ഗ്യാൻവാപി മസ്ജിദ് സ്ഥിതിചെയ്യുന്ന പ്രദേശം മുസ്‌ലിംകൾ ഹിന്ദുക്കൾക്കു വിട്ടുകൊടുക്കണം, കേന്ദ്രമന്ത്രി ഗിരിരാജ് സിങ്

ന്യൂഡൽഹി:മുസ്ലീങ്ങൾ ഗ്യാൻവാപി മസ്ജിദ് സ്ഥിതിചെയ്യുന്ന പ്രദേശം ഹിന്ദുക്കൾക്കു വിട്ടുകൊടുക്കണമെന്നും സാമുദായിക സൗഹാർദം തകർക്കുന്ന പ്രസ്താവനകൾ നടത്തരുതെന്നും ബിജെപി നേതാവും കേന്ദ്രമന്ത്രിയുമായ ഗിരിരാജ് സിങ്.

എൻ്റെ മുസ്ലീം സഹോദരന്മാരോട് ഞാൻ അഭ്യർത്ഥിക്കും, എല്ലാ തെളിവുകളും പുറത്തുവരുമ്പോൾ, കാശി ഹിന്ദുക്കൾക്ക് കൈമാറുക, അങ്ങനെ സാമുദായിക സൗഹാർദ്ദം നിലനിർത്താൻ, ഞങ്ങൾ സ്വാതന്ത്ര്യത്തിന് ശേഷം ഒരു പള്ളിയും തകർത്തിട്ടില്ല, പക്ഷേ പാകിസ്ഥാനിൽ ഒരു ക്ഷേത്രവും അവശേഷിക്കുന്നില്ലായെന്നും അദ്ദേഹം അഭിപ്രായപ്പെട്ടു. യോജിപ്പിന് വേണ്ടിയാണ് ഞാൻ ഇത് പറയുന്നത്, പ്രകോപനപരമായ പ്രസ്താവനകൾ നടത്തരുത്, ഇതാണ് മാറിയ ഇന്ത്യ, സനാതന യുവാക്കൾ ഉണർന്നുവെന്ന് മന്ത്രി പറഞ്ഞു.

ആരെങ്കിലും ബാബറോ ഔറംഗസേബോ ആകാൻ ശ്രമിച്ചാൽ യുവാക്കൾ മഹാറാണാ പ്രതാപ് ആകേണ്ടി വരും. സമാധാനം നിലനിൽക്കുമെന്ന് നിങ്ങൾ ഉറപ്പാക്കണം, പന്ത് നിങ്ങളുടെ കോർട്ടിലാണ്,” സിംഗ് കൂട്ടിച്ചേർത്തു.

ഗ്യാൻവാപി മസ്ജിദിലും തൊട്ടരികിലുള്ള കാശി വിശ്വനാഥ് ക്ഷേത്രത്തിലും പുരാവസ്തു വകുപ്പ് നടത്തിയ സർവേയുടെ വിവരങ്ങൾ കഴിഞ്ഞ ദിവസമാണ് പുറത്തുവന്നത്. 839 പേജുള്ള റിപ്പോർട്ട് മുസ്‌ലിം, ഹിന്ദു വിഭാഗങ്ങൾക്കു കൈമാറണമെന്ന് വാരാണസി കോടതി ഉത്തരവിട്ടിരുന്നു. ഹിന്ദു ക്ഷേത്രം തകർത്താണ് ഗ്യാൻവാപി പള്ളി നിർമിച്ചതെന്നാണ് റിപ്പോർട്ടിൽ ചൂണ്ടിക്കാട്ടുന്നത്.