ഹൻസിക മോട് വാനിയുടെ ഭർത്താവ് സൊഹൈൽ കതൂരി അടുത്ത സുഹൃത്തിന്റെ മുൻ ഭർത്താവ്

സിനിമാ താരം ഹൻസിക മോട് വാനിയുടെ വിവാഹം ഡിസംബർ 4 നായിരുന്നു. അടുത്ത സുഹൃത്തും ബിസിനസ്സ് പങ്കാളിയുമായ സൊഹൈൽ കതൂരിയെയാണ് ഹൻസിക വിവാഹം കഴിച്ചത്. വിവാഹിതയാകുന്നുവെന്ന് നടി അറിയിച്ചതിൽ പിന്നെ ആരാധകരെല്ലാം വരൻ ആരെന്നറിയാനുള്ള കാത്തിരിപ്പിലായിരുന്നു.

സൊഹൈലുമായി ഏറെ നാളായി പ്രണയത്തിലായിരുന്ന ഹൻസിക തന്റെ വ്യക്തിജീവിത വിശേഷങ്ങളൊക്കെ മാധ്യമങ്ങളിൽ നിന്ന് മറച്ച് വെച്ചിരിക്കുകയായിരുന്നു. വിവാഹം ഉറപ്പിച്ചതിനു ശേഷമാണ് താരം ഇക്കാര്യം പരസ്യപ്പെടുത്തിയത്. ആരാണ് ഹൻസികയുടെ ഭർത്താവ് സൊഹൈൽ കതൂരിയ എന്നതാണ് താരം മറച്ച് സൂക്ഷിച്ചിരുന്നത്.

തന്റെ ഏറ്റവും അടുത്ത സുഹൃത്തിനെ തന്നെയാണ് ഹൻസിക ജീവിത പങ്കാളിയായി തിരഞ്ഞെടുത്തിരിക്കുന്നത്. തന്റെ ഇവന്റ് മാനേജ്മെന്റ് കമ്പനിയുടെ പാർട്നർ കൂടിയായ സൊഹൈലുമായി വർഷങ്ങളുടെ പരിചയം ആണ് ഹാൻസികക്ക് ഉള്ളത്. ഹൻസികയുടെ ഏറ്റവും അടുത്ത സുഹൃത്താണ് സൊഹൈൽ. ബിസിനസ്സ് ബന്ധം സൗഹൃദത്തിലേക്കും തുടർന്ന് പ്രണയത്തിലേക്കും വളർന്നെന്നാണ് റിപ്പോർട്ടുകൾ. മുംബൈയിലുള്ള ബിസിനസ്സുകാരനാണ് സൊഹൈൽ. സ്വന്തമായി ടെക്സറ്റൈൽസ് കമ്പനിയും ഉണ്ട്. 1985 മുതൽ ആഗോളതലത്തിൽ എത്നിക് വസ്ത്രങ്ങൾ കയറ്റുമതി ചെയ്യുന്ന ബിസിനസ്സാണ് സൊഹൈലിന്റെ ഉടമസ്ഥതയിലുള്ള കമ്പനി ചെയ്തുവരുന്നത്.

ഹൻസികയുടെ അടുത്ത സുഹൃത്ത് റിങ്കി ബജാജിന്റെ മുൻ ഭർത്താവ് കൂടിയാണ് സൊഹൈൽ എന്നും വിവിധ മാധ്യമങ്ങൾ റിപ്പോർട്ട് ചെയ്തിട്ടുണ്ട്. റിങ്കിയുടേയും സൊഹൈലിന്റേയും വിവാഹത്തിന് പങ്കെടുത്ത ഹൻസികയുടെ ചിത്രങ്ങളും വീഡിയോയും ഇതിനകം പുറത്തുവന്നിരുന്നു. എട്ട് വർഷമായി ഹൻസികയ്ക്കും സൊഹൈലിനും പരസ്പരം അറിയാം. 2019 ലാണ് ഇരുവരും ബിസിനസ്സ് പങ്കാളികളായി മാറുന്നത്. 2016 ലായിരുന്നു റിങ്കി ബജാജുമായുള്ള സൊഹൈലിന്റെ വിവാഹം. വിവാഹബന്ധം ഇരുവരും പിന്നീട് വേർപെടുത്തുകയായിരുന്നു.