ജയസൂര്യയെ നായകനാക്കി നാദിര്ഷ സംവിധാനം ചെയ്യുന്ന ‘ഈശോ’ എന്ന ചിത്രത്തിന്റെ പേരിനെച്ചൊല്ലി ഉയര്ന്ന വിവാദത്തില് തന്റെ അഭിപ്രായമെന്ന പേരില് വ്യാജ പ്രചരണം നടക്കുന്നതായി മജീഷ്യന് ഗോപിനാഥ് മുതുകാട്. ആരുടെയോ വാചകങ്ങളാണ് തന്റെ പേരില് പ്രചരിപ്പിക്കുന്നതെന്ന് സ്ക്രീന് ഷോട്ട് സഹിതമാണ് ഗോപിനാഥ് മുതുകാടിന്റെ വിശദീകരണം. ‘ഈശോ’ എന്ന പേര് സിനിമയ്ക്ക് നല്കിയതിനെ വിമര്ശിക്കുന്ന തരത്തില് മുതുകാട് പ്രതികരിച്ചു എന്ന തരത്തിലാണ് സോഷ്യല് മീഡിയയിലെ പ്രചരണം.
മുതുകാടിന്റെ കുറിപ്പ്
എന്റെ ചിത്രത്തോടൊപ്പം ആരോ പടച്ചുവിട്ട ഈ വാചകങ്ങള് സാമൂഹ്യ മാധ്യമങ്ങളിലൂടെ പ്രചരിക്കുന്നതായി കാണുന്നു. ഇതുമായി എനിക്ക് ഒരു ബന്ധവുമില്ല എന്ന് ഖേദപൂര്വ്വം അറിയിക്കുന്നു. സ്വന്തം അഭിപ്രായങ്ങള് സ്ഥാപിച്ചെടുക്കുവാന് മറ്റൊരാളെ അയാളുടെ സമ്മതമില്ലാതെ ദയവായി വലിച്ചിഴക്കരുത്. ഒപ്പം തന്റെ പേരില് പ്രചരിക്കുന്ന വ്യാജ പോസ്റ്ററും അദ്ദേഹം പങ്കുവച്ചിട്ടുണ്ട്.
”മനുഷ്യന് ദൈവമായി തീരാനുള്ള വാതിലാണ് ബൈബിള്. എങ്കില്, ആ വാതില് നമുക്കായി തുറക്കുന്നവന് യേശുവെങ്കില്, ഭൂമിയിലെ എത്ര മഹനീയമായ കലാസൃഷ്ടിക്കു പോലും ഈശോ എന്ന പേരിടുന്നത് അവഹേളനമാണ്. ആരുടെ സൃഷ്ടിക്കാണ് സ്വര്ഗത്തില് നിന്ന് രക്ഷക്കായി നല്കപ്പെട്ട അവന്റെ വ്യക്തിത്വത്തിന്റെ നാമം വഹിക്കാന് യോഗ്യമായിട്ടുള്ളത്” എന്നാണ് പോസ്റ്ററില് പറയുന്നത്.
“എന്റെ ചിത്രത്തോടൊപ്പം ആരോ പടച്ചുവിട്ട ഈ വാചകങ്ങൾ സാമൂഹ്യ മാധ്യമങ്ങളിലൂടെ പ്രചരിക്കുന്നതായി കാണുന്നു. ഇതുമായി എനിക്ക് ഒരു ബന്ധവുമില്ല എന്ന് ഖേദപൂർവ്വം അറിയിക്കുന്നു. സ്വന്തം അഭിപ്രായങ്ങൾ സ്ഥാപിച്ചെടുക്കുവാൻ മറ്റൊരാളെ അയാളുടെ സമ്മതമില്ലാതെ ദയവായി വലിച്ചിഴക്കരുത്”, വ്യാജ പ്രചരണത്തിന്റെ സ്ക്രീന് ഷോട്ടിനൊപ്പം ഗോപിനാഥ് മുതുകാട് സോഷ്യല് മീഡിയയില് കുറിച്ചു.
ജയസൂര്യ നായകനാവുന്ന ചിത്രത്തിന്റെ പേര് ക്രിസ്ത്യന് വിശ്വാസികളുടെ വികാരത്തെ മുറിപ്പെടുത്തുന്നതാണെന്ന് ആരോപിച്ച് സോഷ്യല് മീഡിയയില് വലിയ പ്രചരണം നടന്നിരുന്നു. ‘ഈശോ’, നാദിര്ഷ സംവിധാനം ചെയ്യുന്ന മറ്റൊരു ചിത്രമായ ‘കേശു ഈ വീടിന്റെ നാഥന്’ എന്നീ ചിത്രങ്ങള്ക്ക് അനുമതി നല്കരുതെന്നാവശ്യപ്പെട്ട് കത്തോലിക്കാ കോണ്ഗ്രസും വിഷയത്തില് പരോക്ഷ വിമര്ശനവുമായി കെസിബിസിയും രംഗത്തെത്തിയിരുന്നു.
സിനിമയുടെ പേര് മതവികാരം വ്രണപ്പെടുത്തുന്നതാണെന്നും അതിനാല് പ്രദര്ശനാനുമതി നല്കരുതെന്നും ആവശ്യപ്പെട്ട് ക്രിസ്ത്യൻ അസോസിയേഷൻ ഫോർ സോഷ്യൽ ആക്ഷന് എന്ന സംഘടന ഹൈക്കോടതിയില് പൊതുതാല്പര്യ ഹര്ജിയും നല്കിയിരുന്നു. എന്നാല് ഹര്ജി തള്ളിയ ഹൈക്കോടതി, സിനിമയ്ക്ക് ദൈവത്തിന്റെ പേരിട്ടു എന്നതുകൊണ്ട് കോടതിക്ക് ഇടപെടാനാകില്ലെന്ന് വ്യക്തമാക്കി. അതേസമയം നാദിര്ഷയ്ക്ക് പിന്തുണയുമായി സിനിമാ മേഖലയിലെ സാങ്കേതിക പ്രവര്ത്തകരുടെ സംഘടനകളായ ഫെഫ്കയും മാക്റ്റയും രംഗത്തെത്തിയിരുന്നു.
തിരുവനന്തപുരം: തിരുവഞ്ചൂരിന്റെ വീട്ടില് വെച്ച് സോളാര് വിഷയം സംസാരിച്ചിട്ടുണ്ടെന്ന് വ്യക്തമാക്കി ചെറിയാന് ഫിലിപ്പ്. സമരം അവസാനിപ്പിക്കണമെന്ന് ഇരുമുന്നണികള്ക്കും ആഗ്രഹമുണ്ടായിരുന്നെന്നും തിരുവഞ്ചൂരിന്റെ…
ക്നാനായ യാക്കോബായ സഭാ സമുദായ മെത്രാപ്പോലീത്ത ബിഷപ് കുര്യാക്കോസ് മാർ സേവേറിയോസിനെ സസ്പെൻ്റ് ചെയ്തു. ക്നാനാനായ സഭ അന്ത്യോക്യാ പാത്രിയർക്കീസിന്റേതാണ്…
ന്യൂഡല്ഹി: മാധ്യമങ്ങള് ഒരു രീതിയില് മാത്രം പ്രവര്ത്തിക്കുന്നതിനാലാണ് വാർത്താസമ്മേളനത്തിൽ പങ്കെടുക്കാത്തതെന്ന് പ്രധാനമന്ത്രി നരേന്ദ്രമോദി. പ്രധാനമന്ത്രി ആയതിന് ശേഷം വാര്ത്താസമ്മേളനങ്ങൾ നടത്താത്തതെന്തെന്ന…
തൃശൂർ: അഞ്ച് വയസുകാരന് മരുന്ന് മാറിനൽകിയെന്ന പരാതി. മുണ്ടിനീരിന് പകരം നല്കിയത് പ്രെഷറിനുള്ള മരുന്ന്. വരന്തരപ്പിള്ളി കുടുംബാരോഗ്യകേന്ദ്രത്തിലെ ഫാർമസിസ്റ്റിനെതിരെയാണ് പരാതി.…
ന്യൂഡൽഹി∙ ഡൽഹി മുഖ്യമന്ത്രി അരവിന്ദ് കേജ്രിവാളിന്റെ പിഎ ബൈഭവ് കുമാറിനെതിരെ മൊഴി നൽകി സ്വാതി മലിവാൾ എംപി. നേരിട്ടത് ക്രൂര…
തിരുവനന്തപുരം: തലസ്ഥാനത്ത് കടമുറിയ്ക്കുള്ളിൽ സ്ത്രീയുടെ മൃതെദേഹം കണ്ടെത്തി. തൈക്കാട് നാച്വറല് റോയല് സലൂണ് എന്ന സ്ഥാപനം നടത്തിയിരുന്ന മാര്ത്താണ്ഡം സ്വദേശി…