അതുകൊണ്ടുതന്നെയാണ് ഒദ്യോഗികമായി ഇത്തരമൊരു ആശയം മുന്നോട്ടുവെക്കുന്നതെന്നും വിജയ് സര്ദേശായി പറഞ്ഞു. പ്രാദേശിക വാദം ഉയര്ത്തിപ്പിടിക്കുന്ന നിലപാടാണ് വിജയ് സര്ദേശായിയുടെയും ഗോവ ഫോര്വേഡ് പാര്ട്ടിയുടെയും.
അന്തരിച്ച മനോഹര് പരീക്കര് മുഖ്യമന്ത്രിയായിരുന്ന കാലത്ത് എന്ഡിഎ സര്ക്കാരില് ഉണ്ടായിരുന്നയാളാണ് സര്ദേശായി. സംസ്ഥാനത്തിന് പുറത്തുനിന്നുള്ളവര്ക്കെതിരെ കഴിഞ്ഞ കാലങ്ങളില് കടുത്ത നിലപാടുകള് സര്ദേശായി സ്വീകരിച്ചിരുന്നു. ഞങ്ങളുടെ വിപണികളെ നോക്കൂ. ഞായറാഴ്ചകളില് പോലും ജോലി ചെയ്യാന് ഇഷ്ടപ്പെടുന്ന മാര്വാഡി വ്യാപാരികള് അവ പതുക്കെ ഏറ്റെടുക്കുന്നു. അവര് ഷോപ്പുകള് 24 മണിക്കൂറും തുറന്നിരിക്കുന്നു, ഇത് ഒരു വിനോദസഞ്ചാരിയെ സന്തോഷിപ്പിക്കും, പക്ഷേ വ്യക്തിപരമായി പറഞ്ഞാല് ഇവിടെയുള്ളവര് ആരും സന്തുഷ്ടരല്ല. വിജയ് സര്ദേശായി പറയുന്നു.
തലശേരിയിൽ വൻ മയക്ക് മരുന്ന് വേട്ട.എം.ഡി.എം.എയും കഞ്ചാവുമായി വടക്കുമ്പാട് സ്വദേശികളായ നൗഫൽ, സൽസബീർ, ഷമ്മാസ് കൊളശ്ശേരി സ്വദേശി സഫ്വാൻ എന്നിവരാണ്…
പത്തനംതിട്ട: സംസ്ഥാനത്ത് മഴ ശക്തമായതോടെ ഇന്നലെയും ഇന്നുമായി വിവിധ ജില്ലകളില് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചിരുന്നു. പത്തനംതിട്ട ഉള്പ്പടെ ആറ്…
കോട്ടയം: കനത്ത മഴയെ തുടർന്ന് വിദ്യാഭ്യാസ സ്ഥാപനങ്ങൾക്ക് നാളെ അവധി. കോട്ടയം ജില്ലയിലെ പ്രൊഫഷണൽ കോളജുകൾ ഉൾപ്പെടെ എല്ലാ വിദ്യാഭ്യാസ…
ആലപ്പുഴ : ബസിൽ ചില്ലറ നൽകാൻ ആവശ്യപ്പെട്ട കണ്ടക്ടറുടെ കൈ യാത്രക്കാരൻ കടിച്ചുമുറിച്ചതായി ആക്ഷേപം. ആലപ്പുഴ റൂട്ടിൽ സർവീസ് നടത്തുന്ന…
സിദ്ദീഖിന്റെ മകൻ റാഷിന്റെ വിയോഗത്തിൽ അനുശോചനമറിയിച്ച് സംവിധായകനും നടനുമായ മധുപാൽ. ഒരിക്കൽ ആ വീട്ടിൽ വന്നപ്പോൾ റാഷിനൊപ്പമാണ് കഥ കേൾക്കാൻ…
കാസര്കോട് : പെണ്കെണിയില് പെടുത്തി പൊലീസ് ഉദ്യോഗസ്ഥരെയുള്പ്പെടെ കുടുക്കിയ ശ്രുതി ചന്ദ്രശേഖരനെതിരെ സംസ്ഥാന ബാലാവകാശ കമ്മിഷന് കേസെടുത്തു. തട്ടിപ്പിന് കുട്ടികളെയും…