പിണറായി വിജയന് ഇരട്ടത്താപ്പാണെന്ന് ഗവർണർ , പറ്റുന്ന പണി നാടക കമ്പനി നടത്തലാണ്

ഒരു വശത്ത് എസ്എഫ്‌ഐ പ്രവർത്തകരോട് പ്രതിഷേധം സംഘടിപ്പിക്കാൻ പറയുകയും മറുവശത്ത് തനിക്ക് സുരക്ഷയൊരുക്കാൻ പറയുകയും ചെയ്യുന്ന പിണറായി വിജയന് ഇരട്ടത്താപ്പാണെന്ന് ​ഗവർണർ ആരിഫ് മുഹമ്മദ്ഖാൻ. തനിക്ക് ഒന്നിനേയും ഭയമില്ലെന്നും അദ്ദേഹം പറഞ്ഞു.

എസ്എഫ്‌ഐയുടേത് വളരെ മോശം പെരുമാറ്റമാണെന്ന് ഗവർണർ പറഞ്ഞു. താൻ ഒന്നിനോടും ഭയപ്പെടില്ല. പോലീസിനോട് സഹതാപം മാത്രമാണുള്ളത്. മുഖ്യമന്ത്രിക്ക് പറ്റുന്ന പണി നാടക കമ്പനി നടത്തലാണെന്ന് ​ഗവർണർ പറഞ്ഞു.

തൃശൂർ എങ്ങണ്ടിയൂരിൽ ഗവർണർക്ക് വീണ്ടും എസ്എഫ്ഐയുടെ കരിങ്കൊടി പ്രതിഷേധം നടത്തിയിരുന്നു. 10 ലധികം വരുന്ന പ്രവർത്തകരുടെ നേതൃത്വത്തിലായിരുന്നു പ്രതിഷേധം നടന്നത്.