എല്ലാവരും എന്നെ കണ്ടാ വന്ന് എടുക്കും, സുരക്ഷയ്ക്കായുള്ള വനിതാ പൊലീസുകാരൊക്കെ, ഗിന്നസ് പക്രു പറയുന്നു

മലയാള സിനിമ പ്രേമികളെ പൊക്കക്കുറവ് കൊണ്ട് അമ്പരപ്പിച്ച നടനാണ് ഗിന്നസ് പക്രു. അജയകുമാര്‍ എന്നാണ് ഗിന്നസ് പക്രുവിന്റെ യഥാര്‍ത്ഥ പേര്. മലയാളത്തിലും തമിഴിലുമായി സൂപ്പര്‍ സ്റ്റാറുകള്‍ക്ക് ഒപ്പം പോലും നിരവധി സിനിമകളില്‍ താരം അഭിനയിച്ചിട്ടുണ്ട്. ടിവി ഷോകളിലും ഗിന്നസ് പക്രു ഏറെ സജീവമാണ്.

മിമിക്രിയിലൂടെയാണ് പക്രു സിനിമ രംഗത്ത് എത്തുന്നത്. തുടക്ക കാലം മുതലേ വിദേശ രാജ്യങ്ങളില്‍ സ്റ്റേജ് ഷോകള്‍ ചെയ്യാറുണ്ടായിരുന്നു. ഷോയില്‍ പങ്കെടുത്തപ്പോള്‍ ഉണ്ടായ ഒരു അനുഭവം പങ്കുവെച്ച് ഇപ്പോള്‍ രംഗത്ത് എത്തിയിരിക്കുകയാണ് പക്രു. ഒരു മാധ്യമത്തിന് നല്‍കിയ അഭിമുഖത്തിലാണ് പക്രു തന്റെ ഓര്‍മകള്‍ പങ്കുവെച്ചതക്. ചെറുതായതിനാല്‍ തന്നെ തന്നോട് എല്ലാവര്‍ക്കും പ്രത്യേക വാത്സല്യമായിരുന്നെന്ന് പറയുകയാണ് പക്രു.

‘അന്ന് ഇതുപോലെ മീശയും താടിയുമൊന്നുമില്ലല്ലോ. എല്ലാവരും എന്നെ കണ്ടാ വന്ന് എടുക്കും, സുരക്ഷയ്ക്കായുള്ള വനിതാ പൊലീസുകാരൊക്കെ. അപ്പോള്‍ ജയറാമേട്ടനും ദിലീപേട്ടനും മണിച്ചേട്ടനുമൊക്കെ പറയും അവന്റെ പ്രായമറിയോ പത്തിരുപത്തിരണ്ട് വയസുണ്ട് എന്നൊക്കെ പറയും,’ ഗിന്നസ് പക്രു പറയുന്നു.

ഒരു മുഴുനീള ചിത്രത്തില്‍ പ്രധാന വേഷം ചെയ്ത ഏറ്റവും ഉയരം കുറഞ്ഞ നടന്‍ എന്ന ഗിന്നസ് റെക്കോര്‍ഡ് പക്രുവിന്റെ പേരിലാണ്. വിനയന്‍ സംവിധാനം ചെയ്ത അത്ഭുതദ്വീപ് എന്ന ചിത്രത്തിലെ വേഷത്തിനാണ് ഗിന്നസ് റെക്കോര്‍ഡ് പക്രുവിനെ തേടിയെത്തിയത്.