പഠിക്കാൻ പോയപ്പോൾ സന്ധ്യയെ കണ്ടു, എസ്എസ്എൽസി തോറ്റെങ്കിലും പ്രണയം നടന്നു-ഹരീഷ് കണാരൻ

കോമഡി വേദികളിലൂടെ വന്ന് മലയാളികളുടെ പ്രീയപ്പെട്ട താരമായി മാറിയ നടനാണ് ഹരീഷ് കണാരൻ. ഹാസ്യം കൈകാര്യം ചെയ്യുന്നതിലെ മികവുകൊണ്ടുതന്നെ ഹരീഷിന് ചുരുങ്ങിയ കാലയളവിൽ ധാരാളം സിനിമകൾ ലഭിച്ചു. വളരെയധികം കഷ്ടപ്പാടുകളിൽ നിന്നാണ് ഇയാൾ സിനിമയിലെത്തിയത്.

യിന്റിംഗ്, ഇലകട്രീഷ്യൻ, കൽപ്പണി, തിയറ്റർ ഓപ്പറേറ്റർ,ഓട്ടോ ഡ്രൈവർ എന്നി പലതരം ജോലികൾ ചെയ്ത് ജീവിതത്തോട് മല്ലിട്ടശേഷമാണ് സിനിമയിലേക്ക് പ്രവേശിക്കുന്നത്. ഇതിനിടയിലാണ് പഠിക്കണമെന്ന മോഹം മനസ്സിലെത്തിയത്. അങ്ങനെ കോഴിക്കോട് പെരുമണ്ണയിലെ ടാഗോർ ട്യൂഷൻ സെന്ററിലെത്തി. അവിടെവെച്ചാണ് പാട്ടുകാരിയായ സന്ധ്യയെ കാണുന്നത്. പിന്നെ പത്ത് വർഷത്തെ പ്രണയം. അവസാനം വിവാഹം സഫലമായി. പ്രണയമാണ് തന്റെ തലവര മാറ്റിയതെന്ന് ഹരീഷ് തുറന്നുപറയുകയാണ്.

സന്ധ്യ കോഴിക്കോട് ടൂഷന് വന്നതായിരുന്നു. ആദ്യ കാഴ്ചയിൽ എനിക്കവളെ ഇഷ്ടമായി. അഞ്ചാറ് മാസം പുറകെ നടന്നു. പഠിത്തം നടന്നില്ല. കട്ട പ്രേമം. പത്ത് വർഷം ഞങ്ങൾ പ്രണയിച്ചു. രണ്ടും കൽപ്പിച്ചായിരുന്നു ഞാൻ. ഒന്നുകിൽ എസ്എസ്എൽസി ജയിക്കണം. അല്ലെങ്കിൽ സന്ധ്യയെ കെട്ടണം. അതായിരുന്നു എന്റെ ലക്ഷ്യം. നിറവേറ്റിയത് രണ്ടാമത്തേത് മാത്രം മിമിക്രി അവതരിപ്പിച്ച് നടപ്പാണ്. സീസൺ സമയത്ത് മാസത്തിൽ അഞ്ചെട്ട് പ്രോഗ്രാം കാണും. സീസൺ കഴിഞ്ഞാൽ പെയിന്റിംഗിന് പോകും. മിമിക്രി പ്രോഗ്രാം ഒന്നുകൂടി പ്രൊഫഷണലായി. മാസത്തിൽ മുപ്പത് പരിപാടികൾ ചെയ്തു തുടങ്ങിയ സമയത്താണ് വിവാഹം കഴിക്കുന്നത്. ആ സമയത്ത് സീസൺ കഴിഞ്ഞാൽ സന്ധ്യയുടെ വരുമാനം കൊണ്ടാണ് ജീവിച്ചത്.

ചെറുപ്പത്തിൽ അച്ഛന്റെ കൂടെയാണ് സിനിമകാണാൻ പോയിക്കൊണ്ടിരുന്നത്. പത്താംക്ലാസ് മുതൽ ഒറ്റയ്ക്ക് സിനിമകാണാൻ പോകാൻ ആരംഭിച്ചു. ദിലീപേട്ടന്റെ സിനിമകളാണ് കൂടുതൽ കണ്ടത് അതുമൂലം ഞാൻ ദിലീപേട്ടന്റെ വലിയ ആരാധകനായി. ദിലീപ്, നാദിർഷാ, ജയറാം തുടങ്ങിയവരുടെ ഓഡിയോ കാസറ്റ് കേട്ട് അതേപോലെ അനുകരിക്കുകയായിരുന്നു പതിവ്. ദേവരാജൻ എന്ന കൂട്ടുകാരനും ഞാനും ചേർന്നായിരുന്നു പരിപാടി അവതരിപ്പിച്ചത് ഹരീഷ് പറഞ്ഞു. 13 വർഷമായി ചെമ്പൈ സംഗീതോത്സവത്തിൽ പാടുന്ന ഭാര്യ സന്ധ്യയും മകൻ ധ്യാൻഹരിയുമൊത്ത് ജീവിതം ആസ്വദിക്കുകയാണ് ഹരീഷ് കണാരൻ.