ഗുരുവായൂരപ്പന് നാൽപത് പവനോളം തൂക്കം വരുന്ന പൊന്നോടക്കുഴൽ കാണിക്കയായി സമർപ്പിച്ച് ഭക്തൻ

തൃശൂര്‍. ഗുരുവായൂരപ്പന് ഓടക്കുഴൽ കാണിക്കയായി സമർപ്പിച്ച് ഭക്തൻ. നാൽപത് പവനോളം തൂക്കം വരുന്ന പൊന്നിൽ തീർത്ത ഓടക്കുഴലാണ് ഗുരുവായുരപ്പന് വഴിപാടായി ലഭിച്ചത് സമർപ്പിച്ചത്. ചങ്ങനാശേരി കോട്ടമുറി ദ്വാരകയിൽ രതീഷ് മോഹനാണ് ഓടക്കുഴൽ സമർപ്പിച്ചത്.

ക്ഷേത്രം അസിസ്റ്റന്‍റ് മാനേജർ ലെജുമോൾ പൊന്നോടക്കുഴൽ ഏറ്റുവാങ്ങി. രതീഷ് മോഹന്‍റെ കുടുംബാംഗങ്ങളും ഒപ്പമുണ്ടായിരുന്നു.

ഷാർജയിൽ ബിസിനസ് നടത്തുന്ന രതീഷ് മോഹൻ എല്ലാ മലയാള മാസം ഒന്നാം തീയതിയും അന്നദാന സഹായവും നൽകി വരുന്നുണ്ടെന്ന് ക്ഷേത്ര അധികൃതര്‍ അറിയിച്ചു.