നടൻ ഹരീഷ് പേരടിയുടെ മകൻ വിഷ്ണു വിവാഹിതനായി

നടൻ ഹരീഷ് പേരടിയുടെ മകൻ വിഷ്ണു വിവാഹിതനായി. നയനയാണ് വധു. കൊച്ചി എളമക്കര ഭാസ്കരീയം കൺവെൻഷൻ സെന്ററിൽ വച്ചായിരുന്നു വിവാഹം. കമ്പ്യൂട്ടർ എഞ്ചിനീയർമാരാണ് വിഷ്ണുവും നയനയും. ഹരീഷ് പേരടിയുടെയും ബിന്ദുവിന്റെയും മൂത്തമകനാണ് വിഷ്ണു. വൈദി എന്നൊരു മകൻ കൂടി ഹരീഷ്-ബിന്ദു ദമ്പതികൾക്ക് ഉണ്ട്.

കഴിഞ്ഞ വർഷം നവംബർ 28 ന് കലൂരിൽ വെച്ചായിരുന്നു ഇരുവരുടെയും വിവാഹ നിശ്ചയം. വലിയ ആഡംബരങ്ങൾ ഒന്നും തന്നെ ഇല്ലാതെയാണ് വിവാഹ നിശ്ചയം നടന്നത്. ഇപ്പോഴിതാ വിവാഹ ദിവസം മകന് വേണ്ടി ചെണ്ട മേളങ്ങളും ആർഭാടങ്ങളും ഒരുക്കിയിരിക്കുകയാണ് ഹരീഷ് പേരടി.

ഗോൾഡൻ നിറത്തിലുള്ള കുർത്തയും മുണ്ടുമാണ് വരന്റെ വേഷം. വാടാർമല്ലി കളറുള്ള സാരിയിൽ മുല്ലപ്പൂ ചൂടി ആഭരണങ്ങൾ അണിഞ്ഞ് അതി സുന്ദരിയായാണ് വധു. വിശാലമായ ഓഡിറ്റോറിയത്തിൽ വെച്ചാണ് വിവാഹ ചടങ്ങുകൾ നടക്കുന്നത്. ഇരുവരുടെയും പ്രണയ വിവാഹമാണ് . മകന്റെ വിവാഹത്തിൽ മാസ്സ് ലുക്കിലാണ് അച്ഛൻ എത്തിയിരിക്കുന്നത് . നിരവധി ആരാധകരാണ് നവ ദമ്പതികൾക്ക് ആശംസകളുമായി എത്തിയിരിക്കുന്നത്.

കോഴിക്കോട്‌ ചാലപ്പുറം സ്വദേശിയായ ഹരീഷ് നാടകരംഗത്തു നിന്നുമാണ് സിനിമയിലേക്ക് എത്തുന്നത്. ആകാശവാണിയിൽ നാടക ആർട്ടിസ്‌റ്റായും ഹരീഷ് പ്രവർത്തിച്ചിരുന്നു. ഇരുനൂറോളം ടെലിവിഷൻ പരമ്ബരകളിലും ഹരീഷ് അഭിനയിച്ചിട്ടുണ്ട്. സിബി മലയിലിന്റെ ‘ആയിരത്തിലൊരുവൻ’ എന്ന ചിത്രത്തിലൂടെയാണ് ഹരീഷ് സിനിമയിൽ അരങ്ങേറ്റം കുറിച്ചത്. ‘ലെഫ്‌റ്റ് റൈറ്റ്‌ ലെഫ്‌റ്റ്’ എന്ന സിനിമയിലെ കൈതേരി സഹദേവൻ ഹരീഷ് പേരാടിയ്ക്ക് ഏറെ ശ്രദ്ധ നേടി കൊടുത്ത കഥാപാത്രങ്ങളിൽ ഒന്നാണ്.