ജനിച്ചു 15 ദിവസം കഴിഞ്ഞപ്പോള്‍ ആദ്യ മകള്‍ മരിച്ചു, ഭിക്ഷക്കാരനെ പോലെ ഐസിയുവിന് മുമ്പില്‍, അറിയാക്കഥ പറഞ്ഞ് ഗിന്നസ് പക്രു

മലയാളികളുടെ പ്രിയപ്പെട്ട നടനാണ് ഗിന്നസ് പക്രു എന്ന അജയ് കുമാര്‍,. പൊക്കമില്ലായ്മ ഒരിക്കലും ജീവിതത്തില്‍ വിജയിക്കുന്നതിന് ഒരു തടസവുമല്ലെന്ന് തെളിയിച്ച വ്യക്തിയാണ് അദ്ദേഹം. അത്ഭുത ദ്വീപ് എന്ന ചിത്രത്തിലൂടെയാണ് അജയ് കുമാര്‍ ആദ്യമായി നായകനാകുന്നത്. ഏറ്റവും പൊക്കം കുറഞ്ഞ നായകന്‍ എന്ന ഗിന്നസ് റെക്കോര്‍ഡ് ഈ ചിത്രത്തിലൂടെ നടന്‍ സ്വന്തമാക്കി.

പക്രുവിന്റെ കുടുംബവും മലയാളികള്‍ക്ക് പ്രിയപ്പെട്ടതാണ്. 2006ല്‍ ആണ് പക്രു ദീപ്തിയെ വിവാഹം ചെയ്യുന്നത്. ഇവരുടെ ഏക മകള്‍ ദീപ്ത കീര്‍ത്തിയും മലയാളികള്‍ക്ക് സുപരിചിതരാണ്. ഇപ്പോള്‍ ഒരു അഭിമുഖ പരിപാടിയില്‍ പക്രു പറഞ്ഞ വാക്കുകളാണ് ശ്രദ്ധേയമാകുന്നത്. തന്റെ ആദ്യ മകളുടെ മരണത്തെ കുറിച്ച് ഉള്‍പ്പെടെ പക്രു മനസ് തുറന്നു.

അതൊരു അടിയായിരുന്നു. കല്യാണം കഴിഞ്ഞു മൂന്നുമാസം കഴിഞ്ഞപ്പോഴാണ് അച്ഛനാകാന്‍ പോകുന്ന വിവരം അറിയുന്നത് ലോകം മുഴുവന്‍ കീഴ്‌പ്പെടുത്തിയ സന്തോഷം ആയിരുന്നു എനിക്ക്. എന്നാല്‍ കുഞ്ഞു ജനിച്ചു 15 ദിവസം കഴിഞ്ഞപ്പോള്‍ ആ കുട്ടി മരിച്ചു പോയി. ഒരു ഭിക്ഷക്കാരെ പോലെ നടന്ന ഒരു അവസ്ഥയില്‍ ആയിരുന്നു അന്ന് ഐസിയുവിന്റെ മുന്‍പില്‍ നിന്നത്. ഓരോ തവണ ഡോക്ടറിനെ കാണുമ്പോഴും ഒരു പ്രതീക്ഷ ആയിരുന്നു. നമ്മള്‍ ജീവിതത്തില്‍ എത്രത്തോളം താഴെയാണ് എന്ന് അറിയുന്ന നിമിഷമായിരുന്നു അവിടെ സംഭവിച്ചത്. ഞാനും ഭാര്യയുടെ അച്ഛനും കൂടി ആയിരുന്നു അവിടെ നിന്നത്. പക്ഷെ ഞങ്ങള്‍ അതിനെയും അതി ജീവിച്ചു. മകള്‍ ആശുപത്രിയില്‍ കിടന്ന അവസരത്തിലും താന്‍ സ്റ്റേജില്‍ നിന്നിട്ടുണ്ട്.-പക്രു പറഞ്ഞു.

ഏകദേശം 14 വര്‍ഷത്തോളം വാടകവീടുകളില്‍ താമസിച്ച ശേഷമാണ് തങ്ങള്‍ക്ക് കോട്ടയത്ത് സ്വന്തമായി ഒരു വീട് മനോരമ നല്‍കുന്നതെന്ന് മറ്റൊരു അഭിമുഖത്തില്‍ പക്രു പറഞ്ഞിരുന്നു. പിന്നീട് സിനിമയില്‍ അഭിനയിച്ചു തുടങ്ങിയെങ്കിലും കൂടുതല്‍ അവസരങ്ങള്‍ ലഭിച്ചു തുടങ്ങി. സമ്പാദ്യമായി തുടങ്ങിയപ്പോള്‍ കോട്ടയത്തു മറ്റൊരു വീട് മേടിച്ചു. കുറെ വര്‍ഷങ്ങള്‍ കൂടി കഴിഞ്ഞശേഷം മീനച്ചിലാറിന്റെ തീരത്ത് മറ്റൊരു വീടും സ്ഥലവും മേടിച്ചു. പിന്നീട് താമസിച്ചിരുന്ന വീട് വാടകയ്ക്ക് കൊടുത്തു. അങ്ങനെ വര്‍ഷങ്ങളോളം വാടകക്കാരനായിരുന്ന താന്‍ വാടക മുതലാളിയായി എന്നും പക്രു പറഞ്ഞിട്ടുണ്ട്.